مواصفات زوجة 2009

**Abdelrahman** · 17-10-2008 01:02 AM

السلام عليكم جميعا
كنت قاعد مع 5 من الاصدقاء اعمارهم من 26 ل 38 سنه وكلهم متجوزين باستثناء واحد من الخمسه كان خاطب ومحصلش نصيب ..زي حلاتي...المهم الخمسه من المعادي و عين شمس و المنصوره والمهندسين
وبعد نقاش قوي جدا وطويل جدا توصلنا جميعا لمواصفات العروسه إلي المفروض أنا (بما اني بدور على عروسه) وأي شاب بيفكر صح انوا يدور عليها وهي كلاآتي:صباح الكوميديا في القرارات وصباح الي بتغني
1-ابعد عن خريجين طب وصيدله وهندسه ...ههههههههه....دول بيكونوا تعبوا جدا في الكليه وما بيكنش عندهم استعداد للقعده في البيت او التفرغ التام للبيت والزوج والاولاد....افضل حاجه ليهم واحد من نفس التخصص ونفس الدماغ...العلم ثم العلم ثم العلم ثم الطموح والبيت يولع....
2-ابعد عن الي ساكنه في مدينة نصر او مصر الجديده او المهندسين (المناطق الراقيه بصفه عامه)....هههههههه......دول بيكونوا مدلعين شويه ومش متعودين على تحمل مسؤولية البيت والاسره والاولاد ...بمعنى آخر بتكون مرفهه زياده عن اللزوم ..فأي طلب هاتطلبه منها (كباية شاي مثلا )هايكون تقيل جدا عليها....افضل حاجه ليهم واحد مش مرتب ومش منظم ودايما بره البيت معظم الوقت وكمان يا حبذا لو مليونير...
3-خد واحده يكون عمرها يا إما صغير قوي (يعني 20 او 21)او كبيره شويه صغيره (25 او 26) والحكمه من كده:
الصغيره قوي أنت الي تربيها على ايديك .........ههههههههه
الكبيره شويه صغيره ...بتحس انها كده دخلت في مرحله سنيه ما كنتش تحب تدخل فيها اي بنت بدون ارتباط وبالتالي بتقبل بحاجات ما كنتش بتقبل بيها قبل كده(تنازلات في مواصفات فارس الاحلام).....

بعد كل النتائج والقرارات الحاسمه دي ...ما اكدبش عليكم حسيت ان في في بعضها شئ من الصواب والبعض الآخر مبالغ فيه ومن وجهة نظري الشخصيه ان يوم ما هايأذن المولى عز وجل بقدره في الزواج ..هاتلاقي كل حاجه ميسره حتى ولو لم تنطبق تلك الشروط

أرجو بس ان ما حدش يزعل مني ..ده كان بس حوار بين شباب متجوز ومن مناطق مختلفه وحبيت بس اعرضه عليكم من باب العلم بتفكير الناس وصل لفين في موضوع الجواز ده ...سواء عن تجربه شخصيه او غيره

**Dr.A.Nabil** · 17-10-2008 01:24 AM

انا معاك بشده في اول نقطه ... خصوصا ان انا من مؤيدي تفرغ المرأه للمنزل
-تاني نقطه صحيحه بنسبه 75 %
- تالت... اللي عمرها 20 او 21 دي بتكون دماغها صغيره ولسه ماتقدرش تتحمل مسئوليه اوي
-

**Hussein_Ramdan** · 17-10-2008 01:57 AM

تمام كل التمام والى ميقولش تمام يبقا مش تمام

**دموع الثلج** · 17-10-2008 03:23 AM

لا مش تمااااااااااام طبعا

يعنى خريجات الطب والصيدله وهندسه دول بقوا وباء
يعنى هى مش ذى اى بنت تحب يكون عنده بيت واطفال

اعرف عائله طبيب ودكتور جامعى وزوجته بنفس المرتبه
مستحيل يتجراء يطلب منها كوبايه مايه على طول ردها قوم جيب لنفسك انا مش ااقل منك
لا طبعا وجهه نظركم خطاء

البنت اللى حابه تكون اسره بيكون ده اول اهتمامتها فى الحياه واللى بتدلع هتفكر فى حقوق المراءه والمساواه والشغل والحوارات دى

ثانى شى موضوع السن من 20 الى 200
الكلام ده مش صحيح فيه بنات عمرهم الحقيقى عشرين سنه وعقلهم ونضوجهم الفكرى عمر واحده فى سن الاربعين

