انا في حيرة شديده ارجوكم ساعدوني (مرسيدس w126 se280 + كليسا) ولا (فلوانس مستعمل)

انا بسافر حوالي 1500 كيلو رايح جاي بسبب ظروف شغلي الي جانب اني بتحرك جوه البلد بردوا كتير لما بكون في القاهرة و احيانا هيكون معايا 4 افراد في السفر طبعا بالشنط.
انا معايا حاليا بيرودوا كليسا اللي انا بعشقها ( 1000 سي سي 3 سلندر ) هي بصراحة عملية جدا جوه البلد عشان حجمها صغير و استهلاك البنزين ولا حاجه بس في السفر المسافات الطويلة مش قد كده.
وحاليا انا محتار بين حاجتين :
1- معروض عليا مرسيدس se 280 موديل 1981 حالتها كويسة جدا ب 52,000 جنيه فانا فكرت اخلي الكليسا و تبقي واحده جوه البلد و واحده للسفر.
2- ابيع الكليسا و اكمل و اجيب فلوانس مستعمله موديل 2010 او 2011 في حدود 100,000 جنية و تبقي لكل حاجة.

ممكن تفكروا معايا عشان انا هتجنن.

والله ياباشا الموضوع كله متوقف عليك ( اينعم انت ) المرسيدس متانة وفخامة محترمه وكخامات فتره الثمانينات كانت الخامات فيها محترمه جدا وده بيدي عمر طويل للعربية ده بس كمالياتها علي قد عصرها لا مالتي فانكشن ولا ماعرفش ايه اخرك الفتيس الاوتوماتيك والازاز والكراسي الكهربا والسخانات بتاعه الازاز والكراسي والتكيف بس فيها ميزه ان في ستاير ورا مثبته ع الرخصة كده لو ركنت ف الصحرا تحت الشمس التكيف هيبقي معقول لانك مغطي الازاز اللي ورا والشباكين ياسلام لو شماسة ع الازاز الامامي وتبقي كده قفلتها من الشمس شوية / الفلوانس عربية ممتازة علي الرغم ان الشكل القديم مكنش شيك زي الجديد وده برده هيخليك تحس ف وقت انك دفعت فلوسك برده ف قديم اول ماتعدي اودامك الشكل الجديد بس هي كاوبشن وكده مافيهاش اختلاف اوي عن الجديده بس علي جميع الاحوال عربية تمام وتوكيل رينو اثبت نفسه ف مصر وظبط سمعته / طب سيادتك عايز ايه ؟ لو طريقك زراعي كله مطبات وحفر ونقر يبقي المرسيدس عربية كارونة وتستحمل اينعم استهلاك البنزين فيها عالي (بس مش الاستهلاك الهلامي انها حوت وبتاع ) بس طبعا قدام الكليسا حوت اكيد دي مكنة ٢٨٠٠ سي سي ٦ سلندر بس حيوانة ف الجري دي اللي لو اتزنقت ف جرار زراعي ممكن تستخدمها مكانة ده غير متانة الصاج دي تخليك تقول لاي سواق ميكروباص لوراجل قرب لي انما الفلوانس اللي هتوفره بنزين هتدفعه صيانة عفشه (لاحظ سيادتك ان الجديد مالوش غير التوكيل ) بس ككماليات اكتر من المرسيدس فالخلاصة عايز عربية لطريق خدمه شاقه ( ماتقلقش الطاره باور وناعمه جدا عن تجربه ) بس استهلاك بنزين اعلي وضريبه سنوية حوالي ١٤٨٠جنية مش عارف ان كان اقل ولا اكتر وهتضحي بحبه كماليات وطبعا بعد ارتفاع اسعار البنزين سعر العربيات ال٢٠٠٠ سي سي فما فوق هينزل او لو طريق سالك هات الفلوانس تكنولوجيا واقتصادية ف البنزين بس لا متانة ولا فخامة المرسيدس وبرده حاول تركب دي ودي ياباشا وقرر كده الصوره وضحت وربنا يوفقك

