هل تصنيع وتجميع الياريس يابانى مائة بلامائة
عرض للطباعة
هل تصنيع وتجميع الياريس يابانى مائة بلامائة
أيوه.. وهى التويوتا الوحيدة التى لم تخرج من اليابان حتى تاريخه
الياريس فعلا 100 في 100 ياباني اكيد
مفيش عربيه فى العالم بتتصنع بالكامل فى مكانها
الياريس تصنيع يابانى
لكن ممكن تلاقى فيها حاجات مش يابانى لأن الشركات الكبيره دى بتصنع حاجات ليها خارج اليابان للإستفاده من فروق الأسعار
هل تصدق أن مصنع مرسيدس ألمانيا يحصل على طنابير سياراته من مصر؟
محدش قال حاجه
بس الكلام ده على مثلا حاجه زي الكاسيت
مش مثلا اساسيات العربيه زي الماتور والعافشة والشاسيه
وهيا دي العربيه بصراحه
بس كاسيت مثلا مفيهاش مشكلة ومش هتأثر يعني
اما مسألة مرسيجس ومصر
فاعذرني ده شئ اخر
لأن دي كده العربيه بتتجمع في مصر ولازم يكون هناك نسبة انتاج مصري
اما هناك في اليابان مثلا هيا العربيه بلدها وبتنتج في بلدها
واغلب الحاجات الأساسية بتنتج من كبرى الشركات في اليابان نفسها
أنا معاك فى الكلام ده كله
بس على فكره مصنع مرسيدس ألمانيا بياخد الطنابير من مصر مش التجميع المصرى بس
و شركه موبيكا لإنتاج كراسى السيارات بمصر بتصدر لشركات سيارات كتير انتاجها من الكراسى
وده مش عيب لأن الشركات دى مش بتاخد غير المنتج الفائق الجوده وبتعمل اختبارات صارمه للمنتجات اللى بتستخدمها فى سياراتها
بس قصدى إن كلمة 100 % صناعه كذا هى كلمه مش دقيقه
وبعدين يا ابوعبدالله سيبك من الكلام ده فيه موضوع تانى مهم
التويوتا البيريوس الهجين سعرها كام بره ؟
فيه قرار جمهورى صدر بتخفيض الجمارك على السيارات الهجين الى 25 % فقط
المفروض والله ينزلوها بقه اصل كده عيب
مش معقولة العالم كله ركب العربيات واحنا قاعدين بنحلم بها
هو المفروض انهم عاملو فعلا جماركهم 25%
ربنا يسهل
ربنا يهديهم زينزلوها بقه
اصل كده شكلنا وحش
العالم كله ركب العربية دي واحنا لسه بنتمنى نشوفها بس
إعلانات تويوتا إيجبت تظهر فىيها الPrius الان و أعتقد أن هذا مؤشر على قرب طرحها فى الاسواق.
طنابير مرسيدس: معلومة صحيحة 100% و الشركة فى العامرية بالاسكندرية.
فعلا لا يوجد سيارة مكوناتها 100% من بلد المنشأ بل تجدها مما لا يقل عن 4 او 5 دول، بالذات لو السيارة أوروبية. أنا مثلا سيارتى يوجد بها مكونات من اليابان، كوريا، ألمانيا، بلجيكا و جمهورية التشيك بالاضافة إلى أنها تحميع هولندى!