معايا 128 موديل 85
العربية لما بحطلها بنزين 80 بلاقيها بتصفق و تكركر لكن السحب زي ما هو
مش المفروض العربية دة متصممة على ال 80
لكن اسمع ان المشكلة في الرواسب اللي موجودة في تانكات البنزينات
هل في مادة تتحط مع البنزين ال 80 تدوب الشوائب اللي فية ؟؟؟؟
عرض للطباعة
معايا 128 موديل 85
العربية لما بحطلها بنزين 80 بلاقيها بتصفق و تكركر لكن السحب زي ما هو
مش المفروض العربية دة متصممة على ال 80
لكن اسمع ان المشكلة في الرواسب اللي موجودة في تانكات البنزينات
هل في مادة تتحط مع البنزين ال 80 تدوب الشوائب اللي فية ؟؟؟؟
بتكركر ليه هيه شيشة
اوعى تزعل انا باضحك معاك
المهم يا ريس ممكن تنزل التانك كله طالما فيه رواسب و تنضفه تنضيفه محترمة أوي و تغير الفلتر و تعبيها بنزين 80 علشان تتأكد ان مفيش أي شوائب ممكن تأثر على الطلمبة و خاصة انها كربراتير
فيه يا باشا طبعا بس دة ما بيشلش شوائب دة بينضف دايرة البنزين
انا عملت افتكاسة ركبت فلترين بنزين بدل فلتر واحد.الكل قالى مينفعش بس انا قولت اجرب
وفعلا ركبت فلترين بنزين فعربية 127 عشان تتحطلها بنزين 80 بون مشاكل والعملية زي الفل ومفيش مشاكل
وفيه فمحلات الاكسسوارات سلئل بيتحط فتنك البنزين لما بتفول عشان نضافة دائرة الوقود
انا فولت العربية ببنزين 80 حوالي 6 مرات فقط
مرتين منهم بيك السلانسية اتسد فيهم
حاليا انا ماشي على 90 لكن بفكر ارجع ل 80 تاني عشان ال 90 كأني برمي فلوسي في الارض
انا قصدي على التنكات اللي هي الخزانات اللي بتبقى تحت الأرض و البنزين بيتحط فيها
و دة مش بتكون نضيفة عشان ال 80 مش بينزل غير في البنزينات التعبانة اللي مش نضيفة فتلاقيهم مش بينضفوا تنكاتهم
طيب اعمل زي ما قلت لك حاول تنزل التانك بتاع العربية و تفضيه خالص و يتنضف و عبيها مرة تانية و شوف اللي هيحصل
انا ليا راى تانى انك تظبت الاسبراتير عشان تنظم الشرارة وينتظم المتور جرب مش ها تخسر ورد عليا ان شاء الله تظبط معاك واسف للمدخلة
لا يا باشا انت نورتنا بالمداخلة الجميلة دةاقتباس:
المشاركة الأصلية كتبت بواسطة egypto
بس الواحد ساعات ما يلاقيش ال 80 و بضطر احط 90 هل كل شوية هظبط كهربا و لا اية
و لاامشي بيها و هي بتصقف و عادي و لا دة فيها تعب للموتور
التصفيق غلط جدا على المتور والله اعلم بردو استنى راى بقية الاعضاء
شكرا لزوقك
اخر الكهربا شوية
عند التغيير لبنزين 80 لابد من تغير توقيت الشرارة (توطي الكهرباء من الأسبيراتير)اقتباس:
المشاركة الأصلية كتبت بواسطة dr_abooody
الكركرة أو التصفيق يقصف عمر الموتور
لمنع الشوائب روح لميكانيكي خليه يفك التانك ويغسلة تمام
اقتباس:
المشاركة الأصلية كتبت بواسطة ahmed1981
علشان كدا أنت لازم تثبت على نوع بنزين واحد
يا إما 80 ............ أو 90 !!!!!!!!!
علشان توقيت الشرارة مش هاتقعد تغيره كل شوية
و بلاش تمشي بالعربية و هي بتكركر أو تسقف
علشان كدا زي ما الاخوة قبلي أكدوا و قالوا و زي ما الباشمهندس أحمد أكد ( هاتقصف عمر المحرك )
انت كدا اللي هاتوفره في البنزين .......... هاتدفعه في حاجات تانية في الموتور علشان تعمل عمرة لا قدر الله
المشكلة إن بنزين 80 غير متواجد دائماًاقتباس:
المشاركة الأصلية كتبت بواسطة tutankhamoun
أحياناً الحكومة تتفضل بتوفيره
وأحيان أخرى تحرمنا منه حتى لا نعتاد على الرخص
اللعب في الكهرباء كل شوية غلط
لكن في ال 128 لو هتغير توقيت الشرارة كل مشوار مفيش مشاكل بشرط يكون الواحد محترف في التغيير