رجالة مصر في السعودية محتار بين فلوانس ولا سيراتو

**sellou** · 11-07-2014 04:05 AM

سلام عليكم وكل سنة وانتم طيبين
انا عاوز اجيب سيارة جديدة قسط ولقيت وكالة رينو ووكالة كيا عاملين عروض تقسيط من غير فوايد يعني بسعر الكاش وعلى سنتين
الاتنين فيهم مميزات وعيوب
يعني الفلوانس مميزاتها الشكل والاوبشن ومعدل الامان العالي فيها
بس يعيبها ان اقرب مركز خدمة وصيانة ليا هيبقى في الدمام لاني في الاحساء يعني ١٧٠ كيلو فرق
وسعرها 58500 ريال
السيراتو مميزاتها سعر اقل )52900( والداخلية بتاعتها شيك وفيها اوبشن كويس
لكن يعيبها الشكل الخارجي الجديد ( طبعا دي اذواق ) ااقديم كان احلى بكتير
ومعدل الامان فيها اقل من الفلوانس
ممكن لو حدجرب اللفلوانس يقولي على انطباعه عن العربية
والف شكر ليك وربنا يبارك فيكم يارب :-)

**towmas** · 12-07-2014 03:12 AM

مساء الفل يا غالي
انا عايز انصحك بحاجه تانيه قد تكون احسنلك من الاختيارين دول
روح بص علي اللنترا النص فل موديل 2014 الدفعه التانيه
فيها جنوط وabs واتنين ايرباج وتحكم دريكسيون ومثبت سرعه وتكيف امامي وخلفي
وكمان درج تلاجه واللون الداخلي اتغير من الاصفر الفاقع الي لون كافيه ممتاز واوبشنات كتيره جامده جدا
وكل ده ب 57500
واخر حاجه متنسهاش عربيه مغرقه البلد وقطع غيار رخيصه وفي كل حته
وماسكه سعرها كويس جدا ومرغوبه
يعني يوم ما حتقول يا بيع حتلاقي الناس بتجري وراك عشان تشتري
ونصيحه لو حبيت تقسط عليك وعلي شركة اسمها ايجاره
فايتهم قليله ونظامهم محترم جدا
وبيامنوا السياره شامل تبع شركة ميد جلف
وكمان بيعطوك كوبونات مجانيه عشان تظلل حراري ماركات محترمه sun tak
كمان تشميع كامل وتلبيس للكنب وتغليف الدواسات بلاستيك
وكل سنه وانت طيب

**#MAAM#** · 12-07-2014 11:12 PM

أنا رأيي خليك في السيراتو ولو مش عجباك بص على الالنترا وده أفضل من رأيي وجزاكم الله خير

**mr.moustafa** · 14-07-2014 02:01 AM

خليك في السيراتو أحسن من الفلوانس و الالنترا طبعا
بس هات فئة اعلى شوية و بالنسبة للشكل فأنا شايفه رائع

**sellou** · 15-07-2014 03:03 AM

المشاركة الأصلية كتبت بواسطة towmas

مساء الفل يا غالي
انا عايز انصحك بحاجه تانيه قد تكون احسنلك من الاختيارين دول
روح بص علي اللنترا النص فل موديل 2014 الدفعه التانيه
فيها جنوط وabs واتنين ايرباج وتحكم دريكسيون ومثبت سرعه وتكيف امامي وخلفي
وكمان درج تلاجه واللون الداخلي اتغير من الاصفر الفاقع الي لون كافيه ممتاز واوبشنات كتيره جامده جدا
وكل ده ب 57500
واخر حاجه متنسهاش عربيه مغرقه البلد وقطع غيار رخيصه وفي كل حته
وماسكه سعرها كويس جدا ومرغوبه
يعني يوم ما حتقول يا بيع حتلاقي الناس بتجري وراك عشان تشتري
ونصيحه لو حبيت تقسط عليك وعلي شركة اسمها ايجاره
فايتهم قليله ونظامهم محترم جدا
وبيامنوا السياره شامل تبع شركة ميد جلف
وكمان بيعطوك كوبونات مجانيه عشان تظلل حراري ماركات محترمه sun tak
كمان تشميع كامل وتلبيس للكنب وتغليف الدواسات بلاستيك
وكل سنه وانت طيب

انا كده يبقى دخلت في سكة فوايد وزودت الفلوس اللي هدفعها بس طبعا هيونمداي شركة ليها اسمها ولو لقيت النترا مستعملة 2007 هشتريها لو سعرهعا معقول
بس الفكرة انا بدور على الوكالات اللي عاملة عروض تقسيط بدون فوايد عشان عاوز اخلص بسرعة ومازودش على نفسي فلوس
ومفيش غير كيا ورينو وبيجو
الكيا ليها سوقها هنا ومناشية تمام الابيجو والرينو دول لو هجيبهم عشان افكر انزلها مصر بس انا لسه هنا جديد وماكملتش سنة اصلا في الشغل فاي عربية هجييها هستهلكها هنا في المسافات الطويلة
لحد اوقتي محتار وربنا يعمل اللي فيه الخير
وشكرا ليكم يا جماعة

**dr_tamer_sh** · 17-07-2014 10:11 PM

بم اني مالك رينو فلونس ٢٠١٢ ومقيم فالاحساء العربيه جميله وخدمات الصيانه ممتازين ومحترمين جدا جدا واكن فعلا ف الدمام وفي فرع لهم صيانه دوريه فقط في تراي ستار اللي ف الصناعيه ولكن لم اتعامل معاهم طبعا الصيانه كل ١٠٠٠٠ كم او سنه ايهما اقرب لو علي قد الصيانه الدوريه فقط ممش هتكون مشكله ولكن بالنسبه لو احتجت قطع غيار او حصل خادث او اي مشكله ف العربيه لازم تروح التوكيل ف الدمام فلو عاوز تريح بالك من الدوشه دي خليك افضل في السيراتو