في لابتوب عجب واحد قريبي علي موقع سوق دوت كوم و سعره 5100
و نفس اللاب بنفس المواصفات موجود علي جوميا بسعر 5333
انا محتار و مليش خبره ف الشراء من علي النت
انهي الأفضل ولا اروح اشتري من محل و خلاص ؟؟
عرض للطباعة
في لابتوب عجب واحد قريبي علي موقع سوق دوت كوم و سعره 5100
و نفس اللاب بنفس المواصفات موجود علي جوميا بسعر 5333
انا محتار و مليش خبره ف الشراء من علي النت
انهي الأفضل ولا اروح اشتري من محل و خلاص ؟؟
[OVERLINE]متابع[/OVERLINE]
انا اشتريت حاجات من جوميا وكانوا كويسين الحاجة اللي بتطلبها هي بالظبط اللي بتجيلك
لو هتشتري من سوق اتاكد ان اللي بيبيع هو موقع سوق نفسه وهو بيكتبلك كد اهذا المنتج من قبل سوق
لان كان في تجربة مش كويسة لاكتر من عضو في التعامل مع البائعين علي الموقع انهم بيبعتوا سلع رديئة او بمواصفات مختلفة عن اللي معلن عنه
اشتري من. حاجة مضمونة اكتر زي كومبيومي
بلاش تشترى منهم انا لسة عامل اوردر من على سوق من بائع اسمع 3afroty بعتلى حاجة غير اللى انا طالبها تماماً دة غير انهم ذالنى علشان يجوا ياخدوها تانى ومجوش اهه بقالهم اسبوع
موقع اخر قرف والبائعين اللى عليه زبالة
حضرتك لو نزلت اشتريته فى نص ساعه هتريح نفسك واوفر فى السعر من البستان او تكنولوجى مول فى مدينه نصر
بلاش سوق موقع زباله
لما عملت اوردر اتصلوا اكتر من مرة وبعتولى 5 ايميلات لتأكيد الشراء
اول ما استلمت المنتج اولا ناقص اكسسورات ومبيشتغلش ولما جبتلة الحاجات دى على حسابى طلع منتج زبالة اللى هو مروحة شحن مكتوب المروحة بتشتغل من 2-6 ساعات مكملتش ساعة على السرعة العالية
اتصلت بخدمة العملاء قعدونى 40 دقيقة انتظار بدون اى رد لغاية ما زهقت
بعتلهم 3 ايميلات ولا اى استجابة
نصيحة بلاش الموقع الزباله
العيب فى البائعين مفيش ذمم
فكره المواقع موجوده فى كل دول العالم
انا اشتريت من الاتنين
بالنسبة لسوق اتاكد ان السلعة مباعة من موقع سوق نفسة بيبقى مكتوب Fullfiled by souq ودى بيكون السلعة عند سوق وبيبعتهالك على طول ومغلفة بغلاف سوق
اما لو من بائع عادى خد بالك من ال Rating بتاعة عشان ممكن لو طلبت لاب يبعتللك مروحة
بالنسبة لجوميا جميلة وبتوصللك تمام وممكن ترجعها بسهولة لو فيها حاجة غلط
خلى بالك احيانا الحاجات المباعة مبتبقاش بضمان
نصيحة : اسعار الحاجات فى المحلات بتكون ارخص حتى لوالموقع قاللك ان عليها خصم 90 فى المية انزل المحلات الاول
أنا ليا كذا تجربة مع سوق دوت كوم أنا وزمايلي في الشغل والتجارب ناجحة وحلوة بس للاسف مع سوق بتاع السعودية ......... والمعاملة محترمة ولو اتصلت على خدمة العملاء يردوا عليك ............
انا راي تشتري الحاجة قدامك احسن
وهتلاقيها بسعر قريب جدا