الموضوع: الي عشاق سكودا فيليشيا

السلام عليكم ورحمة الله وبركاته
رمضان كريم وكل سنه وانتم طيبين ...
انا اول مره ليا هنا معاكم واتمني اكون عضو دائم معاكم ...
انا ان شاء الله ناوي اشتري عربيه وبعد بحث علي النت في المواصفاتكنت مستريح للابيزا وبعدين بعد حوار من الاستاذ احمد جوده من الناس المحترمه اللي هنا في قسم السكودا دخلت معايا الفيليشيا بقوه....دي طبعا اول عربيه ليا ومعنديش عنها معلومات كتير ...فيا ريت حضراتكم تزودوني بمعلومات عنها من حيث القوه والتسارع ..الثبات ..الاعتمادية ..سهوله البيع بعد كده ...قطع الغيار ...سهوله او صعوبة القياده ...وتجاركم معاها بامانه لان ردود حضراتكم بعد استخارة ربنا هو القول الفصل في الموضوع ...
انا طبعا هجيبها مستعمله رنج من 35.000 الف لحوالي 40.000 الف ان شاء الله ...
استخدامي في الغالب مشاوير داخل البلد (القاهره ).....معظمها مشاوير شغل لاني مدرس .....
وممكن سفر مطروح مره او مرتين في السنه .فياريت تكلموني عن الحاجات دي ومميزات وعيوب العربية دي ...وكمان تجاربكم الشخصيه معاها ..ومستني ردودكم واسف للاطاله ..

المشاركة الأصلية كتبت بواسطة المنسي

اهلا وسهلا بيك فى قسم الفليشيا العزيز
الايبيزا والفليشيا الاتنين ولاد عم لان الاتنين المان
مبدأيا بالمبلغ اللى حضرتك تتكلم فيه نقدر تجيب فليشيا بحالة محترمة جدا جدا
وممكن لو زودت عن 40.000 كمان 20.000 تجيبلك حاجة فى الفابيا موديل 2001 او 2002 حالتها كويسة
المهم الفليشيا عربية جميلة جدا ينقصها تكييف جيد فى الايام الحر اللى احنا فيها دلوقتى
من ناحية الثبات معاك لغاية 140 ثابتة جدا على الطريق لو حالتها عفشة وميكانيكا كويسة
من ناحية قطع الغيار فمتقلقش من الجزئية دى متوافر منها كتير جديد واستيراد يعيبها ان قطع الغيار غالية شويتيتن بس فى مقابل ان قطعة الغيار الغالية بتبقى معمرة
تقبل تحياتى

اهلا وسهلاغ بحضرتك وشكرا لذوقك ....هو للاسف مفيش امكانية اني ازود ...بس هي الفيليشيا التكييف بتاعها ضايع ولا بياثر علي سحي العربيه ...وشكرا لذوق حضرتك

