انا محتاااااااار ومش عارف اشتريها ولا لأ
فأريد معرفة رأي ملاكها
عرض للطباعة
انا محتاااااااار ومش عارف اشتريها ولا لأ
فأريد معرفة رأي ملاكها
انا العربية كانت ومازالت عاجبانى في الفئة المانيوال ، سعر مقابل قيمة محترم جدا ، وعربية كويسة جدا
اما الاوتوماتيك في الفئة 140-150 افضل الكروز عنها كعربية
138.5 الف
مبلغ الحجز 10 الاف والسعر النهائى يحدد عند الاستلام
عربيه مقلب
العربية كويسة جدا في فئتها
و رأي عمرو السقا مضبوط أوي
لو دخلت فئة الهيلاين يبقى شوف الكروز أحسن
لكن بعد زيادة البنزين مصاريف تشغيل اي عربية 1600 زادت جدا
يعني لو بتعمل 10000 كيلو في السنة يبقى هتفول بألف لتر (إستهلاك 10 لتر لكل 100 كيلو)
1000 لتر يعني 2600 جنيه في السنة و صيانات بحوالي 2000 يبقى 4600 في السنة
كتييييييييييييييير جدا جدا
و لو عربية للأسرة كلها و بتعملك 30 ألف كيلو في السنة يبقى عايز ب7800 جنيه بنزين و ده رقم خيالي
شوف عربية 1400 أو أقل أحسن
ﺷﻜﺮﺍ ﻟﺮدودكم
أستاذ hero 99 أعتقد و دة رأى شخصى أنك معجب بالعربية بس عايز حد يشجعك
أنا معايا المانيوال و الحمد لله السيارة مريحة و شكلها حلو و أستهلاكها للبنزين متوسط و واسعة و سعرها مناسب جدا و بالنسبة لموضوع الفرامل حتلاقيه فى عربيات كتيير و على سبيل المثال فى النيسان الصنى الجديدة ... و أنا مرة قرأت فى المنتدى عن صاحب سيارة BMW بيقول أن معظم التوكيلات بيسترخصو فى تيل الفرامل و أنه عنده نفس مشكلة الصفارة فى التيل
نصيحتى لو مش حيفرق معاك هات المانيوال مافيهاش نتشة الأوتوماتيك و لو تقدر تزود هات حاجة أعلى
التكييف حلو و مفيش تعليق عليه من عندى
مانيوال معايا و مبسوط بيها و مفيش اي مشاكل, لو في اس سؤال مخصوص اسئل و انا اجاوب
معاي البيزلاين زي الفل العيب فقط استهلاك عالي للبنزين جوه البلد في السفر كويس والسحب ضعيف مع التكيف في السرعات اقل من 40 كم ساعه لحول على المانوال
اللي بيشتكي من إستهلاك بنزين أي عربيه بيجو و خاصة لو دواسة البنزين كهربا يخفو رجلهم شويه من علي البنزين الطلعه تبقي بالراحه و الـrpm ميعديش 2 و تنقل و بلاش كبس بنزين علشان تجمع خلي العربيه تجمع بأول دوسه من الدواسه هاتفرق كتيييييييييير علشان الدواسه الكهربا دي غبيه و حساسه جدا
هاتفرق نفس موتور ال301 في الـ 307 و كان بيعمل في السفر أرقام مهوله بسبب ثبات الرجل علي البنزين (لو مثبت سرعه هايوفر أكثر) و الطلعات براحة
معلش ياجماعه ليه تعقيب على المقارنه بين الهايلاين والكروز انا دخلت على كونتاكت كار وعملت مقارنه عشان اعرف ليه الكروز احسن ومعرفتش
اولا السعر لصالح البيجو
نقلات الفتيس 6 فى الكروز و 5 فى ال301 _______مش شايف فيها حاجه جامده
العزم طبعا كاتبينه غلط للبيجو هو فى البيجو اللى اعرفه 150 وفى الكروز 155
الباور هورس واحد فى الاتنين بس خلى بالك وزن ال301 اخف ودى ميزه
التسارع للبيجو احسن
خزان الوقود فى الكروز اكبر
السرعه القصوى واحدة تقريبا
جنط البيجو 16 والكروز 15 ودى تفرق معايا عشان العلو عن الارض
الشنطه فى البيجو احسن
طب فين بقى الفرق الجامد اللى بيساوى 150000 - 138500
المقارنة ما تتعملش كدة
انت ممكن بالمقارنة كـ مجرد specs كدة
تطلع الـ بي ام 316 اقل منهم !
صفارة في التيل و BMW !!!!
DON'T MIX خالص على فكره :36_3_10[1]:
اللي يجرب التعامل بتاع التوكيلات الكبيره زي بي ام ومرسيدس هيعرف يعني ايه تعامل مع العميل - يعني بعد ما تشتري العربية منهم يتصل بيك المبيعات على مدار شهرين يسأل على العربية !!!!!!!
معلش خلي الـBMW على جنب شويه من مشاكل الشركات الغريبة دي !!!!!!!!!! :Oc_sun1[1]:
فيها كماليات كويسة بس فى النهاية الانسر المستعملة برقبتها