ده برده تقرير مفصل عنها http://www.nilemotors.net/Nile/226772-w126.html

اقتباس:

---

المشاركة الأصلية كتبت بواسطة ahmedalaahosny

والله ياباشا الموضوع كله متوقف عليك ( اينعم انت ) المرسيدس متانة وفخامة محترمه وكخامات فتره الثمانينات كانت الخامات فيها محترمه جدا وده بيدي عمر طويل للعربية ده بس كمالياتها علي قد عصرها لا مالتي فانكشن ولا ماعرفش ايه اخرك الفتيس الاوتوماتيك والازاز والكراسي الكهربا والسخانات بتاعه الازاز والكراسي والتكيف بس فيها ميزه ان في ستاير ورا مثبته ع الرخصة كده لو ركنت ف الصحرا تحت الشمس التكيف هيبقي معقول لانك مغطي الازاز اللي ورا والشباكين ياسلام لو شماسة ع الازاز الامامي وتبقي كده قفلتها من الشمس شوية / الفلوانس عربية ممتازة علي الرغم ان الشكل القديم مكنش شيك زي الجديد وده برده هيخليك تحس ف وقت انك دفعت فلوسك برده ف قديم اول ماتعدي اودامك الشكل الجديد بس هي كاوبشن وكده مافيهاش اختلاف اوي عن الجديده بس علي جميع الاحوال عربية تمام وتوكيل رينو اثبت نفسه ف مصر وظبط سمعته / طب سيادتك عايز ايه ؟ لو طريقك زراعي كله مطبات وحفر ونقر يبقي المرسيدس عربية كارونة وتستحمل اينعم استهلاك البنزين فيها عالي (بس مش الاستهلاك الهلامي انها حوت وبتاع ) بس طبعا قدام الكليسا حوت اكيد دي مكنة ٢٨٠٠ سي سي ٦ سلندر بس حيوانة ف الجري دي اللي لو اتزنقت ف جرار زراعي ممكن تستخدمها مكانة ده غير متانة الصاج دي تخليك تقول لاي سواق ميكروباص لوراجل قرب لي انما الفلوانس اللي هتوفره بنزين هتدفعه صيانة عفشه (لاحظ سيادتك ان الجديد مالوش غير التوكيل ) بس ككماليات اكتر من المرسيدس فالخلاصة عايز عربية لطريق خدمه شاقه ( ماتقلقش الطاره باور وناعمه جدا عن تجربه ) بس استهلاك بنزين اعلي وضريبه سنوية حوالي ١٤٨٠جنية مش عارف ان كان اقل ولا اكتر وهتضحي بحبه كماليات وطبعا بعد ارتفاع اسعار البنزين سعر العربيات ال٢٠٠٠ سي سي فما فوق هينزل او لو طريق سالك هات الفلوانس تكنولوجيا واقتصادية ف البنزين بس لا متانة ولا فخامة المرسيدس وبرده حاول تركب دي ودي ياباشا وقرر كده الصوره وضحت وربنا يوفقك

---

اولا بشكرك جدا علي مشاركتك الجميلة.
زي ما تكون بتقرا اللي في دماغي .. انا ركبت المرسيدس و كنت حاسس انها اسد مش عربية و لما جربتها علي الطريق في شارع مش طويل لقيت العداد علي 160 و انا مش حاسس لدجة اني افتكرت ان العداد بايظ. بس بصراحة انا مجربتش الفلوانس فا مش عارف هل الفلوانس هتكون كعزل و راحة احسن من المرسيدس ولا لأ.
النقطة التانية اللي خايف منها التكييف, هل تكييف المرسيدس كويس ولا لأ ؟ العربية اللي انا شوفتها مافيهاش ستاير جانبية و لما جربت التكييف قالي انوا عايز يتشحن.
و هل التكييف بيفرق جامد قوي في استهلاك البنزين في المرسيدس ؟

انا بصراحة ميال للمرسيدس عشان قوية و ثابتة و سريعة و مريحة و رخيصة و قطع غيارها رخيصة و كمان هتفضل معايا الكليسا للمشاوير اللي متنفعش فيها عربيات كبيرة.
بس ايهما ممتع في السواقة اكتر مرسيدس ولا فلوانس ؟ يعني فرق التكنولوجيا بس في كماليات ولا في الراحة ؟