منتظر ردود فرسان القسم

الأخ العزيز طبعا انت عايز تشتري عربية كويسة بس ده يعتمد علي ايه اللي انت عايزه من العربية وامكانياتك الماديه برضه اولا بالنسبة للسكودا فيليشيا هي عربية ليها مميزات وعيوب نبتدي بالمميزات : ثبات علي الطريق حتي في السرعة العاليه , متانه في الصاج وصعب ان البرومه تاكله , مريحة من الداخل وصالونها واسع وللي قاعد في الخلف مستريح , عفشتها بسيطة ومش معقدة , صدر العربية واسع وتقدر تشتغل فيه براحتك ,قطع غيارها متوفرة في السوق وتكلفتها معقوله سواء جديد او استعمال , غير الكومبي ليها سوق وممكن تبيعها علي طول , استهلاكها في البنزين لو مظبوطة كويس , العمر الإفتراضي لأجزاءها طويل نسبيا حسب الإستعمال ونوع قطعة الغيار اللي حاتركبها واللي موجود في السوق اما تشيكي او الماني او تركي او صيني وحسب امكانياتك وللي تحب تركبه , نيجي للعيوب : حرارة العربيه العادية 90 وبتسخن بسرعة لأن الموتور سبيكة الومنيوم وقد تحتاج الي تركيب مروحة اضافية لزيادة التبريد , فيه موديلات قبل 97 كربراتير والأحسن تكون انجكشن لأنه حيوفر معاك في البنزين وتعب وضبط الكربراتير , السيارة وزنها تقيل حوالي 850 كجم وده يخلي التسارع بتاعها بطيء شويه مش زي الدايو وتغييب شويه علي ما تجمع , ما فيهاش تكييف والموديلات منها اللي فيها يعتبر زي عدمه , سرعتها لن تتجاوز ال 140 لو هي حالتها كويسة المصنع بيقول 145 كم/ساعة , الدركسيون سكاترا مش باور بيقولو عليه هالف باور بس معقول , الدبرياج تيش مش هيدروليك وده بيخليه تقيل شوية وتحس بيه في الزحمة اكتر
علي العموم العربيه عامة كويسة بس خد بالك من حالتها وانت نتشتريها عشان ما تتعبكش وتصرف عليك ولو وش اوكافيا وانجكشن يكون افضل . ارجو اني اكون افدتك واسف علي الإطالة

المشاركة الأصلية كتبت بواسطة ehab mobarak

الأخ العزيز طبعا انت عايز تشتري عربية كويسة بس ده يعتمد علي ايه اللي انت عايزه من العربية وامكانياتك الماديه برضه اولا بالنسبة للسكودا فيليشيا هي عربية ليها مميزات وعيوب نبتدي بالمميزات : ثبات علي الطريق حتي في السرعة العاليه , متانه في الصاج وصعب ان البرومه تاكله , مريحة من الداخل وصالونها واسع وللي قاعد في الخلف مستريح , عفشتها بسيطة ومش معقدة , صدر العربية واسع وتقدر تشتغل فيه براحتك ,قطع غيارها متوفرة في السوق وتكلفتها معقوله سواء جديد او استعمال , غير الكومبي ليها سوق وممكن تبيعها علي طول , استهلاكها في البنزين لو مظبوطة كويس , العمر الإفتراضي لأجزاءها طويل نسبيا حسب الإستعمال ونوع قطعة الغيار اللي حاتركبها واللي موجود في السوق اما تشيكي او الماني او تركي او صيني وحسب امكانياتك وللي تحب تركبه , نيجي للعيوب : حرارة العربيه العادية 90 وبتسخن بسرعة لأن الموتور سبيكة الومنيوم وقد تحتاج الي تركيب مروحة اضافية لزيادة التبريد , فيه موديلات قبل 97 كربراتير والأحسن تكون انجكشن لأنه حيوفر معاك في البنزين وتعب وضبط الكربراتير , السيارة وزنها تقيل حوالي 850 كجم وده يخلي التسارع بتاعها بطيء شويه مش زي الدايو وتغييب شويه علي ما تجمع , ما فيهاش تكييف والموديلات منها اللي فيها يعتبر زي عدمه , سرعتها لن تتجاوز ال 140 لو هي حالتها كويسة المصنع بيقول 145 كم/ساعة , الدركسيون سكاترا مش باور بيقولو عليه هالف باور بس معقول , الدبرياج تيش مش هيدروليك وده بيخليه تقيل شوية وتحس بيه في الزحمة اكتر
علي العموم العربيه عامة كويسة بس خد بالك من حالتها وانت نتشتريها عشان ما تتعبكش وتصرف عليك ولو وش اوكافيا وانجكشن يكون افضل . ارجو اني اكون افدتك واسف علي الإطالة

طبعا افدتني جدا وشكرا لرد حضرتك ...وتقريبا كده بشكل عام العربيه كويسه ربنا يكرم بحاله كويسه ان شاء الله ,.