انا دلوقت عاوز اغير زيت لعربيتى دايو لانوس 2007 ماشية 52الف كيلو كنت بحط موبيل وان ال10الاف 5w50 دلوقت عاوز احط زيت هل احط شيل الترا هيلكس 5w30 ولا موبيل وان 5w50 انهى الافضل
عرض للطباعة
انا دلوقت عاوز اغير زيت لعربيتى دايو لانوس 2007 ماشية 52الف كيلو كنت بحط موبيل وان ال10الاف 5w50 دلوقت عاوز احط زيت هل احط شيل الترا هيلكس 5w30 ولا موبيل وان 5w50 انهى الافضل
حد يرد عليا عاوز اغير زيت بكره
انا حاطط زيت التعاون --تخليقى 280 جنيه والله اخر حلاوة والسحب ميه ميه
كاسترول
انا حاطط زيت كاسترول 10000كيلو و بتاع الزيت نفسه شكر فيه اووى.
اختار اى زيت تخليقى تكون مرتاح له
عن نفسى جربت ڤالڤولين و وولڤر
الاثنين ممتازين
الف شكر على الردود يعنى مش هتفرق موبيل من شل الاتنين زى بعض
طب حد استخدم زيت موبيل وشل يقول انهى احسن
محدش جرب خالص
شيل احسن من موبيل
بس لازم تشتريه من مكان كبير ومعتمد عشان ميكونش مغشوش
اوعى تستعمل شل
MMamdouh
إبعد عن شيل وموبيل الاتنين زفت
جرب فيسكو 5000 او كاسترول إيدج ودول تخليقي الاتنين بيقعدوا فوق ال 10 الاف
تجارب سيئة شخصية و لاخرين...
انا استعمت شل هيلكس الترا مرة واحدة و تلف عندى كستبان... غيرتة مع طلمبة الزيت و بعد شهرين السبيكة بتاعت الكرنك باظت
و طارق علاء له صديق حط شل الاصفر و بعدها لمابة الزيت بقت تنور على السلانسية طول الوقت و العيب دة اختفى اول ما غير الزيت و حط حاجة تانية غير شل
لعدة اسباب:اقتباس:
و ليه حضرتك بتستعمل فيسيكو عشان سعره رخيص ولا عشان كفائته عاليه؟؟
1- فيسكو من انتاج شركة BP الانجليزية يعنى منتج من شركة محترمة و معروفة
2- فيسكو منتج ادائة محترم جدا جدا بعد استخدام حوالى 9 سنين و 140 الف كيلو
3- فيسكو منتج مصنع و معباء فى الامارات يعنى مفيش فرصة لتدخل للاهمال المصرى
4- فيسكو منتج مش مشهور فى السوق بالتالى فرص انة يتقلد او ينضرب معدومة
5- فيسكو منتج سعرة هايل بالنسبة لكفائتة و ادائة
فى المحطة هيقولك بيقعد 25 الف كيلو... طبعا انا عمر ما يجيلى قلب امشى علية المسافة دى... انا اقصى حاجة مشيت 13 الف كيلو بالزيت و لما غيرتة كان كويس و ممكن يشتغل شوية كماناقتباس:
و فيسيكو ال 5000 بيقعد كام كيلو
فيسكو 5000 تخليقى بالكاملاقتباس:
علما بانه مش تخليقى ولا نصف تخليقى ؟؟
فيسكو 3000 معدنى و فية منة نصف تخليقى بس مش موجود فى مصر
فيسكو 2000 معدنى و مصرى
كاسترول... و دة من انتاج شركة BP برضة زى الفيسكواقتباس:
لو حتستعمل حاجه تانيه غير فيسيكو تستعمل ايه؟؟
MMamdouh
شكرا هتمامك
.طيب و ال 3000 ببقعد قد ايه؟
و لو انا بمشى فى السنه حوالى 6-7 كيلو تنصحنى بزيت ايه؟؟
طبعا أنا مش هرد عن الكبير بس هقولك رأيي الشخصي
خليك في التخليقي بيحافظ علي الموتور ولزوجته هي اللزوجة الصح لموتور اللانوس
بالمعدل دا في السنة يبقي تحط فيسكو 5000 وتغيره كل سنة
وبكدا تبقي أستفدت من الحفاظ علي الموتور وفي نفس الوقت توفير لأن المعدني بيتغير علي فترات أقل..يعني ممكن 4 مرات في السنة
وإبقي من فترة للتانية سوق شوية علي rpm عالي و كمان سوق مسافة بسرعة متوسطة منتظمة (120 كم/س مثلا لمسافة 30 -40 كم كدا)
دا عشان تنضف الموتور والزيت يطرد الأبخرة المتراكمة من سواقة المدينة
