تكييف يعمل علي ولاعه السياره

**mfs3570** · 10-07-2014 11:25 AM

كل عام وانتم بخير ....سمعت منذ فتره عن تكييف يعمل علي ولاعه السياره فبرجاء من الساده الاعضاء من يعلم شئ عنه او حتي لديه صور له ان يقوم بافادتي حيث ان سيارتي ليس بها تكييف وموديل السياره لا ينزل مصر بتكييفق زي ال128 كده فبرجاء الافاده وجزاكم الله خيرا

**akmm** · 10-07-2014 12:57 PM

اول مره اسمع عن خاجه كده ................ اللى اعرفه ان فيه تلاجه للسياره من الولاعه بتاعه العربيه ............ وعامه متابع .

**shiko85** · 10-07-2014 01:36 PM

المشاركة الأصلية كتبت بواسطة akmm

اول مره اسمع عن حاجه كده ................ اللى اعرفه ان فيه تلاجه للسياره من الولاعه بتاعه العربيه ............ وعامه متابع .

+111111
حتى لو موجود حاجه كده اعتقد انه مش هيكون عملى خالص
ايه هى قوه تكييف شغال على ولاعه العربيه ؟؟؟!!!
اعتقد الحل حاجه من 3
1- حضرتك تبيع العربيه و تشترى عربيه فيها تكييف
2- حضرتك تركب تكييف للعربيه
3- حضرتك تستحمل عدم وجود تكييف لحد ما ربنا يكرمك ان شاء الله و تشترى عربيه بتكييف

**amrelsaqqa** · 10-07-2014 01:41 PM

لا يجوز :d

من الاخر لو في تكييف بيشتغل على موجة الاف ام
لازم كابينة العربية تكون مصممة للتكييف ومتقفلة كويس ومستوى العزل يكون معقول والا فلا حياة لمن تنادى حتى لو ركبت تكييف 10 حصان في العربية للاسف

**borio1704** · 15-07-2014 03:33 PM

يوجد فعلا على النت إعلانات لمكيفات تعمل على بطارية السيارة

جزء منها يعمل بالثلج.. زي المكيفات الصحراوية

وجزء آخر يعمل بنفس فكرة المكيفات العادية .. بس أكيد حجمها أصغر وقدرتها أقل.. ده غير إنها محتاجة تركيب

قريت في أحد المنتديات فكرة ربما تتطور في المستقبل ويصبح هذا هو مستقبل المكيفات .. والفكرة باختصار هي التبريد عن طريق مبردات من أشباه الموصلات والتي تستخدم في تبريد الأجزاء الإلكترونية

أشباه الموصلات دي اسمها Thermo-electric Cooler وموجودة في بعض محلات بيع قطع الأجزاء الإلكترونية في مصر

بس المشكلة الأساسية مش في المكيف نفسه... إنما زي ما قالوا الأعضاء المحترمين... العربية نفسها محتاجة إنها تتجهز من ناحية عزل الحرارة... علشان المكيف يدي تأثير بسرعة ويحافظ على برودة المقصورة

لو عايز معلومات أكتر عن موضوع العزل بالنسبة للعربيات القديمة بالذات.. اتفضل وادخل على الموضوع ده:
http://www.nilemotors.net/Nile/431024-a.html

...