انا بسافر حوالي 1500 كيلو رايح جاي بسبب ظروف شغلي الي جانب اني بتحرك جوه البلد بردوا كتير لما بكون في القاهرة و احيانا هيكون معايا 4 افراد في السفر طبعا بالشنط.
انا معايا حاليا بيرودوا كليسا اللي انا بعشقها ( 1000 سي سي 3 سلندر ) هي بصراحة عملية جدا جوه البلد عشان حجمها صغير و استهلاك البنزين ولا حاجه بس في السفر المسافات الطويلة مش قد كده.
وحاليا انا محتار بين حاجتين :
1- معروض عليا مرسيدس se 280 موديل 1981 حالتها كويسة جدا ب 52,000 جنيه فانا فكرت اخلي الكليسا و تبقي واحده جوه البلد و واحده للسفر.
2- ابيع الكليسا و اكمل و اجيب فلوانس مستعمله موديل 2010 او 2011 في حدود 100,000 جنية و تبقي لكل حاجة.

ممكن تفكروا معايا عشان انا هتجنن.