لزمته ايه الترفيه

**shiko85** · 11-07-2014 04:03 AM

سؤال صغير معروف اجابته
ايه الهدف من المشاركات دى ؟!
عموما لو حد يعرف وظيفه تانيه اللى بيشتغل فيها معروف انه ممكن يموت فأى وقت و بيطلع عمليات و هو متأكد انه ممكن مش هيرجع تانى و بيغيب عن بيته و اهله بالشهور و واقف ليل نهار فعز البرد او فالحر الشديد يقولنا عليها
هنسمع الرد المعتاد بتاع ان دى وظيفته و بياخد مرتب عليها هقول لما هى دى وظيفته يبقى خلاص زى ما بيموت يبقى ياخد المميزات الكامله للوظيفه ولا هى الوظيفه انه يموت و يخلاص ؟؟!!!

**shiko85** · 11-07-2014 04:10 AM

المشاركة الأصلية كتبت بواسطة m r. Z e c o

متقلش الجيش بيشحت من بعض الناس عشان يعمل مكافائات ابسولوتلي ده الجيش البيدي فلوس للبلد ودي حقيقة

معلش يا باشا اصل انها لا تعمى الابصار ولكن تعمى القلوب التى فالصدور

**Mohab.Nabil** · 11-07-2014 04:59 AM

المشاركة الأصلية كتبت بواسطة M R. Z E C O

متقلش الجيش بيشحت من بعض الناس عشان يعمل مكافائات ابسولوتلي ده الجيش البيدي فلوس للبلد ودي حقيقة

loooooooool

الجيش بيدى فلوس للبلد ؟ ليه هو الجيش ده مش تبع البلد و البلد اللى بتصرف عليه ولا ايه ؟

و الله انا اللى اعرفه فى كل دول العالم ان الطبيعى ان الجيش ده مؤسسة من مؤسسات الدولة و ليه جزء من ميزانية الدولة

انما ان جيش يصرف على الدولة ديه حاجة جديدة اختراع يا كوتش يعنى بس نقول ايه بقى مصر بلد العجايب

**M R. Z E C O** · 11-07-2014 05:02 AM

المشاركة الأصلية كتبت بواسطة mohab.nabil

loooooooool

الجيش بيدى فلوس للبلد ؟ ليه هو الجيش ده مش تبع البلد و البلد اللى بتصرف عليه ولا ايه ؟

و الله انا اللى اعرفه فى كل دول العالم ان الطبيعى ان الجيش ده مؤسسة من مؤسسات الدولة و ليه جزء من ميزانية الدولة

انما ان جيش يصرف على الدولة ديه حاجة جديدة اختراع يا كوتش يعنى بس نقول ايه بقى مصر بلد العجايب :copy of new:

هي بلد العجايب بس مش للسبب ده( اظاهر ان معلوماتك شديدة اوي )

**Mohab.Nabil** · 11-07-2014 05:38 AM

المشاركة الأصلية كتبت بواسطة m r. Z e c o

هي بلد العجايب بس مش للسبب ده( اظاهر ان معلوماتك شديدة اوي )

اه الحمد لله معلوماتى شديدة اووووووى

بس معلش حضرتك تزيدنى بقى فى المعلومات و تقولى هو الجيش بيجيب فلوس منين عشان يديها للبلد ؟ يعنى انا اعرف ان البلد بتجيب فلوسها من انتاج صناعة زراعة سياحة ... الخ ، الجيش بقى بيعمل فلوس ازاى؟

**mr_vampire** · 11-07-2014 05:53 AM

المشاركة الأصلية كتبت بواسطة shiko85

الزياده دى بتاعت الدوله لكل المعاشات مش الجيش بس و هى 10% بس
يا ريت نفتكر ان ضباط و افراد القوات المسلحه هم موظفين فالدوله

«السيسي» يقرر زيادة المعاشات العسكرية 10% من أول يوليو - بوابة الشروق

لو كانت الزيادة لكل المعاشات الحكومية كنا هنلاقي الخبر منتشر علي كل القنوات والجرايد عشان تمتص غضب زيادة الاسعار انما الاخبار بتتكلم زيادة معاشات الجيش بس.

لو عند حضرتك خبر بيتكلم عن زيادة معاشات باقي موظفين الحكومة ياريت تجيبهولنا.

**mustafavet** · 11-07-2014 06:33 AM

المشاركة الأصلية كتبت بواسطة shiko85

الزياده دى بتاعت الدوله لكل المعاشات مش الجيش بس و هى 10% بس
يا ريت نفتكر ان ضباط و افراد القوات المسلحه هم موظفين فالدوله

لا وحياتك هما زادوا العشرة ف الميه بتوع الموظفين العاديين
و10 في الميه تانيه غيرها
يبقي كله كله 20 في الميه

**Bassem Youssef** · 11-07-2014 08:30 AM

مفيش داعي لدخول السياسه في الردود و لكن دي ارزاق من عند ربنا و ظابط الجيش ده ممكن يموت في غمضه عين

التليفزيون و لا حتي لو بياخد عربيه بورش هديه متجيش حاجه جنب شعور مراته و عياله لما يستشهد او لما يتضرب برصاصه تعجزه

الناس دي شايله مسئوليه منيله بستين نيله بغض النظر عن موقفي من القيادات بتاعتهم اللي قاعدين في التكييف عاملين يربوا في كروش و يخربوا في البلد

**abou-yahia** · 11-07-2014 09:52 AM

مهو لغي حاجات تانيه كتير قصادها

كرتونه رمضان ، ترفيه اكتوبر ، وديعه حرب الخليج اتفكت فمبقاش فيه عائد يوزعه عليهم ذي الاول

Sent from my SM-N900 using Forum Runner