بشكرك مرة تانية ( و علي فكرة موضوع السفينة الالمانية ده كان من الاسباب الاساسية اللي خلتني انتبة للعربية دي)

الشكر لله ياباشا تحت امرك بص ياسيدي عشان اكون صريح معاك المقارنة دي اساسا فيها ظلم للمرسيدس بس السوق بقي وبناء عليه ان العربيتين اساسا من فئتين مختلفتين المرسيدس فئة (super luxury car‎)‎ الفلوانس فئة (compact car ) طبعا كده في فرق جامد بالنسبه للمرسيدس كونها عربية مسافات طويله ومشاوير والفلوانس كراحة وكده استحاله تبقي ف راحة عربية معموله مخصوص للمشاوير زي المرسيدس واسهل حاجة هل حسيت اصلا انك كنت علي ١٦٠ ؟ اكيد لا لان مالاقتش العربية بتتمرجح ولا اي شوية هوا يجيبوها يمين وشمال وبرده ياباشا لاحظ ان مرسيدس بتحب تدلع زبون الفئة s ع الاخر وده لغاية النهارده سواء خامات او راحة عشان كده انا رشحتهالك مافيش عربية تستحمل مشوار ١٥٠٠ كيلو رايح جاي وتوصلك مرتاح غير المرسيدس ماتنساش برده ان عمرة موتورها علي مليون كيلومتر انما الفلوانس وان كانت اثبتت نفسها ف مصر انما بعد كام مشوار بالمسافه دي هتبتدي تشخلل من كل حته دي حاجة الحاجة الثانية التكيف بص ياباشا ماتاخدش عربية فيها حاجة مش شغاله عشان ماتتعبش معاها يعني بالعربي كده التكيف عايز يتشحن طب ماتخليه يشحنه ويضيف تمن الشحن ايه يعني ٢٠٠ جنية زياده طبعا هتسالني طب ليه ؟ اقولك العربية القديمه اكيد خراطيم التكيف فيها ابتدت تشقق واجزاءه عموما ابتدت تشقق فبتسرب الفريون في الناس اللي بتهتم وتغير البايظ واللي ف طريقه يبوظ كمان وفي اللامؤاخذة النتن اللي مابيصرفش علي عربيته غير لما تقف فانت لو اتشحن واشتغل كويس يبقي خير وبركه مااشتغلش كويس اعرف انه كان مهمل وماتنساش تبص ع الردياتير لو بيستخدم ميه حنفية سيبه وامشي لو مية تبريد اشتري طب ليه ؟ المرسيدس روحها ف دوره التبريد معني كده انه بيحط مية حنفية يعني رادياتير مصدي والدنيا مبهدله ع الاخر هتاخدها تتعبك وتسخن منك وبرده قبل مانسا اه بيفرق بس مش اوي للدرجه الا لو عربيتك مش مظبوطه سيبك من فرق الكماليات ايه يعني تحكم ف الكاسيت من الطارة و وحده رفع الازاز ما كله بيركب عادي انشلا حتي لو لفيات ١٢٨ المهم العربية اللي تسد معاك مش بعد شهر ولاشهرين تلاقيها شخشخت من كل حته وظهر عليها علامات الشيخوخه نرجع تاني لمسالة التكيف وشدته خليني اكون صريح معاك تكيف المرسيدس والفلوانس والاوروبي عموما مش زي الفيرنا مثلا ولكن ادائه مرضي جدا طول ماانت بعيد عن الزحمة بس كقيادة لمسافات طويله امتع من الفلوانس كتير خاصة ان السواقه ف مصر اليومين دوول بقت بالبلطجه فانت هتمشي وانت مطمن ان لو حد لمسك هو الخسران دي حديد مسلح يابا مش هزار انا معاك ان ابعاد العربيه كبيره كبوت مترين اودامك وعربية من الاخر ضخمة بس دي لو حطيتها ف جراج وطلعت مشوارك ورجعت بيها ورجعتها مكانها هتفضل ف عينك زيرو بس اهم حاجة ياتاخدها من واحد عارفه او عارف عربيته او تاخدها ع التوكيل تفحصها حته حته اه كده ٥٠٠ جنية ف الارض بس انت كده هتبقي عارف كل مسمار ف العربية اما حكاية الستاير دي ف ال sel الشاسية الطويل اللي مخادع الكنبه الخلفية فيها كهربا