زي ما قالك الكبير ودا في رأيي بسبب إن شيل وموبيل بيتحرقوا بسرعة
فيه فرق بين سواد الزيت بسبب تنظيف الموتور من الشوائب ودا كويس..وبيكون لون الزيت نفسه مش إسود..هو بيكون زي ذهبي بس مغير لبني عشان لون الشوائب اللي عالقة بيه والفلتر المفروض يشتغل يلم الشوائب دي
وفرق بين سواد الزيت بسبب إنه إتحرق من الأساس ولما بيتحرق ببقي زي جلط او نشف فبيبوظ الدنيا زي ما الكبير شرح ومع الوقت بيكون الموتور من جوا كله إسود وفي الحلة دي الفتر مش هيعمل حاجة
اللي كنت بشوفه عندي لما بنزل موبيل 1 التخليقي إنه كان بينزل إسود إسود محروق وطالع عينه وبينقص كمان جامد بسبب دا وشيل نفس الكلام عند واحد صاحبي
شكرا لنصيحتك
انا مقتنع جدا بنظريه استخدام الحاجه اللى مش مشهوره عشان متبقاش مضروبه عشان كده حستعمل فيسيكو 3000 الاول عشان انا كنت مغير زيت موبيل 5000 و فلتر المره اللى فاتت فمش عايز اخسر الفلتر فحغير 3000 المرادى و انزله على 5000 كيلو وانا مطمن و بعديها حبقى احط فيسيكو 5000 ان شاء الله
الف شكر لاهتمامك
الزيت التخليقي لا يصنع في مصر يعني لو اشتريته بتاع مصر للبترول أو التعاون تأكد انه مستورد
اهتم في الزيت :
أولا: بمستوى الأداء و اللزوجه
ثانيا: أنه ميكونش مضروب (و المضروب دلوقتي كتير جدا)
الشركه المصنعه متفرقش (حاول تعرف الشركات الأجنبيه في مصر بتخلط زيوتها فين و لما تعرف هاتندهش)
نتيجة النقاش بلاش شل
اعتقد ان مشكله الشيل انه مضروب
بس سؤال انا ينفع اغير لفيسيكو 3000 بعد موبيل 5000 منغير ما اغير فلتر؟؟ على اساس انى لسه مغيره من 4000 كيلو مع غيار الزيت الموبيل ال 5000 فمستخسر الفلتر انى اغيره دلوقتى ينفع ولا بلاش عشان الفيسيكو حيتخلط ببشوية من زيت الموبيل القديم؟؟
زيت التعاون XPL SM 20w\50
غيره على 10000 كم
SM تاني اعلى مستوى أداء موجود بعد SN
20w\50 أنسب لزوجه مناسبه لجو مصر
ليه التعاون ؟ لأنه أرخص زيت (100 جنيه) وهوه هوه بتاع شل و توتال و موبيل و غيره
كده يبقى احط زيت 10000 علطول بالمرة
بس اللزوجة الخفيفه اوى 5-40 و كده ديه مناسبه وا احط من لزوجة كام؟؟
و لو العربيه بتاكل زيت على بسيط اوى زيت ال 10000 يضر العربيه ولا عادى احطه و لو نقص ازوده بدون اى خوف على الموتور؟؟
اانا هغير الزيت ان شاء الله ل فيسكو 3000 هجربه لو لقيته مريح العربيه هغير ل فيسكو 5000 ان شاء الله
بس ممكن حد يفيدنا بالاسعار ضرورى لأنى احتمال كبير جدا اغير الزيت بكره الصبح
شكرا للكل الناس الى مش بتبخل بالمعلومات وربنا يبارك فيكوا
زيت فيسكو تيجي منين ؟
فيسيكو 3000 ب 125 ج
انا غير ت زيت فيسكو 3000 وفلتر الزيت
فى بنزينة كارجاس الى فى المعادى ب 130 شامل تغير الزيت والفلتر
هما ناس محترمه اوى بصراحة
ودى اسعار الزيت
فيسكو 2000 106 جنيه
فيسكو 3000 125 جنيه
فيسكو 5000 285 جنيه
الراجل قالى الزيت بيقعد لحد 10000 من غير مشكله بس الاحسن ينزل على 8000 وعلشان الحر انا ناوى اتابعه طبعا لحد 7000 وربنا يعمل الخير
الماتور صوته هدى جدا و الزيت من كتر ما لونه فاتح بشوفه بصعوبه على المقاس ربنا يكرم ويفضل كده على طول
الف شكر لكل الردود
نصيحة بلاش تعدى به ال 5000 لانه مهما كان زيت معدنى و مش تخليقى ولا نصف تخليقى