الموضوع: عملت كام غلطة سواقة النهاردة ؟ ؟ ؟

كنت ماشى ع الشمال وكان فى يوترن ع الشمال وانا المفروض امشى على طول ولقيت نفسى مزنوق وسط العربيات اللى هتلف ففضلت فى الصف عادى بس اديت اشارة يمين علشات اللى ورايا يعرف انى مش هلف وهاكمل على طول وافاجأ وانا ادام الملف بعربية تاكسى بيلف من قدامى بسرعة غبييييييييييييييية جدا ولولا ربنا ستر ووقفت كنت لبست فية وببص الاقية وقف وبيقولى مانا مديك اشارة انى هالف مع انة هو اللى جى من ورايا وانا قدامة ومنور الاشارة انى مش هالف المهم اول مازعقتلة وقولتلة وفى حد بيعرف يسوق يلف من ادم عربية بالسرعة دى راح قايلى حقك علية انا غلطان ومشى

التاكسيات ............. وما أدراك ما التاكسيات
بحس إن سواقين التاكسيات نفسهم يغمضوا عينيهم ويفتحوها ما يلاقوش عربيات ملاكي خالص في الشارع ...وعلشان ده مستحيل فبيتعمدوا إنهم يقرفوا أي ملاكي قدامهم ... من كام يوم ماشي في طريقي عادي وقدامي واحد بيلف شمال وأنما مش هلف فإذا بسائق تاكسي من إياهم .وراجل عجوز يعني مفروض يكون حكيم .... جاي من ورايا بسرعة أكبر مني ومن غير إشاره ولا الهوا راح داخل بعرض الشارع من قدامي يلف هو كمان شمال .. قلة أدب ... هو بيقول لنفسه دول سواقين ملاكي بيتفسحوا أما أنا فباشتغل يعني مش بالعب زيهم فبالتالي من حقي أعمل إللي أنا عايزه ... الأدهي من كده إني لما بصتله بغضب قام قايل كلمة كده مش عارف هي إيه ... وجايز تكون شتيمه؟؟؟
وزيهم بتوع أتوبيسات المدارس والميكروباص ..ولا هم هنا ولا بيبصوا أصلا للشارع.. من كام يوم كنت ماشي قبل فتحة دوران للخلف وفيه أوتوبيس عايز يلف من الناحية التانية وطول ما أنا ماشي .. كل شويه يمشي نص متر لغاية ما سد تلتين الشارع ومع ذلك ما وقفتش له علشان يعدي وعديت قدامه وكان الإكصدام بتاعه على بعد سنتيمترات مني ... كان تهور مني طبعا لأنه كان ممكن ما يعرفش يمسك نفسه ويخبط فيا ... بس ساعات بتخنق جدا منهم وبيبقى نفسي أضايقهم زي ما بيقرفوني .. زمان كنت باسمع ان السواقة في المقام الأول "ذوق" يعني أدب وأخلاق . دلوقت بقى شعار أي حد بيسوق .. إوعى حد يعديك ..إرمي وشك وادخل واللي وراك يبقى يلحق نفسه هو حر ..
حوادث كتير بتحصل بسبب سائقي الأجرة رغم إن المفروض إنهم "محترفين" يعني نتعلم منهم قواعد القيادة السليمه ... لكن للأسف إللي بيحصل هو العكس.

متابعة باهتمام.