انا شلت الاستيكر بتاع ابو غالي والاستيكر بتاع موبيل 1 من العربيه عشان الغلاسه ممكن يقول ملصقات
عرض للطباعة
انا شلت الاستيكر بتاع ابو غالي والاستيكر بتاع موبيل 1 من العربيه عشان الغلاسه ممكن يقول ملصقات
ضابط محترم أنه سابك
أولاً كل حاجة اسعارها ارتفعت ومبقاش فيه محلات ب 2جنيه الآن فيه ب2.5
ثانياً صاحب السيارة مش مكتفي بكم العرائس ( الليلة الكبيرة كما قال صديقنا ) ولكن أعتقد أنه واضع ستارة خلفهم ؟
فهل يا ترى علشان اللي بيلعب بالعرائس ميظهرش ولا فيه فقرة الأراجواز :sorcerer: بعد العرائس .
وعجبي !!!!!!!!!!!!!!!!
المشكلة واكتر حاجة بتضيقنى مش انهم بيحبكوها ساعات على حاجات تافهة قصدى على **** المرور اللى بيضايقنى اكتر منهم انهم فى عربيات معينة بتبقى فوق القانون خالص ولا الهوى مهما عملو اصحاب العربيات دية محدش يقدر يكلمهم يعنى انا مرة كنت داخل كمين وقدامى عربية نمر سودا مفيمة والله حتى موقفهاش ولا شاف الرخص وانا لما دخلت وقفنى وقلى انت مركب لمض ليزر الزرقا الصغيرة على الكبوت تصوروا بة احساسى ساعتها كنت عايز اخنق الباشا ال................. والله دول الاسرائليين مش بيعملوا كدة فى الفلسطنيين على المعابر وحسبى الله ( اسف على الازعاج )
على رأى المثل: "مالقوش فى الرخصة عيب...قالوا حاطط الدبدوب"
هقول ايه بس دي عربيتيي ي ي ي يعني المفرود اعمل فيها اللي انا عايزه انشالله اجرها بحمار دا الفاميه اللي بيعقد بتوع المرور هنا مسموح بيه في كل الدول الا مصر مش عارف ليه ويجوا دول يتكلموا في دبدوب انا خايف في مرة ظابط يوقفني ويسحب الرخصة عشان لون الفرش بتاع العربية مش عاجب سيادته وحسبي الله ونعم الوكيل
على رايك والله تصدق بالله انا كنت عايش فى السعودية فترة كبيرة والله كنت بشوف الناس هناك بتفيم العربية ولا اى حد يكلمك عادى جدا وسعات والله كنت تلاقى سعات ناس بيحطو ا ستارة كدة على الازازز اللى قدامهم مبتبينش اللى جوة العربية يعنى السواق يشوف واللى برة ميشفوش يعنى مفيم العربية كلها والازاز اللى قدامة كمان والله العظيم المرور مكنش لية دعوة بية خالص وكنت تكتب على وتلزق اى حاجة على العربية براحتك يعنى من الاخر المرور ملوش دعوة بيك الا اذا عملت حادثة او ركنت فى الممنوع او الحجات دية غير كدة هى عربيتك وانت حر فيها . انما فى مصر بلد الديمقراطية حاجة غريبة اى حاجة فى العربية الباشا يحسسك ان فى تار بايت بينك وبينة وعايز يسحب الرخصة بينما تلاقية هو نفسة الباشا الضابط مفيم ومروق عربيتة بس نعمل اية بلد الوسايط والكوسة صحيح .
المشكلة ان البشوات الي بيعملوا كدة ده قانوني و أؤكد انه قانوني فعلاً
في حاجة أسمها جواب عدم تعرض بيطلع للبشوات بس انا شوفته قبل كدة في عربية بتاعة عضو مجلس شعب كنت هشتري عربيته و كان مكتوب فيه مسموح للسيارة بالدخول لحرم مجلسي الشعب و الشورى و جميع الجامعات و ممنوع التعرض له في اللجان و مسموح له بأستخدام ثارينة الشرطة في حالة الضرورة و مسموح له بدخول المطارات بدون رسوم
عبور بوابات الطرق السريعة بدون رسوم
و المشكلة ان الجواب طالع برقم العربية مش بأسم حد و هو كان هيدهوني مع العربية
و كمتن مختوم بختم مجلس الشعب و رئاسة مجلس الوزراء