اقتباس:

---

المشاركة الأصلية كتبت بواسطة ahmedalaahosny

الشكر لله ياباشا تحت امرك بص ياسيدي عشان اكون صريح معاك المقارنة دي اساسا فيها ظلم للمرسيدس بس السوق بقي وبناء عليه ان العربيتين اساسا من فئتين مختلفتين المرسيدس فئة (super luxury car‎)‎ الفلوانس فئة (compact car ) طبعا كده في فرق جامد بالنسبه للمرسيدس كونها عربية مسافات طويله ومشاوير والفلوانس كراحة وكده استحاله تبقي ف راحة عربية معموله مخصوص للمشاوير زي المرسيدس واسهل حاجة هل حسيت اصلا انك كنت علي ١٦٠ ؟ اكيد لا لان مالاقتش العربية بتتمرجح ولا اي شوية هوا يجيبوها يمين وشمال وبرده ياباشا لاحظ ان مرسيدس بتحب تدلع زبون الفئة s ع الاخر وده لغاية النهارده سواء خامات او راحة عشان كده انا رشحتهالك مافيش عربية تستحمل مشوار ١٥٠٠ كيلو رايح جاي وتوصلك مرتاح غير المرسيدس ماتنساش برده ان عمرة موتورها علي مليون كيلومتر انما الفلوانس وان كانت اثبتت نفسها ف مصر انما بعد كام مشوار بالمسافه دي هتبتدي تشخلل من كل حته دي حاجة الحاجة الثانية التكيف بص ياباشا ماتاخدش عربية فيها حاجة مش شغاله عشان ماتتعبش معاها يعني بالعربي كده التكيف عايز يتشحن طب ماتخليه يشحنه ويضيف تمن الشحن ايه يعني ٢٠٠ جنية زياده طبعا هتسالني طب ليه ؟ اقولك العربية القديمه اكيد خراطيم التكيف فيها ابتدت تشقق واجزاءه عموما ابتدت تشقق فبتسرب الفريون في الناس اللي بتهتم وتغير البايظ واللي ف طريقه يبوظ كمان وفي اللامؤاخذة النتن اللي مابيصرفش علي عربيته غير لما تقف فانت لو اتشحن واشتغل كويس يبقي خير وبركه مااشتغلش كويس اعرف انه كان مهمل وماتنساش تبص ع الردياتير لو بيستخدم ميه حنفية سيبه وامشي لو مية تبريد اشتري طب ليه ؟ المرسيدس روحها ف دوره التبريد معني كده انه بيحط مية حنفية يعني رادياتير مصدي والدنيا مبهدله ع الاخر هتاخدها تتعبك وتسخن منك وبرده قبل مانسا اه بيفرق بس مش اوي للدرجه الا لو عربيتك مش مظبوطه سيبك من فرق الكماليات ايه يعني تحكم ف الكاسيت من الطارة و وحده رفع الازاز ما كله بيركب عادي انشلا حتي لو لفيات ١٢٨ المهم العربية اللي تسد معاك مش بعد شهر ولاشهرين تلاقيها شخشخت من كل حته وظهر عليها علامات الشيخوخه نرجع تاني لمسالة التكيف وشدته خليني اكون صريح معاك تكيف المرسيدس والفلوانس والاوروبي عموما مش زي الفيرنا مثلا ولكن ادائه مرضي جدا طول ماانت بعيد عن الزحمة بس كقيادة لمسافات طويله امتع من الفلوانس كتير خاصة ان السواقه ف مصر اليومين دوول بقت بالبلطجه فانت هتمشي وانت مطمن ان لو حد لمسك هو الخسران دي حديد مسلح يابا مش هزار انا معاك ان ابعاد العربيه كبيره كبوت مترين اودامك وعربية من الاخر ضخمة بس دي لو حطيتها ف جراج وطلعت مشوارك ورجعت بيها ورجعتها مكانها هتفضل ف عينك زيرو بس اهم حاجة ياتاخدها من واحد عارفه او عارف عربيته او تاخدها ع التوكيل تفحصها حته حته اه كده ٥٠٠ جنية ف الارض بس انت كده هتبقي عارف كل مسمار ف العربية اما حكاية الستاير دي ف ال sel الشاسية الطويل اللي مخادع الكنبه الخلفية فيها كهربا

