-
العجمى البيطاش
أخوانى الأعزاء كل سنة وانتم طيبين ... بعد العيد ان شاء الله ناوى أصيف فى اسكندرية العجمى البيطاش ... عايز أعرف وصفة الطريق بالتفصيل لانها أول مرة حاروح بالعربية .. انا ساكن فى المعادى وعارف اطلع على الدائرى وانزل المريوطية ثم ميدان الرماية ثم نبدأ الطريق ... بس
أشكركم وآسف على التتقيل والتطويل . كل عام وانتم بخير
-
انا هقولك وانت داخل اسكندريه( هبتدي معاك من هنا)
اناهقولك على طريق ممكن يكون مش معروف اوي لمن يعيش خارج اسكندريه.
ويعتبر سهل ومفهوش مشاكل مروريه او زحمه.
للدخول الى البيطاش فيه4 طرق
ممكن من القباري ( بعد الموقف الجديد تدخل يمين تحت كوبري القبارب وتمسك شارع المكس وتطلع منه على طول للبيطاش)
ممكن من عند كارفور تدخل يمين وتمشي بوسط البلد( وده مقرف وزحمه ومحير)
وممكن عند دخلة وادي القمر وده سهل بردو ( لكن بتاقبل زحمه عند مدخل وادي القمر)
وممكن تنزل من عند21 وترجع للبيطاش وده طريق بتسافر منه الميكروباصات ( قاهره-اسكندريه)
لكن مشكلته وانت راجع للبيطاش بيبقا زحمه اوي وخصوصا عند سوق الهانوفيل.
يبقا حضرتك انا ارشح لك الاختيار الاول..
توصل للموقف الجديد( الاسكندريه) هتعدي الموقف( مش بكتير) هتلاقي كوبري القباري في وشك تدخل يمين الكوبري ( تحت الكوبري) تمشي على طول توصل لشارع المكس سهل ومش زحمه وسالك
ولما توصل لشارع المكس ( طريق رايح جاي تمشي ناحية الشمال(( رايح العجمي))
تاخد السكه ديه على طول لحد ماتوصل اول البيطاش ( 20 دقيقه تكون في البيطاش).
وتدخل بقا يمين ونقولك حمد الله على السلامه واجازه سعيده
-
[size="5أشكرك أخى على الرد بس أنا عايز وصفة من الطريق الصحراوى يعنى مثلا تقوللى أمسك الطريق طوالى لحد ما ألاقى مثلا يافطة عليها كذا أدخل من عندها ... كده يعنى لانى بصراحة ماعرفش المعالم اللى حضرتك بتقولى عليها زى كوبرى القبارى مثلا ... أشكرك"][/size]
-
انا قلت لحضرتك هبتدي معاك لما تدخل اسكندريه
كوبري القباري بعد الموقف الجديد( موقف مشهور جدا زي موقف عبود في القاهره كده)
Content Relevant URLs by
vBSEO 3.6.0 PL2