مشكلة ومحتاج الرأى فيها وبشدة

**fooooot** · 11-07-2014 07:40 PM

المشاركة الأصلية كتبت بواسطة moko_2004

رأيي ترجع تانى تشوف الفرامل عند حد متخصص لانها لسة قافشة و لو بنسبة اقل من الاول

زيت الفتيس في الاوتو بيبقى لية فلتر مربع موجود في علبة البلوف و مع الزمن بيعبي و سخ و دة بيخلى حركة الزيت من الفتيس الى الريديتر للتبريد بتقل و بيخلى الزيت يسخن و تقل لزوجتة و بعدها يتحرق و يبخر
الحل حضرتك لازم الفلتر يطلع و يتشاف ان كان عاوز تغيير او يتنظف و يركب تانى حسب حالتة طبعا
و ترجع تراجع الزيت لان اللانوس الاوتو بتاخدلها 12 كيلو زيت مش 4 زي النوبيرا

النقطة الاخيرة حضرتك انا في دمياط ممكن ادلك على ناس هناك او في بورسعيد او المنصورة لكن في القاهرة مقدرش افتيك فأنت قول مكانك فين و الاخوة هيعملو الواجب و زيادة بالنسبة للصنايعية و قطع الغيار

معلش ..علبة البلوف دى فين وجنب اية.. وانا من الاسكندرية..و اتشرفت بيك...وشكرا ع المعلومات واتضح ان الموضوع مهم جدا.

**moko_2004** · 11-07-2014 08:40 PM

علبة البلوك داخل كارتيرة زيت الفتيس يعنى بمجرد فك الكارتيرة هتلاقيها
بتتفك بمفاتيح الانكية
هتلاقيها منقسمة الى 3 اقسام
منظم ضغط زيت و فلتر و عقل افتيس اللى بيسموة منظم النقلات
اسكندرية على حد علمى فيها ناس شاطرة كتير بس ايديني فرصة اسألك عن افضل حد

**aelmohamady** · 11-07-2014 08:50 PM

المشاركة الأصلية كتبت بواسطة mhopa2440

هو بالنسبة للفتيس مين قالك انه بياخد 12 ك لا طبعا دا بالكتير 4 إلى 5 ك لو انت هتفك الفتيس حتة حتة هياخد 7 ك تقريبا

وكمان الفتيس الاوتو مش بيتزود دا بيتغير كل 40 الف كيلو انت مشيت عليه قد ايه واللي قبل مشي قد ايه

هتلاقي الكيلوات كبيرة قوي

انت محتاج صيانة كاملة للفتيس وهتكون كالتالي او فك الكارتيرة وتنظيف عقل الفتيس وتنظيف فلتر الزيت (اه ينفع ينظف بدل التغيير لان الفتلر دا سلك مش ورق - وتوفيرا ف النفقات - وكمان اللي فالسوق 99% مضروب) لو حبيت تغيره بيكون افضل طبعا

وبعد كدا تكريب الفلتر والكارتيره (متنساش السيليكون الحراري) وتحط من 4 : 5 ك زيت وشوف كتالوج العربية زيت ثنائي ولا ثلاثي

هتلاقي العربية حاجة تانية في المشي والسحب

(على فكرة ميكانكي شاطر اللي يعمل الحوار دا عشان الدنيا مش تبوظ معاك انا لسة عامل كدا ف عربيتي لانه كان عندي مشكلة ف فلتز الزيت كان فيه رايش واتكتم)

على فكرة لو بصيت فى المانيوال بتاع العربية هاتلاقى ان زيت الفتيس مش بيتغير بيتزود بس

Sent from my samsung GT-I9152 using Forum Runner

**fooooot** · 12-07-2014 12:11 AM

المشاركة الأصلية كتبت بواسطة moko_2004

علبة البلوك داخل كارتيرة زيت الفتيس يعنى بمجرد فك الكارتيرة هتلاقيها
بتتفك بمفاتيح الانكية
هتلاقيها منقسمة الى 3 اقسام
منظم ضغط زيت و فلتر و عقل افتيس اللى بيسموة منظم النقلات
اسكندرية على حد علمى فيها ناس شاطرة كتير بس ايديني فرصة اسألك عن افضل حد

شكرا ع المعلومة... ويا ريت لو تعرف حد كويس يبقى كتر خيرك

**waley** · 13-07-2014 11:02 AM

فلتر وزيت وحساس الفتيس راجعهم

**fooooot** · 13-07-2014 03:50 PM

المشاركة الأصلية كتبت بواسطة waley

فلتر وزيت وحساس الفتيس راجعهم

حساس الفتيس ده فين موقعه...واراجع عليه ازااااى؟

**fooooot** · 13-07-2014 03:52 PM

المشاركة الأصلية كتبت بواسطة aelmohamady

على فكرة لو بصيت فى المانيوال بتاع العربية هاتلاقى ان زيت الفتيس مش بيتغير بيتزود بس

sent from my samsung gt-i9152 using forum runner

لما راجعت المانوال لاقيت السعة 11.5 لتر وان لما تفك الكارتيرة بس دة يفقد حوالى 7 لتر.... دا الموجود فى مانوال الصيانه والاجزاء

الموضوع: مشكلة ومحتاج الرأى فيها وبشدة

LinkBack

أدوات الموضوع

عرض

المواضيع المتشابهه

مشكلة كبيرة ومحتاج رأيكم فيها والموقف القانوني

انا اشتريت كتاوت للنور ومحتاج مساعدتكم فيها

عايز اجيب a113 ومحتاج رائيكم فيها

مشكلة كبيرة ومحتاج أرائكم فيها

البيجو 405... أرجو الإفادة وبشدة

الكلمات الدلالية لهذا الموضوع

المفضلات

المفضلات

ضوابط المشاركة