يارت يا جماعه حد يفيدني لو يعرف اي حاجه عن مميزات و عيوب الهوندا جاز ولو حد عنده وحده للبيع انا نغسي في وحده اتومتيك بس هي نادره جداً
عرض للطباعة
يارت يا جماعه حد يفيدني لو يعرف اي حاجه عن مميزات و عيوب الهوندا جاز ولو حد عنده وحده للبيع انا نغسي في وحده اتومتيك بس هي نادره جداً
الله ينور عليك ، المشكلة انها نادرة جداً يعني مرار في قطع الغيار ومرار في الصيانة ، وغير كده هتبهدلك لو حصلها حاجة ، لو عايز حاجة نفس الشيب والحجم وتكون صاروخ جري وواسعة من جوة وشكلها حلو وقطع غيار هي والفيرنا واحد وقطع غيار مشتركة بنسة 90 % مع الفيرنا ، يبقى خليك في الهيونداي جيتس ، بجد طلقة وواسعة وحلوة جداً وقطع غيار سهلة ورخيصة وتعرف تبيعها تاني لو حبيت ، انما الجاز عربية تهمة لو جبتها مش هتعرف تطلع منها بسهولة
شكراً لردك بس الهوندا جاز بتشدني اكتر بس فعلا انا قولت لو ملقتش جاز هدور علي جتس بس 1300 ولا 1600 احسن ؟ اصلها لخطبتي
buy a car that you can maintain easily
معلش بس مع احترامى للاخ اللى بيقول هيونداى جيتز , هو مافيش اى اعتراض ان الهيونداى صيانتها سهلة , وبياعة ومطلوبة بس فية حاجة تبقى حضرتك عارفها
ان الهوندا جاز , فى وسائل امان اكتر بكتير من الجيتز يعنى لو الجاز 1500 سى سى فيها ايموبليزر - 2 ايرباج - abs-ebd
تانى حاجة الجاز اوسع بكتير وابتكارية اكتر من الجيتز
شكل الجاز افضل , خارجيا وداخليا
الجاز انعم سواء صوت محرك او عفشة
الجاز لو 1500 سى سى هتكون بنفس قوة الجيتز لكن لو الجاز لو بمحرك 1300 الجيتز هتكون اقوى بفرق
سعر الجاز اقل بكتير من سعر الجيتز تقريبا فرق من 20-25 الف جنية ولو الجيتز موديل عالى شوية الفرق دة هيعلى
على فكرة صيانة الهوندا سيتى هية هية الهوندا جاز , الاختلاف فقط فى الصاج الخارجى , لان حتى الدواخل من تابلوة واحد
بس الاقي وحده بس
المشكله يا سامح باشا فى الناس اللى طالبه اسعار خياليه ووهميه
كان فى من كام شهر جاز 2005 اتوماتيك على 75 الف !!!!!!!!!!
ودلوقتى انا بدور على سيتى ... ولو حالتها معقوله تلاقى اللى ماسك فى 75 و80 الف
وهوه كان جايبها زيرو من 8 سنين ب 100 الف !!!!!!!!!!!!!!!!!!!
الحل إيه طيب معاهم !؟؟
هيا محتاجه صبر شوية عشان تلقيها وفي معرض في هليوبليس كييف بيع هوندا كنت شوفت كذا واحدة عنده قبل كده وهو شغله نظيف لكن سعره عالى شويه اسمه المروان ممكن تبقى تسئل عنده لو مصمم على جاز
روحتلو قبل كدا بس اسعاره مبالغ فيها جدا تحس انو بيهزر
انا بس عشان اتلسوعت قبل كده في صيانة الهوندا لاني كان معايا هوندا سيفيك أس أي ، وبصر احة لحستني الاسفلت ، الجيتز كنت بصلحها بنفسي ، عشان كده الواحد بيبعد عن العربيات المعقدة مهما كانت حلوة . زائد ان الجيتز هي الفيرنا ، يعني مصاريف تشغيل اقل بكتيييير من الهوندا ، والكوري من التايلاندي مش هتفرق كتير ، من حيث الجودة ، وغير كده هو لو اشتري جاز هتبقي ب70 الف وانت طالع ، الجيتز ب65 الف وانت نازل ، بس ، لكن الراجل لو مصمم على هوندا ربنا يرزقه بيها ان شاء الله وتكون حالتها كويسة