سبحانك اللهم وبحمدك ، أشهد أن لا إله إلا أنت أستغفرك وأتوب إليك
عايز اعرف سعر 307sw موديل 2007
فابريكا
ماشية 48 الف كم
قطع غيارها و صيانتها نظمها اية غالية ولا رخيصة
و كل شوية حد يقول لى الكنترول بتعها بيبوظ بسرعة
هى عربية حلوه ولا اى كلام ؟؟
عرض للطباعة
سبحانك اللهم وبحمدك ، أشهد أن لا إله إلا أنت أستغفرك وأتوب إليك
عايز اعرف سعر 307sw موديل 2007
فابريكا
ماشية 48 الف كم
قطع غيارها و صيانتها نظمها اية غالية ولا رخيصة
و كل شوية حد يقول لى الكنترول بتعها بيبوظ بسرعة
هى عربية حلوه ولا اى كلام ؟؟
موضوع السعر ده في البيجو بيتفاوت حسب الحاله مفيش معيار ثابت له .... و الكيلو متر مش هو اللي بيحدد السعر و لكن الحاله العامة بجانب الصيانه
لكن الرينج الطبيعي بين 85 إلي التسعينات
قطع غيارها متواجده داخل التوكيل من أصغر كلبس إلي أجزاء الصاج الخارجي و أجزاء المواتير .. معندهمش حاجه مش موجوده
و قطع الغيار في السوق موجوده عند ناس كتير ...التوفيقيه فيها أكثر من 3 شغالين بيجو و عندهم حاجتها من الـألف إلي الياء و الحرفيين كتير برضه و بخلاف محلات كتير منتشرة في أنحاء القاهره
قطع الغيار رخيصه جدا
بحوالي 1500 تقدرتعمل سيرفيس 60 ألف كم لأي عربيه بيجو بالمصنعيات
العيوب : كل اللي أتقال علي العربيه إشاعات مفيش كنترول في الـ307 حد أشتكي منه
حاجه كمان الصنايعيه اللي مشهورين و شاهرين نفسهم بعضهم منعدم الضمير و مبيفهمش و بيوهم أصحاب العربيات بحاجات مش موجوده علشان يحسسه بقيمة اللي بيعمله و لذلك فيه بعض الناس لها تجارب سيئه مع البيجو و طبعا مع التجربه دي أشاعات كتير بتحصل
الخلاصه : البيجو عربيه ممتازه لكن متصلحش عند مدعي التخصص في البيجو لو عندك مشكله يبقي التوكيل (مش غالي أوي) حتي لو هاتشخص فقط و الصيانات العادية في أي مركز صيانه أو ميكانيكي محترم تثق فيه
لو أحتجت أي أستفسار تاني بلغنا
بالتوفيقِ
Hossam99
قدامي عربية 307 وارد فرنسا ... عدادها 60 الف ... ومحتاجه صيانة ال60 ...
انا قلقان من المستورد عشان فرق الجو بين هنا واوروبا
وقطع الغيار اخبارها ايه ... انا غالبا مش بحب اعمل حاجتي غير في االتوكيل
تنصحني بايه ...
والله يا حسام بيه انت كفيت ووفيت فى الرد
84 مانيوال
أكشف في التوكيل و توكل علي الله و تأكد من العداد
بالنسبه للمواصفات الأوروبي بتبقي أفضل من الموجهه للشرق الأوسط بيبقي الأجزاء الكهربائيه من تصنيع شركة بوش بالكامل أما الشرق أوسط بيبقي التصنيع بين بوش و ديلفي
المواصفات الأوروبي بتبقي مختلفه في مارمة الدينامو و كمبريسور التكييف
و مفيش أي أختلاف في قطع الغيار
و ممكن تلاقي أختلاف في الكماليات يعني اللي تزلت مصر نادرا ما تلاقي منها بإنذار و وحدات رفع الأوروي فيها
و فروقات تانيه كتير الصراحه للعربيات اللي جايه من فرنسا
موديل 2007
طيب سعرها الطبيعي بيكون كام ؟
لو فاضيه بدون جنوط هاتبقي في السبعينات
لو جنوط سي دي تشانجر و بلوتوث و شاشة بيانات متعددة الألوان و الوظائف و إنذار و وحدات رفع هاتبقي في أوائل الثمانينات لو زودنا فتحة سقف تزيد شويه
ملحوظه (كل مجموعة كماليات من دول بيرتبط بها كماليات تاني كتيييير جدا )
مع الأخذ في الإعتبار الأسعار دي للعربيات النضيفه بجد اللي بتعمل صيانه و صالونها سليم و فرشها بحالته و فوانس سليمه و حوض الموتور بحالته بدون لعب في سلوك و لا حساسات و شنطه تكون نضيفه أستبن و عده في مكانهم رف الشنطه سليم مش مفتوح فيه أماكن سماعات و هكذا...
لكن فيه عربيات منها أستغفر الله العظيم علي الإستعمال
تلاقي ضفيرة زينون مرميه في الحوض و ملغيه و فوانيس مسوده و فوانيس خلفيه مكسره و صالون متقطع و مخادع متخلعه و راديو متغير بواحد صيني و طارة دركسيون مشققه و تفتح الشنطه تلاقيها مركز للمهملات
أنا أتكلمت كتير ليه علشان سعر العربيه دي نضيفه غالي و مهانه سعرها واقع
و أخيرا أنا شوفت نضيف منها وصل 96000 جنيه ... فهي حالتها فرص
شكرا على المعلومات القيمة والوصف الدقيق ... العربية واضح من وصف صاحبها ليا انها حالتها نضيفة زي وصفك كده
كمالياتها 6 وسائد هوائية، كشافات ومساحات تشغيل اوتوماتيكي، جنوط سبور ألومنيوم، كمبيوتر داخلي، مثبت ومحدد سرعة، كشافات ضباب، مرايا جانبية تحكم وطي كهربائي، تكيف إلكتروني وتحكم في الحرارة منفصل لكل جانب اضافة الي تبريد منفصل لغرفة التابلوه، راديو + cd 6 + mp3، ذراع تحكم في الراديو و cd، مساند يد للكرسيين الامامين، تابلوه وكونسول ابنوس،
ان شاء الله انا رايح النهارده اتفق معاه على معاد نكشف على العربية في التوكيل واعرف سعر صيانة ال60 الف لانها محتاجه تعمل صيانة ال60
هم قالوا له قبل كده تقريبا في التوكيل ان العربية مش محتاجه تعمل الصيانة لأن قطع الغير لسه بحالة كويسة ... واللي حيركب حيكون اقل جوده من اللي راكب بالفعل ... لكن مكتوب في الكتالوج انها لازم يتعمل لها صيانة عند ال60
عندك فكرة صيانة ال60 الف دي تتكلف كام ؟؟؟ والكشف على العربية بيتكلف كام ؟؟
مصنعيات صيانة الـ60 في حدود 1600 جنيه قطع غيار من غير تيل فرامل أمامي و خلفي و من غير زيوت هاتكون في حدود 1400 جنيه -1700 جنيه
لو عايز توفر كتير هات قطع الغيار من التوكيل و أعمل الصيانه بره و متجبش التيول من التوكيل هاتها من بره ريمسا أو فاليو
و مفيش حاجه أسمها التوكيل قال مش لازم صيانة الـ60 في ميعاد صيانة الـ60 ده كلام كذب رسمي
الكشف في التوكيل 270 جنيه و روح بدري 8.30 تكون هناك
بالتوفيق