لو عملت خناقة في ادارة الكهرباء هاخد حقي ؟

**مصراوي جدا** · 17-10-2008 01:26 AM

وزارة الكهرباء بتغلي الاسعار عدة مرات وبدون اعلان ده عادي

انما الجديد ان البيه المحصل ميجيش شهر واتنين وتلاته وبعدين يطب مرة واحدة ومعاه وصل ضخم ومكتوب فيه انه حساب استهلاك شهر واحد علشان يدخلك في شريحة عالية وبالتالي مبلغ الوصل يكون كبير لأن له عمولة هو ومن اشترك معه في تنفيذ الخطه

علما بأن قراءة العداد بتتم بالكمبيوتر من بره الشقة

السؤال بأه لو رحت ادارة الكهرباء وعملت خناقة وباللو فيه حاجه ممكن تتغير واثبت حقي وان دي عملية نصب منظمة ولا مفيش فايدة

ارجو لو حد عنده خبره في الموضوع ده او له حد معرفه له موقف مشابه يقول لي عليه وهل اروح ولا استعوض ربنا وأدفع صاغرا واقول لهم حسبي الله ونعم الوكيل

**جمال** · 17-10-2008 01:45 AM

طبعا لو عليت صوتك حتاخد حقك, هى ماشيه كده

**Dr.A.Nabil** · 17-10-2008 04:10 AM

جرب ومش هاتخسر
لو لقيت رد فعل كويس واستجابه... يبقى خير وبركه

لو لأ.... ومكانك سر
ادقع وانت ساكت وامرك لله

حكم القوي

**Hossam_Hassan** · 17-10-2008 11:27 AM

لسه كنت فى موقف مشابه، المقطم كان تبع شركة النصر و بعدين اتنقل لشركة القاهرة، حصلت غلطة و بيانات شقتى سقطت و قعدوا 4 شهور ما ياخدوش قراءة العداد، لما وصلت للمحصل و كلمته فى الموضوع، راح متابع هو المشكلة لغاية ما البيانات اتظبطت، المهم من كام يوم جابلى وصل ال 4 شهور، اجمالى 295 جنيه و شهور المحاسبة مكتوبة 4، اللذيذ بقى انهم قسطوا المبلغ من غير ما اطلب علشان الغلطة من عندهم و المطلوب دفعه كان 78 جنيه، و لما طلبت ادفع الأجمالى علشان انا كنت شايلهم على جنب، المحصل قالى لازم الأيصال يتغير فقلت خلاص، امشيها تقسيط علشان اخلص.

**Yarisawy** · 17-10-2008 01:01 PM

ايوا حضرتك اكيد تروح لانك بتتكلم فى شىء منطقى ... مش علو صوت وخلاص .. لانه فعلا بكده بيدخلوك فى شريحه اعلى ...

**shanodaa** · 17-10-2008 04:26 PM

من غير ما تعلي صوتك المشكله عندهم حدثت معي الكاشف لم ياتي ياخذ القرايه المهم جاء لي وصل شهريين طبعا بشريحه اعلي يعني اربع اضعاف الشهريين
روحت الاداره عملت مشكله وقالو ها نحاسبه تاني يوم جاء الكاشف يبدي الندم وقال تعال اسحب الشكوي علشان بيقي في خصم كبير ونقطه سودا في ملفه
روحت معاه وسحبت الشكوي
بس اتعدل معي ومع غيري

**elassar2010** · 17-10-2008 05:11 PM

انت حضرتك تروح وتحاول تتكلم مع الموظف المسؤل سمع منك وحاول يحل انت الكسبان عمل عبدو انت تحاول تقابل المدير قالك مشغول ومش فاضى تزعق وتعمل الى عندك هيطلعلك المدير ويدخلك فى مكتبة وهيرضيك دة عن تجربة مع شركة المياة

**romeeoo** · 17-10-2008 05:45 PM

رحلهم وقلولهم عايز اشرح الوصل حايعيدوا تشريحه من جديد ويحطولك المبلغ الفائض فى حسابك ويخصموه من فاتورتك الجايه

-

-

الموضوع: لو عملت خناقة في ادارة الكهرباء هاخد حقي ؟

LinkBack

أدوات الموضوع

عرض

لو عملت خناقة في ادارة الكهرباء هاخد حقي ؟ - انشر الموضوع فى :

-

-

-

-

المواضيع المتشابهه

الفرق بين الاسبراتير الكهرباء والعادى وينفع يركب الكهرباء على الفليشيا ولا لا

كنت هاخد مخالفة عكس الاتجاه

لو ركبت الحاجات دي هاخد مخالفه ؟؟؟؟؟؟؟؟؟؟؟؟؟؟؟؟؟؟؟؟

الكلمات الدلالية لهذا الموضوع

المفضلات

المفضلات

ضوابط المشاركة