يا عم أنا راضي ذمتك ، واحد بيتكلم عن مشكلة الكهرباء إن في واحد بياخد عشرين جنيه عشان يشد السكينة ، كان يعرف يتعامل مع اللبط المصري اللي أصبح بييجري في عروقنا من أيام عبد الناصر ....
عرض للطباعة
من غير خناق و من غير اصل مرسى و اصل السيسى القصة فى مصر مختلفة شوية
السلطة و الفلوس هى اصل كل شئ فى مصر من ٢٠٠ سنة و يمكن اكتر و القصة مستمرة قصة الفتوة و التجار و الحرافيش بتاعة نجيب محفوظ الفتوة يحمى و التجار يمولوا و الحرافيش لازم يسمعوا الكلام
المجتمع المصرى لم يتطور اجتماعيا ليواكب التطور الى حصل فى دول العالم الاخرى بمعنى ان الفرد له قيمة بغض النظر عن وظيفته او مركزه او فلوسه و له حقوق اساسية متعارف عليها
القصة فى مصر مختلفة الباشا الى مفيم عربيته عايز يبين انه من طبقة تانية غير بقية الشعب يعنى مش عايز يصنف انه من الحرافيش الى ملهمش اى حقوق يعنى هو الى يطبق القانون بس القانون لا يطبق عليه و دول بتلاقيهم فى كل مكان و كتير مش قليل
نضرب مثل مش هتلاقيه الا فى مصر لو رحت قسم الشرطة فى اى مشكلة
حتى لو انت مظلوم اول حاجة تتسال عليها بطاقتك علشان يشوف انت ساكن فين و بتشتغل ايه لو لقاك مثلا عاطل و ساكن فى منطقة عشوائية هتتعامل ازاى و لو لقاك ساكن فى جولف القطامية مثلا و بتشتغل فى مكان محترم هتتعامل ازاى
مثل تانى لو طلعت الاول على الدفعة بتاعتك بس انت من اسرة متواضعة ياترى ممكن تتعين فى الخارجية او ممكن تتعين فى مكان محترم جدا طبعا لا
دى حاجة راسخة فى العقلية المصرية للاسف ملهاش دعوة بزمن مرسى و لا بزمن السيسى يمكن زادت شوية الفترة الاخيرة و يمكن تزيد تانى الفترة الى جاية
بس علشان نبقى منصفين اى حد فينا لو يقدر يفيم عربيته تحت اى حجة هيعملها يمكن يقول اصل الشمس و الحر و اصل بس السبب الحقيقى انه عايز ينفى عن نفسه تهمة انه من عامة الشعب عايز يميز نفسه بالسلطة طالما مقدرش يميز نفسه بالفلوس و يجيب عربية مرتفعة الثمن
الحقيقة احنا كشعب الخلل ده فينا لا نحترم الا ذوى السلطة و المال طبعا انا بتكلم على الاغلبية مش الكل و علشان كده كثير من المصريين مستعدين يسافروا بره حتى لو يخاطروا بحياتهم علشان يحس انه بنى ادم له حقوق
انا مقدرش الوم الضابط الى مفيم او الى مش مركب نمر لان احنا الى فى الاخر بنديله من جوانا احترام ليس له مبرر و يوم ما الشعب المصرى يفهم ان الانسان له قيمة بصرف النظر عن اصله و وظيفته يومها بس ممكن يبقى عندنا اوباما الى امه ست فقيرة و ابوه شحات من كينيا بس بقى رئيس امريكا فى النهاية و هو عنده ٤٨ سنة
فيه ناس عندها مشكلة كبيرة اوي
النظام الحاكم الحالي حطهم في ثنائية اسمها يا احنا يا الاخوان
و هما بيكرهوا الاخوان جدا بغض النظر عن الاسباب
و الاعلام وصل لهم ان استقرار البلد مش هايبقى غير معاه
فاختاروه على جرايمه - مش عيوبه - و قرروه يستحملوه و بعضهم قرر يحبه كمان
في حين ان المسألة الاساسية انك ما ينفعش تبني تأييدك او مناهضتك غير على الطرف اللي بتأيده او تناهضه بس
و ان الواجب عليك , عقلانيا و بحسبة المصلحة , انك تحاسب الكل بنفس الطريقة
و مفروض تبقى فاهم كويس ان اللي بيدوس على غيرك مش هايطبطب عليك , هو طبيعته بيدوس !
