الحمد لله العربيه عملت حادثه

**amir2014** · 09-07-2014 09:49 PM

هي كده تتصلح اصل السمكري قالي عايزه نص شيفروليه لانوس 2009

**ahmed salah90** · 09-07-2014 09:54 PM

ربنا يعوض عليك و اهم حاجه انك تكون بخير
لو هتصرف عليها و هتكون زي الاول يبقى اصرف لاكن لو هتصرف و تيجي تركبها هتحس انك مدايق علشان راكب حاجه بتشخشخ وهتصرف عليها كتير عفشه و كهربه و مكنه يبقى بيع و هات حاجه تستريح فيها نفسيا

**hesham fawzy h** · 09-07-2014 10:03 PM

مييييين معملش حادثة :*
ربنا يكفيييك شرها

**amir2014** · 09-07-2014 10:04 PM

هو سمكري واحد شافها قالي الشاسيه في عوجه مش هينفع وانا مش عارف ارفع الصور بس هي االي باظ الاكصدام والردياتير والعفشه طبعا الخبطه في الجنب اليمين الفرن بتاع الموتور في خبطه كمان بس مش عارف الشورت بلوك في حاجه ولا لا

**kantofanto** · 09-07-2014 11:39 PM

يعوض عليك ربنا و الحمد لله ان حضرتك لسا بخير ، بخصوص العربية احسب التكلفة صح الاول قبل ماتعمل أى شئ فيها و أسال عند تجار الاستيراد على قطع الغيار فى الوكالة و الحرفين و أسال على أجرة الصنايعية لو لاقيت هتكلف كتير بعها بحالتها اما لو عرفت تلمها فى الحنين و هتعرف تركبها و تبقى مش متشأئم منها و تقدر تتباع الصنايعية ابقى صلحها و ربنا يوفقك يارب و أستخير ربنا برضوا.

**lutenit030** · 10-07-2014 01:37 AM

هات نص و صلحها بدل ما تبيعها بملاليم بس برضو متخمش المشترى

او حاول تصلحها عن حد عنده جهاز اسمه سيليت تقريبا اللى بيرجع مقاسات الفابريقه اللى نحفةظه على الكمبيوتر لموديل عربتك

**emad6610** · 10-07-2014 02:30 AM

بيع لانك هتبقي مش مرتاح نفسيا

**ahmedelrayan** · 10-07-2014 02:36 AM

بص يا باشا ان رأى ان حضرتك تحسب لو صلحتها هتصرف كام ولو بعتها هتجيب كام لو لاقيت الخسارة كبيرة فى انك تبيعها يبقى صلحها لكن لو لاقيت ان الخسارة قريبة يبقى بيعها وريح نفسك من الصنايعية والحمد لله ان حضرتك بخير

**7oda.mohamed** · 10-07-2014 02:44 AM

https://fbcdn-sphotos-c-a.akamaihd.n...54457928_n.jpg

الحمد لله على سلمتك

انا برضو نفس الحكاية بس دخلتها عمرة سمكرة بس و هغير ريداتير ومرش و فانوس و شوية حاجات كده

**tareksakr** · 10-07-2014 05:49 AM

لازم نشوف الصور عشان نقدر نحكم حضرتك ادخل علي مركز تحميل نايل موتورز وارفع الصور علي الموقع وبعدين خد الرابط اللي هيديهوولك بعد عملية الرفع واعمله لصق هنا والصور هتظهر عشان نقدر نقيم التلفيات وتقدير مبدئي لتكاليف الاصلاح