ممكن حضرتك تقول شويه تفاصيل
وهل لو الواحد هاجر سهل يلاقى شغل فى مجال ال it
عرض للطباعة
الحاجه اللي شدت أنتباهي في الموضوع ان ناس كتير داخله تعلق انها كانت فاكره البلاد في افريقيه كلها صحرا ومجاعه وتخلف ودا الحقيقه خلاني أتفهم موقف الاجانب اللي فاكرين مصر والدول العربيه عباره عن صحرا وتخلف وجهل انا كنت شايف انهم هما اللي جهله وخصوصا في عصر الانترنت وانك تقدر تشوف اي دوله من مكانك بس اتضح لي دلوقتي ان دا طبيعي زي ما عندنا ناس شايفه افريقيا عباره عن دول مجاعه برضوا في من الاجانب اللي فاكرين ان المصريين لسه بيتنقلوا بجمال
مع افتراضي التام لحسن نية د. مصطفى
الا اني اختلف معه بشكل كبير
نعم استراليا ليست بلد الاحلام و لكنها ليست بالسوء هذا و لا بهذه الدرجة
على ناحية أخرى, طبعا المقارنة بين استراليا و مصر هي عبث !
السلام عليكم
اولا احب اذكر الاعضاء المحترمين ان الموضوع دا قديم جدا لدرجه ان انا نفسي نسيت اني كتبت حاجه زي كدا
ثانيا انا لم اقول ان استراليا وحشه والناس متهاجرش ليها - ابدا والله - انا بقول ان الحياه مش ورديه وفرصك في الحصول علي شغل فعلا صعبه
ثالثا انا خرجت من استراليا من مده وخاليا اسعي لدخولها مره ثانيه للدراسه
رابعا المحترم اللي بيقول اني مش عاوز خد غيري يروح - ياباشا انا مش مكتب هجره - الموضوع كان عن تحربتي انا الشخصيه - بالاضافه اني اساسا مش مهاجر ليها ومعرفش اوضاع المهاجرين ايه ولا حتي طريقه الهجره - الاستاذ احمد كمال عضو مخترم معانا هنا علي المنتدي نقدر تساله
مازلت متمسك براي اقل من 30 الف دولار سنويا كراتب - لن تستطيه انك تعيش في استراليا باسرتك
يكفي انك تعرف ان التامين الصحي لطالب دكتوراه لمده اربع سنوات - 17 الف دولار
انا سافرت بلاد كتيره ودي كانت تجربتي - ممكن تكون انت عايشت واقع اجسن مني - دا شئ تحمد ربنا عليه
الرأيين صحيحين
الهجرة لإستراليا ليست مستحيلة ولكنها ليست سهلة
معظم وكلاء الهجرة أو العاملين في المجال لا يضمنون فرص عمل
فبتالي من الممكن يضمن دخول البلد ولكنه لا يضمن حصولك على عمل وهنا المشكلة
أنا لما أدخل حد كندا ولا استراليا .. مهي دي مش صعبة .. لكن التحدي الحقيقي إنك تخليه يعمل
أو يحصل على اقامة دائمة
تبقى حطيته في البلد مع ضمان بقاءه
احترامى وتقديرى لصاحب الموضوع على لنقل التجربه بحياديه تامه . ارجو تقبل مرورى
دي أنواع تأشيرات .. فيه أنواع تأشيرات بيكون صاحبها تلقائيًا حامل للإقامة الدائمة
مفيش حد قال إنها مستحيلة إطلاقًا
طالما وجدت فيها ممكنة وليست مستحيلة ..
ولكن إحنا هنا بنتكلم عن كثرة شروطها وصعوبة الحصول عليها
وحضرتك كوكيل هجرة كم شخص تعاملت معه تأهل للحصول على هذا النوع من التأشيرات وحصل عليها
الفكرة إن مبلغ مثل 30 ألف دولار للحاصل على الإقامة الدائمة وعلى رأس العمل مبلغ تافه
ولكن الحصول على الإقامة الدائمة أو نوع من تأشيرة الإقامة الدائمة صعب وبيتطلب توفر نقاط كثيرة في المتقدم
الهجرة ليست مستحيلة .. ولكنها تطلب الكثير من الجهد وطبعًا مع توفر المال معظم البلدان تفتح لك أبوابها
هذا يدل على جودة العمل لديك .. ليس معناه أنهم يقبلون كل المتقدمين
عمومًا
فيه وكلاء هجرة بيكونوا متعاملين مع شركات وأصحاب عمل
هل حضرتك منهم ؟ هل دا يعتبر قانوني في استراليا ؟
أنا بعتذر لكثرة أسألتي ..
ليس لسبب شخصي ولكن أنا مدرك جدًا لقلة المؤهلين للحصول على هذا النوع من التأشيرات
كذلك أعلم جيدًا أن أفضل وسيلة وأقلها ارهاقًا هي المال
فيه وكلاء هجرة بيبقوا وكلاء توظيف في نفس الوقت او متعاملين مع وكيل توظيف
بس لاسباب قانونية يطول شرحها الموضوع ده شائك و بيعرض وكيل الهجرة لمشاكل كتير
المؤهلين مش قليلين ..... و بالعكس هجرة العمالة الماهرة اسهل من هجرة المستثمر ! التانية شروطها اسخف و اكتر بكتير
المشكلة في مصطلح مستثمر .. هما بيعتبروا صاحب العمل مستثمر
بشروط غريبة و لحجم ثروة -ضئيل- في عرفنا للمستثمر
مستثمر حقيقي لو برصيد يتجاوز3 مليون دولار أمريكي ويزيد
لكن لو أقل هل هذا يعتبر مستثمر ؟
في عرفهم نعم مستثمر ..