وفيه بنات عمرهم قرب الاربعين وتفكيرهم محدود ونضوجهم العقلى توقف عند سن ال18

سيبك من الكلام ده كله الخلاصه

البنت لوارتاحت نفسيا للشاب والعكس لو حصل راحه نفسيه وتوافق وحست انه هو الشخص المناسب لها واللى هيساعدها فى تكوين اسره مثاليه كل المشاكل اللى فى الدنيا وكانها لم تكن موجوده محدش فيهم بيشوفها لان كل طرف بيحاول يحل اى مشكله تضايق الطرف الاخر

**hamedo0** · 17-10-2008 03:31 AM

انا معاكي يادموع في حكايه النضج والسن دى لا كن مش معاكي في بقيت الكلام
والخلاف في راى لا يفسد للود قضيه

**دموع الثلج** · 17-10-2008 03:38 AM

المشاركة الأصلية كتبت بواسطة hamedo0

انا معاكي يادموع في حكايه النضج والسن دى لا كن مش معاكي في بقيت الكلام
والخلاف في راى لا يفسد للود قضيه

طيب اقولك حاجه اهوه الشباب بيخافوا يرتبطوا بدكتوره عشان شغلها
مهندسه عشان شغلها
وصيدليه عشان شغلها
ومحاميه عشان برضوا شغلها قال يعنى خايف تسجنه لو عملها شى

يا جماعه الجواز مش كده خالص لو على وجهه النظر دى يبقى بلاش تعليم للبنات من اصله ونرجع تانى لايام الجهل

انا معاكم ان البنت لازم تتفرغ لبيتها وزوجها بس لو الظروف تسمح انها تمارس عملها بما لا يؤثر على بيتها مفيش مانع

**hamedo0** · 17-10-2008 03:50 AM

بس صدقني معظم الانتي قولتي عليهم دول يخوفوا فعلا" + ان طول عمرنا عرفين ان الدكتوره بتاخد دكتور ومهندسه بتاخد مهندس قليل لما يبقي في شواذ

**KoDaK_Gti** · 17-10-2008 03:54 AM

المشاركة الأصلية كتبت بواسطة دموع الثلج

انا معاكم ان البنت لازم تتفرغ لبيتها وزوجها بس لو الظروف تسمح انها تمارس عملها بما لا يؤثر على بيتها مفيش مانع

مفيش وحدة بتشتغل هتتفرغ لبيتها
بمعنى انها وجوزها بيشتغلوا وبيخلصو شغل اخر النهار
الراجل يرجع بيته يلاقى مراته لسة راجعه من الشغل
طيب هياكل امتة
ومين اللى هياخد باله من البيت والنضافة وهيربى الاولاد فى وقت الشغل
لازم تحصل مشاكل بينهم
وبعدين انتى بتقولى لو الحياه كده يبقة الينت متتعلمش
ازاى ومين اللى هياخد باله من تعليم الاولاد ؟؟
ده رأيى
الست ملهاش غير بيتها (وجهات نظر)

**Dr.A.Nabil** · 17-10-2008 04:06 AM

اغلب المشاكل اللي بتحصل بعد الجواز سببها حاجتين :
- الاول:
الست بتشتغل ومش متفرغه للبيت ومأثره على بيتها وجوزها
-الثاني:
الست مش بتشتغل وقاعده زهقانه ومش لاقيه حاجه تعملها فمبش غير جوزها اول ما يرجع تستلمه طلبات ورغي ومشاكل وقاعده واقفاله على الواحده

تقولي ايه الحل؟؟
يعني تشتغل ولا لأ؟؟

أقولك ماتتجوزش احسن

**Abdelrahman** · 17-10-2008 04:09 AM

مع كامل احترامي لدموع الثلج ...كلامك غير مقنع نهائيا ....عمر ما كان تعليم البنت علشان الشغل وبس ...ليه ما نعتبرش ان التعليم ده وسيله مهمه هاتفدها في بيتها من خلال تربية اولادها على اصول علميه سليمه وكمان يفيدها في التعامل مع جوزها ومه مواقف الحياه المختلفه ....
ولا البنت لازم تتعلم علشان تشتغل وبس...ويطلع عينها وعين الي اتجوزتوا؟؟؟؟؟

95% من الشروط دي فعلا ...وللاسف وبكرر للاسف ...صحيح

الموضوع: مواصفات زوجة 2009

LinkBack

أدوات الموضوع

عرض

-

-

-

-

-

-

-

المواضيع المتشابهه

مواصفات الرومستر 2009

مواصفات و صور فــورد كا الجديدة - 2009

اخر اسعار و مواصفات الجيتا 2009؟

مواصفات السيفيك 2009

.::حصريا:. هوندا جاز 2009 - Honda Jazz (Fit) 2009 (صور+مواصفات شرق أوسط ) ::..

الكلمات الدلالية لهذا الموضوع

المفضلات

المفضلات

ضوابط المشاركة