عايز اعرف حساس الشكمان شغال ولا لا
عشان عندي المؤشر بتاع البنزين بايظ وعايز اعرف العربية بتاكل بنزين ولا لا
عرض للطباعة
عايز اعرف حساس الشكمان شغال ولا لا
عشان عندي المؤشر بتاع البنزين بايظ وعايز اعرف العربية بتاكل بنزين ولا لا
لو أداء العربية تمام ومش بتبطل وانت واقف على السلانسيه ومش بتبرجل وال rpm مضبوط يبقى شغال
حساس الشكمان لو بايظ حتلاقي البوجيهات بتاعتك مهببة و حتلاقي اثار بنزين ني في ماسورة الشكمان
بعدين عشان تشوف استهلاكك في البزين مش شرط تمشي على حسب المؤشر
احسب استهلاكك على حسب عداد الكيلومترات
حاجة تانية
لو جريت بالعربية بسرعات عالية و لقيت لمبة check engine نورت يبقى ده 90 % حساس شكمان
حساس الشكمان او ما يسمى بالاوكسجين سينسور
لما بيعطل
1- استهلاك البنزين بيريد بنسبة 10%
2- سحب العربية بيضعف بنسبة 15%
3- لمبة التشيك بتنور عند التهدئة و تختفى مرة اخرى دة لما يكون بيشيع اما لو باظ خالص بتنور بعد 80 او 90 و معدتش تطفى
طريقة حساب البنزين
1- فول لحد اول تكة
2- اطلع على طريق طوالى و امشي مسافة 100 كيلومتر رايح جاى 50 رايح و 50 جاى
3- فول تانى للتكة و احسب معدل الاستهلاك مثلا و لنفرض مثلا 220 كلم للصفيحة 20 لتر دة للطوالى تطرح 10% منة و يبقى الاستهلاك المثالى لداخل المدينة 195 كلم للصفيحة 20 لتر
وعمر الاستهلاك ما يكون مضبوط الا لما يكون كل حاجة صح الفلاتر و البوجيهات و السلوك و الفتيس و الزيت و حالة المكنة و حالة العفشة و حالة الكاوتش كل دة مؤثر على الاستهلاك فراعى الانتباه ان النسبة بتتغير بناء على المتغيرات المذكورة اعلاة
حطها على سكانر و منه تعرف حالة حساس الشكمان
MMamdouh