---

انت حببتني في العربية اكتر ما انا بحبها.
انا هقولك مواصفات العربية اللي انا شوفتها وانت قولي رأيك:
موديل 81 , فابريكة من الداخل و الخارج ماعادا رفرف خلفي , عداد 145,000 كيلوا , الصالون الاصلي بتاعها زيرو بحالة رائعة, الدهان الخارجي فيه بعض الخرابيش طبعا عشان مش راشة, هتحتاج 4 فرد كاوتش.
طبعا انا لسة مكشفتش بس انا اتفقت مع مركز مرسيدس محترم و لسة هروحلوا بعد ما اقرر.
وصلت معاه ل 52,000 جنيه تفتكر ده سعر مناسب ؟
معلش تاعبك معايا

لا ياباشا لاتعب ولا حاجة انا هقولك رايي وانت حر مبدايا حوار الكاوتش ده عادوي مش مشكله ٤ فرد بريدجستون ولا هانكوك ولا حتي كونتننتال مش شغلانة ونقي انضف واحده من الفرد القديمه واعملها استبن او اشتري فرده مستعمله نفس النقشه وخليها استبن كده هتبقي مطمن ان مافيش اي نداله ممكن تحصل من الكاوتش تاني حاجة حاله الدهان حكاية خرابيش دي مش مشكله ياما زيرو ف بلدك بيتخبط مش بيتخربش اول مابينزل الشارع وكده كده دهان المرسيدس محترم يعني الخربوش يادوب طير شوية بوية مش اكتر وبرده عدادها حلو مش عامله كيلو متر كتير بس الثمن مااقدرش احدده ان كان كتير ولا قليل والا ابقي ظالم ليه بقي ؟ اولا انا مااعرفش التكيف اخباره ايه يعني بعد الشحن هيسرب ولا هيشتغل كويس ( عشان كده نصحتك وقولتلك يشحنه ويشغله وبعدين تشتري ) مااعرفش كمان الكاسيت والسماعات والكماليات الرفيعه دي اخبارها ايه ( علي فكره الكاسيت بتاعها سي دي ماركه بيكر ده محترم جدا ) واخبار الرخصة ايه ؟ منتهية ولا لسة فيها قد ايه ؟ حاجات كتير اوي منها برده الاستبن والكوريك موجودين ؟ (بيجي معاها كوريك تمساح يرفعلك نص نقل بحالها ) حاجات كتير بس ده اللي حاضر في ذهني دلوقتي

اه برده المارش والبطارية والحاجات دي هل بتدور من اول مره وهي بارده ولا بتاخد وقت ؟ خلي بالك ياباشا ان الاوتوماتيك مابتتزقش وممكن تكسر الفتيس لو اتزقت لمسافه طويله عشان كده لو اشتريت مرسيدس خلي معاك كابل تاخد بيه وصله من اي عربية ( بالمناسبه بطاريتها ٨٠ امبير موجوده تحت الكنبه اللي ورا )

هي العربية بتدور علطول و هي باردة و معاها الكوريك الاصلي بتاعها اللي هو الطويل ده بس مش تمساح , و الكاسيت اللي موجود بتاع لانسر و ده مش مشكله لاني كده كده هعيروا, و موضوع التكييف و مياه الريداتير هشيك عليهم و انا بكشف عليها.
الرخصة تنتهي النهارده يعني هجدد و انقل ملكيه اول ما اشتري.
و علي فكرة هي تاني يد.