اما ان كانت القصة انه معاه السلاح و ما نقدرش نعمل له حاجة , ففي ايدك ما تأيدوش , و ده ما يلزمكش بتأييد غيره يعني
للعلم بس و المعرفة و الموضوع ده شبه اكيد................مفيش ضابط جيش ولا شرطة ولا حتى امين شرطة ولا اى هيئة قضائية الا "قليل جدا يقارب الندرة "ال بيعمل العبط ده عشان تبقوا عارفين و بالذات دلوقتى والموضوع ليه علاقة بالأحتياطات الأمنية .والموضوع ما هو الا ضقة نقص من بعض ناقصين الشخصية..
طب أنا مش فاهم أنت معترض إنه وقفك ولا معترض إنه ساب اللي أدامك يعدي....
نفترض أنك معترض علي الأتنين ....
الراجل إذا كان ساب واحد ماشي غلط فده أكيد تصرف مش سليم ويسأل عنه ...
الراجل إذا كان وقفك وسألك علي الرخص ومشاك فده من صميم عمله ونفذه بإحترام ومعملش معاك أي حاجة عيب ...
بس أنت حابب تركز علي القصة الغلط ....
طبعا ممكن في الحالة دي واحد فيلسوف يقولي كونه وقفني بإحترام فده شغله اللي واجب عليه يعمله ومش جميلة حقوله أيوا يا باشا يا بتاع الواجب أنا مقلتش نديله نيشان ، كل اللي قولته إن الراجل مغلطش فيك ، يعني لهو بلطجي ولا هو قليل الأدب ولا هو واقف أستنطاع بس أصلي البوست كله من الأساس عن واحد عنده مركب نقص مفيم وضارب النمر السيكو عشان واطي فأصبح بفرض إنه ظابط وبرده أصبح بفرض إن كلهم بلطجية وبعد كدة دخلنا في قصة مرسي وأن هو اللي كان هيندفها من البلطجيه رغم إن هو وحاشيته أكتر ناس جرو ناعم مع الداخلية ....
شفت ممكن نبتدي فين وننتهي فين وبعدين يجيلك واحد يرمي كلمة ويجري يستخبي وكدة ...
القصة ببساطة مفيش أي دليل إن دة ظابط ، ثانيا الظابط في اللجنا بتاعتك عمل حاجة غلط مع واحد وعمل حاجة صح معاك بدل ما تحترمه إنه عاملك بأدب بتتريك عليه وخايف يفجر نفسه فيه ، ممكن توصف احساسك لو أنت واقف في لجنه ما تعرفش مين جاي عليك وهل ناوي يموتك ولا لأ وبعدين تبقي تقولي أخبار الرجولة إيه والتريقة إيه ....
اسف عالتدخل بس بصراحة رد حضرتك غريب اوي.
مش فاهم حضرتك بتدافع عن ايه ؟؟؟؟؟؟؟!!!!!!!!!!!!! الراجل اللي بيحكي الموقف بيقوله من غير نمر وعداه ولا كلمه وجاله وهو مركب حزام ومعاه المدام وولاده ووقفه وساله عالرخص وعداه. نسيب الاصل ( انه عدا عربية من غير نمر ) ونمسك في ( طب ماهو معملكش حاجة وانتا معترض علي ايه ).
عموما مش هتعرف او مش هتفهم الراجل بيتكلم في ايه غير لما تتعرض لموقف زيه ووقتها هتعرف قصده.
لا حول ولا قوة الا بالله.
من الواضح تماما أنك مفهمتش كلامي .....أقرأه تاني عشان تعرف هل أنا سبت الأصل ولا قلت إنه دة تصرف غلط بوضوح شديد ...
ثانيا ، مين قلك أني ما أتعرضتش لمواقف مش محترمة ، ألسنة اللي فاتت كنت في الغردقة وتايه وإتعمل معايا واجب وتفتيش العربية بالكامل وأفتح الشنطة وكان فاضل الشتيمة ....عادي يعني بلدنا مش مفاجئة ....
ثالثا من غير أسف علي التدخل يا باشا الموضوع عام وكل واحد بيقول رأية وطالما أنك مكشرتش عن أنياب مصاص الدماء ( vampire ) فمفيش خوف من أي حاجة تاني ....هههه ....