السلام عليكم ورحمة الله وبركاته .
لوسمحتم أرجو المساعدة وأنا ماشى بالعربية الدريكسيون بيرج أو بيرعش فى ايدى بيروح وييجى لوحده فهل ياترى دى مشكلة اسكاترا أو صليبة دريكسيون أو كبالن داخلية ، ولكم جزيل الشكر .
عرض للطباعة
السلام عليكم ورحمة الله وبركاته .
لوسمحتم أرجو المساعدة وأنا ماشى بالعربية الدريكسيون بيرج أو بيرعش فى ايدى بيروح وييجى لوحده فهل ياترى دى مشكلة اسكاترا أو صليبة دريكسيون أو كبالن داخلية ، ولكم جزيل الشكر .
الاول لازم تكون متاكد ان المشكلة مش مشكلة كاوتش او زوايا او ترصيص
وبعدين نفكر فيما هو أبعد من ذلك
وضح اكتر الرجة والرعشة فى كل السرعات ومش بتختفي
هل عندك مشكلة فى الكاوتش او الجنوط
اذا كانت الهزة في الدركسيون فقط شوف الزوايا والترصيص انما اذا كان الهزة في العربية كلها شيك علي القواعد الخاصة بالموتور
الرعشه على سرعه كام ..
رعشة الدركسيون اسببها
1- رفة في الكوتش او تنفيخ جزء منه
2- الاسكترا
شكرا جزيلا لردود حضراتكم ، الرعشة فى الدريكسيون فقط وفى كل السرعات وهاشيك على الكاوتش واظبط زوايا وترصيص واشوف النتيجة وأقول لحضراتكم
الف شكر لحضراتكم ، امبارح رحت كشفت على الكاوتش لقيت فرده قدام مكسورة غيرتها ورصصت وجربت العربية ، الحمد لله الرعشة راحت بس فى مشكلة بسيطة فى المطبات الصغيرة او الطريق غير المستوى باسمع صوت دردرة او خبط فى صليبة الدريكسيون او اسفل الدريكسيون ، فانا شاكك فى صليبة الدريكسيون او الاسكاترا أرجو من حضراتكم الافادة .
الاسكترا محتاجة حشو لو العفشجي قال انها سليمة ولو اتعملها حشو من قبل او رايحة في داهية بلغة الصنيعية وجب التغيير
شكرا يا أستاذ حسن على رد حضرتك وهاشوف العفشجى يكشف عليها .
ده عيب فى صليبة الدركسيون ودى بتتباع استعمال مافيش جديد بحوالى 100 جنية وهى بتعمل صوت فى الدركسيون فى المطبات الصغيرة !!
شكرا لرد حضرتك يا أستاذ / وليد
نفس الكلام قاللى عليه واحد عفشجى بس كنت شاكك فى كلامه هاروح للعفشجى وأشوف الصليبة لو مبوشة هاغيرها انشاء الله .
منتظرين نتيجه التغيير علشان انا تقريبا عندي نفس المشكله