مــلاك البيـــجو بــارس - ملاحظتــكم عن السيــارة

**mecho** · 17-10-2008 01:36 AM

فين ملاحظتكم ياجماعة مفيش غيرى الى عندة البارس و لااية

**samey** · 17-10-2008 04:40 PM

اهلا mecho انا معايا 405 بارس
ومشيت بيها حوالى 900كم ..انا حاسس اول حاجة ان بور الدركسيون تقيل شويتين يعنى اتقل من ميتسوبيشى والنوبيرا وحتى اتقل من الشاهين (اللى فيها بور ) ، سئلت رجل المبيعات قال انه مع الوقت يعنى على حد قوله بعد 1000 الى 2000كم حينعم!! انت ايه رأيك ؟؟؟

**Ahmad Allawy** · 18-10-2008 08:53 PM

عايزين تقييمات يا جماعه..
و عايزين شغل اكتر من كده..
في ناس كتير بتسألني عن العربية دي و باوقلهم هي نظريا كويسة جدا عشان هي 405..
هل هي هاربيراتير ولا انجيكشن..؟؟
و احكولنا ايه نظامها معاكم..

**mecho** · 18-10-2008 09:45 PM

انا مشيت بيها 700 كم . و هتيت بنزين 92 و حتيت علية علبة كدة ب 28 جنية بترفع الاوكتان بس لما حتيت 95 كان احسن كتير . انا و صلت بالعربية 140 و هى كويسة و لكن يمكن حركة الفيس مش سلسة اوى . البور انا مش حاسس ان فية مشكلة . انا مستنى اروح التوكيل على 1500 كدة علشان يظبطوها عشان صوت المتور عالى شوية . بس اجمالا لحد دلواتى كويسة

**samey** · 06-11-2008 04:58 PM

انا معايا 405 بارس
مشيت بيها الان حوالى 1700 كم سافرت منهم حوالى 500 كم للاسكندرية صحراوى،، كنت حاسس ان البور تقيل شوية فى الاول لكن دلوقتى بقى اخف من الاول كتير ،، لاحظت ان استهلاك البنزين كويس جداا فى ىالسفر ( مثلا انا رحت اسكندرية وجيت تانى يوم وفولت بنزين 92 قبل السفر وفولت بنزين 92 بعد السفر 31 لتروكات عداد الرحلات عادد 519 كم من الباب للباب وكنت ماشى على سرعة 100:80كم/ساعة) يعنى حوالى 335كم /صفيحة ،، وجربت جبت سرعة 125 كم / ساعة لمسافة حوالى 20 كم وهى كانت ثابتة ومفرقتش عن ثبات 100 كم /ساعة ومكملتش مسافة اكبر علشان خفت من الرادار !!!! عاوز اروح التوكيل علشان الصيانة الدورية ،، اروح امتى ؟؟ رجل المبيعات كان قال بعد 2500 كم ،،، ده صح كدة ؟؟؟؟ ارجو من الزملاء سرعة الرد وايضا اللى عنده العربية دى ياريت يقوانا عن خبرته فيها ... ومستنى الرد من صاحب الموضوع mecho ...

**mecho** · 08-11-2008 11:29 PM

شوف انا عملت 1500 و عملت اول صيانة . بس انا بصراحة بحط بنزين 95 لان التنك مكتوب علية 95 و لان اصداقئى من ملاك 307 قالولى كدة
فى الصيانة انا رحت بنزينة شل امام التوحيد و النور جنب التوكيل الرئيسى فى غمرة و اتخانات معاهم و رحت غمرة . شد عليهم فى التوكيل لان من تجربتى هما التوكيل عامل زى و رشة الميكانيكى مفيش اى نظام.
انا استهلاك البنزين معايا اعلى منك . لان ال 1500 كلهم سفيات و السرعة المتوسطة 120 و تكييف . العيب الظاهر ان صوت المتور عالى شوية و حكاية بنزين 95 دية (على فكرة نوع المتور هو tu5p7)
و المتور دة علة النت موجود انة بتاع 307 و بياخد بنزين 95 و بصراحة التوكيل لو خربت مش هينفعنى لان الضمان فترتة قصيرة و هما مبيهمهمش حكاية ان العربية تسحب او لا و ممكن تبعتلى رقم تليفونك على ال ميل ونتكلم اكتر