طبعًا هيطوقوه بالقوانين وبالأغلال كمان
لكن السؤال ليه المستثمر الحقيقي يختار استراليا من الأساس ؟
الصين والهند مغرية لتوفر العمالة وباريس وسويسرا والخليج مغرية للسوق الإستهلاكي
هذه دول مغرية أكثر من استراليا وكندا للمستثمر
المستثمر لا يبحث عن الكرامة وتسهيل سبل الحياة
لأنه لا يعاني من مشكلة في هذه النقطة كغالبية الباحثين عن الهجرة
هو يبحث عن الربح في أي مكان
إذًا ببساطة هما عارفين كويس هما عايزين إيه وبيختاروا اللي هيفيدهم ويفيدوه
استراليا شروطها في المستثمر مبالغ كبيرة جدا ..... مش اي صاحب عمل ...... يعني لو مثلا المستثمر صاحب عمل ..... وعمله الحالي بيدر اجمالي 500 الف دولار سنويا في سنتين من اخر اربع سنوات ...... لازم يكون عنده ارصدة و اصول قابلة للتسييل 800 الف دولار يقدر يحولها للاستثمار في استراليا
فيه مسارات تانية للمستثمر عايزة مبالغ اكبر بكتير ......
الموضوع معقد جدا لهجرة المستثمر .... و فيه شروط على الاستثمار ...... ما ينفعش يكون passive investment .... ما ينفعش يكون في العقارات ...... لازم المستثمر يكون ايده في ادارة المشروع مش يرمي الفلوس لاي حد و خلاص ...... الخ
لو هيا دي الشروط يبقى المال أبسط وأسهل وسيلة للهجرة لإستراليا
العملة بالدولار الإسترالي .. أنا فهمت صح كدا ؟
والدخل عمومًا شامل كل المصروفات 500 ألف دولار يعني على حسب مافهمت أنه مش صافي الأرباح
يعني هما عايزين تحقيق دخل أقل من 390 ألف دولار أمريكي شامل كل المصروفات بتاعتك
يعني لو مرتبات الموظفين ومصاريف إدارية ومصاريف مواد وصيانة وهالك وخلافه عملت 300 ألف مش مهم ؟
و800 ألف دولار مش أرصده ولا سيولة دي حتى لو عربية ولا فيلا ولا عقار كلها داخلة في الحسبة ؟!
يعني المبلغ المطلوب لما تتعصر كلك بماتملك تحت ايدك تعملهم اقل من 630 ألف دولار امريكي ؟
أنا كدا فاهم صح ؟ : )
الرقم بالريال السعودي ميعملوش اتنين مليون ونص يعني بالجنيه ميعملش 5 مليون جنيه
والربح بالريال السعودي حتى لو 28 ألف ريال شهريًا شغال !
أنا كدا فاهم صح ؟!
دا أي مستثمر يبيع فلته المتواضعة ولا شقته وعربيته وهيجيب المبلغ ببساطة
دا الحد الأدنى لأي شركة مبتدئة بتقول ياهادي
في دول -منهم السعودية - بتعتبر إن أقل من 3 مليون دولار أمريكي ( أصول ) معرض للخسارة ومش آمن ..
المستثمر في استراليا مش هيواجه أي مشكلة إلا لو هيحطوه فترة تقييم قبل الإقامة الدائمة
صاحب مبلغ زي دا ممكن ببساطة يخسر
هيقولوه بالسلامة ؟
حضرتك أدرى مني أكيد القوانين اتغيرت لإن الأرقام دي جديدة عليا كليًا ..
كنت تكلمت مع حد في استراليا من سنة وقالي ارقام تانية
مكنتش كبيرة برضو .. يعني اتكلم على ما أتذكر في مليون دولار والعقارات متاحة
معلش أنا مش متذكر الأرقام أو الشروط فعذرًا ممكن يكون كلامي مش دقيق
بس اللي فاكره .. أخدت فكرة إن الموضوع مش معقد وحضرتك أكدتها بأرقام أقل
ويبدو إن فيه تغييرات مستمرة مش شروط مستقرة
كل الارقام دولار استرالي فعلا
الاستثمار في العقارات خارج اللعبة تماما ...... اصلا الاجنبي (المقيم الدائم لا يعتبر اجنبي في هذه الحالة) في استراليا ممنوع يشتري عقار بدون موافقة بورد الاستثمار الاجنبي + لازم العقار يكون على المخطط off plan أو يكون جديد و لم يسبق السكن فيه
فيه تاشيرات استثمار انتقالية و تاشيرات دائمة مباشرة ...... التاشيرات الانتقالية مطلوب فيها تبدا الاستثمار لفترة و بعدها بتاخد الاقامة الدائمة ...... مش هيقول لك مع السلامة لو خسرت ..... هيقول لك مع السلامة لو ما استثمرتش
فيه تغيرات من حين لاخر في القوانين بس نادرا ما بتكون بأثر رجعي
فيه تاشيرات اخرى بارقام اعلى و شروط مختلفة .....
استاذ احمد عندى سوالين لحضرتك لو سمحت
1-هل انا محتاج اعمل certified copy as orginal
هل لازم اعمل كده ولا ممكن اعمل Scan in high resolution
2- .زوجتى بتاخد علاج للغدة الدرقية هل اقول كده اثناء الكشف ولا ما اقولش ولو قلت هل هيعطل الاجراءات