السفر الي احدي دول امريكا الجنوبيه و بدء مشروع هناك

**Ahmed_Rahem** · 13-07-2014 01:55 PM

طالما الانجليزى كويس اعمل بحث فى المنتديات الاجنبية (انجلترا وامريكا) هتلاقى تجاربهم وتستفاد اكتر.

**samyyousef** · 14-07-2014 01:57 AM

ربنا يوفقك..و ياريت تطمنا على ما وصلت اليه

**mcomics** · 14-07-2014 03:08 AM

متهيالي البرازيل او الارجنتين يكون فيهم فرص اكتر من باقي دول امريكا الجنوبية وده بشهادة زميلي في العمل ( ارجنتيني الاصل)
وربنا يوفقك الى ما فيه خير ليك

**Ahmed_Rahem** · 14-07-2014 09:20 AM

المشاركة الأصلية كتبت بواسطة باسم يوسف

انا لا اعرف اسماء تلك المنتديات

اكتب على جوجل او ياهو
forum expats
واسم الدولة
جرب دة
منتدى britishexpats

**zorg** · 20-07-2014 06:35 AM

بص حسب بحثى فى الاكوادور:
الامريكان كتير منهم بيروحوا هناك عشان يتقاعدوا - واما يئلت عن السبب عرفت انهم بيروحو الدول دى عشان يهربوا من الغلاء فى بلدهم يعنى من الاخر لاجئين اقتصاديين
انك تاخد اقامة فى الاكوادور سهل جدا كل اللى بتعمله بتحط وديعة فى البنك ب25 الف دولار او بتشترى عقار بالقيمة دى
وفيه كذا نوع تاشيرة بمبالغ اقل بس بفلوس يعنى مثلا كل شهر تثبت انك معاك 800 دولار او حاجة قريبة من كده
-مفيش طيران مباشر
-تقريبا عدد المصريين هناك يتعد على صوابع الايد الواحدة
-نظام التأشيرات :
1. فرضت الأكوادور على المصريين اعتباراً من نوفمبر 2005 ضرورة الحصول على تأشيرة دخول وذلك تطبيقاً لمبدأ المعاملة بالمثل واستخدام بعض المصريين الأكوادور كمعبر للوصول للمكسيك ثم الولايات المتحدة ومحاولة بعضهم التوقف في أسبانيا أو هولندا وطلب اللجوء ومحاولة الهجرة غير الشرعية لأوروبا .
2. يشترط الإقامة بالإكوادور وجود دواعي الإقامة بها مثل العمل والدراسة والسياحة ويتم تجديد التصاريح بسهولة .
3. الأكوادور ليست من الدول المتلقية للهجرة وتقوم بالترحيل الفوري لجميع القادمين إليها بصورة غير قانونية .
4. يمكن إكتساب الجنسية الأكوادورية عن طريق الزواج سواء للرجل أو المرأة .

- ممكن تطلع على موقع وزارة الخارجية المصرية:
جمهورية مصر العربية – وزارة الخارجية -
-كما ان عندك ويكيبديا

**zorg** · 20-07-2014 06:43 AM

كما يمكنك الانضمام الى جروب Ecuador expats على الفيس بوك هو اغلبه امريكان بس هتعمل ايه
وهتلاقى هناك ناس بتخلص امور الاقامة فى الاكوادور موجودين فى الجروب وبيلخصوا الدنيا كلها
منهم واحدة اسمها
Maite Duran

ده الفيس بوك تبعها

https://www.facebook.com/maite.duran.96

ملحوظة : من كام شهر كان فى تسونامى + قاتل متسلسل طليق فى الاكوادور :)
روحت انا تعبت من المفاجاة ونزلت دمعتى
بس على ماقراته اعتقد انها بلد ماتستحقش الهجرة لها اوى الا اذا كان فى طريقة تروح زيارة وتكتشفها كويس اووى قبل اتخاذ قرارك
كمان الشعب الاكوادورى فيه منه مبيحبوش الامريكان لان الامريكان تسبووا فى رفع اسعار حاجات كتير فى الاكوادور ده غير انهم مبيفيدوش الاقتصاد ومبيعرفوش يتكلموا اسبانى كويس مما يجعل الاكوادريون يشعروا ان الامريكى شايف نفسه احسن منهم ومستكتر يتعلم لغة :)
دى المعلومات اللى جمعتها عن الاكوادور اثناء تفكيرى فى الهجرة قبل مااكتشف ان الهجرة لدولة نظيفة مجرد سراب