استراليا ليست بلد الاحلام

**mustafavet** · 10-07-2014 11:36 AM

المشاركة الأصلية كتبت بواسطة باسم يوسف

معلش

هي كينيا او تنزانيا بيتكلموا لغات ايه ؟ و بتصرف كام في الشهر كشاب عازب ؟ و هل هناك جاليات اجنبيه ؟ يعني في ناس بيض البشره هناك ؟

تنزانيا بتتكلم كسواحيلي او سواحيلي وفي كلمات منها كتير اوي عربي
كينيا معظمهم دلوقتي بيتكلموا انجليزي (بس اللهجة الافريقيه)
في مقاطعات كامله هنديه ومقاطعات كامله صينيه ومقاطعات كامله باكستانيه وعربيه دا غير الايرانيين وكلهم بيض اكتر من المصريين
المصاريف معرفش لان شركتي هي اللي كانت بتغطي مصاريفي

**mustafavet** · 10-07-2014 11:37 AM

المشاركة الأصلية كتبت بواسطة mr_vampire

طيب ممكن حضرتك تعرفنا دخل الفرد ( المواطن مش الوافد ) كام شهريا او بيتقاضي كام فالساعة مقارنة بالوافد ؟؟؟؟؟؟

معرفش

**mustafavet** · 10-07-2014 11:39 AM

المشاركة الأصلية كتبت بواسطة بحار

يعنى حضرتك لو سألك هتروح تنزانيا ( وانت قاعد فى استرليا !!!!!!!!!!!!!!!!!!!!!!!!!!!!!!!!!!! )

ياريت تسيبله مكانك فى استراليا ( اللى انته مش مبسوط فيها ونفسك فى تنزانيا )

وتروح حضرتك تنزانيا ... ويبقى كده كل واحد راح الحته اللى مقتنع بيها ونفسه يعيش فيها ...

وانت مالك مخنوق اوي كدا ليه
يا عم انا بقولك اللي اعرفه عجبك اهلا وسهلا معجبكش اهلا وسهلا برده

**amrelsaqqa** · 10-07-2014 12:00 PM

عشان كدة الواحد بيقووووول

يا خسارتك يا مصر
احنا بجد عندنا مقومات اساسية مش موجودة في اماكن كتير تخلينا نبقى احسن بلد في العالم بدون مبالغة بس يا خسارة

**Mahmoudyoussif** · 10-07-2014 02:31 PM

المشاركة الأصلية كتبت بواسطة mustafavet

لا طبعا مش بهزر وانا عشت اكتر من سنه في الدول دي ولو سالتني استراليا ولا تنزانيا هروح تنزانيا
ومش عارف ايه التفاصيل اللي ممكن تكون عايزها

التفاصيل اللي عايزها اني اروح اشتغل هناك من غير عيلتي ... انا حاسبات و معلومات خبرة خمس سنين في مجال النشر تحديدا xml ممكن اشتغل اي حاجة ظروف المعيشة و الجو واللغة و الاكل و الامن اية ... يعني من الاخر خطوات للانتقال ... تكون محطة لبلد تانية

**mustafavet** · 10-07-2014 03:30 PM

المشاركة الأصلية كتبت بواسطة mahmoudyoussif

التفاصيل اللي عايزها اني اروح اشتغل هناك من غير عيلتي ... انا حاسبات و معلومات خبرة خمس سنين في مجال النشر تحديدا xml ممكن اشتغل اي حاجة ظروف المعيشة و الجو واللغة و الاكل و الامن اية ... يعني من الاخر خطوات للانتقال ... تكون محطة لبلد تانية

الفيزا بتاخدها من السفارة ف القاهرة او ممكن تاخدها في المطار لما توصل هناك والافضل تاخدها من هناك ب 50 دولار لمده 3 شهور. لما تلاقي شغل بتمدها اقامه 9 شهور

الاكل في المناطق اللي فيها اجانب (هنود - باكستانيين - اوروبيين - ايرانيين - اسيويين) غالي لانهم بيعملوا هناك استثمارات كبيرة فالبطبع اغنياء جدا لكن انا كنت دايما بسال والاقي الاسواق العاديه باسعار قريبه من مصر

قدرتك علي تحدث العربي ميزه هناك جامده جدا لان عرب كتير بيروحوا سياحه ومش بيعرفوا يتعاملوا معاهم فلو قدمت في حاجه تبع اي مجال سياحي هناك غالبا هتتقبل ان شاء الله دا غير فروع الشركات العالميه اللي هناك واللي حتي ملهاش فروع ف مصر

الجو هناك ربيع ممطر طول السنه ما عدا شهرين واحد واثنين بيبقوا حر مع رطوبه

الامن هناك احسن من مصر بمراحل والناس هتلاقيها بتضحك في وشك بدون سبب وهتكون صداقات بالهبل هناك لانك بالنسبالهم اجنبي وهما عندهم عقده الاجنبي زينا

**Merooxx** · 10-07-2014 04:12 PM

شكرا عل نقل التجربه

**samyyousef** · 10-07-2014 04:47 PM

المشاركة الأصلية كتبت بواسطة mustafavet

يا سيدي الفاضل انا مش متبهدل ولا حاجه بالعكس انا الحمد لله مرتاح جدا لان عندي وظيفة هنا بقدر احوش منها كمان الحمد لله
انا بتكلم علي الناس اللي ناويه تهاجر وبعدين تدور علي شغل

نقلت التجربة بحيادية....و رددت رد محترم على من وجه اليك الكلام..
تحياتي