بفكر أشتري frv كروس و عايز نصيحة

**ashraf mansour** · 09-07-2014 02:11 AM

السلام عليكم و رحمة الله و بركاته
و كل سنة و انتم طيبين
و بعد ازنكم كان عندي استفسار
انا معجب جدا بالعربية frv cross و بفكر جدا اني اشتريها عشان هغير كمان 3 شهور ،بس أهم حاجة عندي انها تكون اعتمادية و حمالة أسييه عشان طبيعة شغلي كلها سفر و تنطيط طول اليوم وانا من النوع اللي بدوس جدا علي العربية في السرعة و الحرق بس دايما بعمل صيانة في التوكيل زي مابيقول الكتاب و أكتر شوية عشان انا مهندس ميكانيكا و بحب اهتم بالعربية و للعلم انا معايا أفيو 2010 عامل بيها 250 ألف كيلو لحد دلوقت و بفضل الله عمرها معطلت مني ولا كسفتني علي الطريق عشان براعيها كويس و ربنا بيسترها عليا .. السؤال بقة لو جبت frv كروس وعاملتها زي الأفيو هتقدر توصل للمستوي ده من الاعتمادية و الاحتمال ولا العرق الصيني هيشتغل ... ياريت اللي عمل عدد كيلو مترات كبير يقولي وصل كام ألف بيها و حالتها عاملة ايه.. ولا اعيد حساباتي تاني ياريت الإفادة و النصيحة لوجه الله من السادة الاعضاء و اسف علي الإطالة و شكرا مقدما

**Omar2017** · 09-07-2014 02:59 AM

عفشة اوكتافيا و موتور ميتسوبيشي 1600 يعني اعتمادية اعلى من الافيو بكتييييييير و قطع غيار مرطرطة في كل حتة و ثبات تام لغاية 160

**ashraf mansour** · 09-07-2014 03:34 AM

اشكرك جدا علي ردك بس حابب اعرف اخبار ضفيرة الكهربا و الاجهزة الكهربية اللي فيها و التكييف
و هل في حد من الاعضاء عمل بيها 100 ألف كيلو فيما فوق

**islamfouda** · 10-07-2014 01:15 AM

انا معايا كروس موديل 2015 عامل بيها 4000 كم وطبعا ده مش رقم كبير للحكم عليها بس دي ملاحظاتي و يارب تفيدك
الموتور 1500 متسوبيشي mivec 4a91s 16v و ده للاتوماتيك و انا شايف اداءه جيد جدا مع وزن العربيه اللي هو 1250 kg بس موتور المانويل برليانس و معنديش تفاصيل عنه
التكييف جيد جدا بس للامانه كان الافضل يكون زجاج العربيه ملون لان الشبابيك بتدخل شمس بشكل كبير جدا و لدرجه تدايق خصوصا لواحد بيتحر بسرعه زى

العفشه طبعا مقدرش احكم عليها دلوقتي بس هي ناشفه شويه
العربيه اقصي سرعه جبتها بيها كانت 150 و كان ممكن جدا تجيب اكتر وكانت ثابته جدا جدا
معنديش تفاصيل عن الضفيره
الكاسيت شغال تمام و فيه USB & aux
الفرامل جيده جدا