**Ahmad Allawy** · 08-11-2008 11:39 PM

المشاركة الأصلية كتبت بواسطة mecho

شوف انا عملت 1500 و عملت اول صيانة . بس انا بصراحة بحط بنزين 95 لان التنك مكتوب علية 95 و لان اصداقئى من ملاك 307 قالولى كدة
فى الصيانة انا رحت بنزينة شل امام التوحيد و النور جنب التوكيل الرئيسى فى غمرة و اتخانات معاهم و رحت غمرة . شد عليهم فى التوكيل لان من تجربتى هما التوكيل عامل زى و رشة الميكانيكى مفيش اى نظام.
انا استهلاك البنزين معايا اعلى منك . لان ال 1500 كلهم سفيات و السرعة المتوسطة 120 و تكييف . العيب الظاهر ان صوت المتور عالى شوية و حكاية بنزين 95 دية (على فكرة نوع المتور هو tu5p7)
و المتور دة علة النت موجود انة بتاع 307 و بياخد بنزين 95 و بصراحة التوكيل لو خربت مش هينفعنى لان الضمان فترتة قصيرة و هما مبيهمهمش حكاية ان العربية تسحب او لا و ممكن تبعتلى رقم تليفونك على ال ميل ونتكلم اكتر

علي فكرة انا سمعت نفس الكلام ده علي التوكيل من واحد صاحبي معاه 307..
واضح ان لازم يبقي ليك معارف.. و تدخل الورشة.. و تشد عليههم بنفسك.ز او حد يشدهملك..

**mecho** · 13-11-2008 07:20 PM

اة النظام .مفيش حد بيعلق

**mecho** · 17-11-2008 11:45 AM

يا اصحاب البارس اين انتم

**samey** · 20-11-2008 09:04 PM

انا معايا بيجو بارس مو2009 استلمتها يوم 20/9 /2008
مشيت بالعربية حوالى 1900 كم حتى اليوم وكنت غيرت كاوتش العربية النسر وجبت نوع كورى اسمة هانكووك ورحت امبارح التوكيل الاصلى بتاع وجيه اباظة اللى فى شارع الخليج المصرى فى غمرة حوالى 10.30 صباحا،وقابلت المهندس وقلت له على ملحوظاتى على العربية وهى كالاتى
( 4 حاجات )...
البور بتاع الدركسيون تقيل شوية وبتسمع صوت تفليت السير اثناء تحريك الدركسيون يمين وشمال .... فيه صوت الموتور بيعلى شوية لما تشيل رجلك من على البنزين وتفرمل .... فيه صوت تزييق فى الابواب والكبوت والشنطة .... فيه حدفة يمين شوية اثناء السير ...........وقالى المهندس ان العربية مش هاتخلص قبل ساعتين وانه لو عندى مشوار ممكن اعمله وبعدين ارجع وخد رقم المحمول وقال انه هيكلمنى بعد ما تخلص وادانى رقمه ايضا وقال انهم بيقفلوا الساعة 4 مساء.. المهم التوكيل زحمة جدا ومليان عربيات ، وفلا كلمنى وقالى ان العربية خلصت بس فاضل على التجربة حوالى 4 مساء وقال ان الافضل اجى تانى يوم صباحا !! وفعلا ذهبت تانى يوم حوالى 10صباحا لقيت العربية خلصت ورحت الحسابات قالولى مفيش مصاريف لانهم لم يغيروا الزيت.. واستلمت العربية ولقيت انهم ربطو العفشة ومبقتش تحدف زى ما كانت وظبطو الابواب والشنطة والكبوت ومبقوش يزيقوا وفعلا صوت الموتور اتظبط وراح الباك فاير ولكن الباور زى ماهو تقيل شوية وهو المهندس قالى ان الباور كدة مظبوط تمام وهو كده فى كل العربيات 405 وقالى ان اروح لهم بعد 10000 كم علشان تغيير الزيت ( هوه كده يبقى صح ان تغيير الزيت بعد 10000 كم ولا يتغير بعد 5000 كم ) ارجو النصيحة ؟؟؟؟