حلووووو اوى انا علي فكره اقصد الاصلي بتاعها شيك بقي عليها وخلي بالك من موضوع التكيف زي ماقولتلك ياباشا عاين العربية وافحصها ف المركز وقولي ايه الاخبار ياباشا

اقتباس:

---

المشاركة الأصلية كتبت بواسطة ahmedalaahosny

حلووووو اوى انا علي فكره اقصد الاصلي بتاعها شيك بقي عليها وخلي بالك من موضوع التكيف زي ماقولتلك ياباشا عاين العربية وافحصها ف المركز وقولي ايه الاخبار ياباشا

---

بجد متشكر قوي لأهتمامك .. انا اول ما هكشف هبلغك بالتفاصيل

على ايه ياباشا انت تؤمر اهم حاجة بقى بعد التقرير تسال عن العربية ف المرور وتتاكد ان العربية ملفها سليم وان الرخصه تمام والمخالفات وطبعا لو المخالفات فوق الالف جنيه بيتخصم من السعر والنمر مظبوطه وكله تمام ياريت برده تكتب ف العقد انك ممكن ترجعله العربية خلال اسبوع ده كضمان لو لاقدر الله ظهرلك عيب كان مخفى

اقتباس:

---

المشاركة الأصلية كتبت بواسطة ahmedalaahosny

على ايه ياباشا انت تؤمر اهم حاجة بقى بعد التقرير تسال عن العربية ف المرور وتتاكد ان العربية ملفها سليم وان الرخصه تمام والمخالفات وطبعا لو المخالفات فوق الالف جنيه بيتخصم من السعر والنمر مظبوطه وكله تمام ياريت برده تكتب ف العقد انك ممكن ترجعله العربية خلال اسبوع ده كضمان لو لاقدر الله ظهرلك عيب كان مخفى

---

بعد الكشف علي العربية طلع التقرير كالاتي:
1- الموتور متغير من 280 الي 300 الاسود و هما قالولي في المركز ان ده احسن و ان الموتور حالته كويسة.
2- هحتاج اغير كبالن و كورونا و انا سألت عليهم كان تمنهم 2800 جنيه استيراد الماني و لو هغير العفشة اللي ورا كلها هتعمل حوالي 3500 جنيه.
3- محتاجه موزع بنزين و بردوا سألت عليه تمنه 1600 جنية استيراد و ده هيفرق في استهلاك البنزين جامد عشان العربية بتاكل بنزين زياده عن الطبيعي.

يعني من الاخر لو انا غيرت الحاجات دي و معاها كمان 4 فرد كاوتش و رشتها من برا هتتكلف حوالي 10000 جنية بس هتبقي اكنها جديده.

الغريب ان الرخصة مكتوب فيها الموتور 2800 سي سي بس الموتور اللي فيها 3000 سي سي و لما سألته هو قالي انه عمل مطابق بصمة و طلع التصريح لغاية ما الملف ييجي من المرور اللي كان فيه و لو في اي مشكلة في رقم الموتور ماكنش التصريح طلع و ان الموظف بيهمة رقم الموتور اللي في البصمة يكون هو اللي في الرخصة.

فانا قولت اروح المرور القديم اسأل علي الملف بتاع العربية و اشوف اذا كان مكتوب فيه ان الموتور اتغير ولا لأ. بس ملحقتش عشان سافرت.
دبرني يا استاذ احمد... ايه رأيك في الكلام ده ؟؟؟
و علي فكرة انا نزلت السعر الي 50 و هو كمان جدد الرخصة سنه بس طلعله تصريح 6 شهور لغايه ما الملف ييجي

العداد دا حقيقى و لا ملعوب فيه

145 الف كيلو على 33 سنة يعنى 5 الاف كيلو فى السنة ازاى يغير موتور

و لا هو صفر العداد على الموتور الجديد و فى الحالة دى عمر العربية الحقيقى قبل التصفير كام ؟؟؟

انا قريت فى المنتدى ان الجديد بيلعبو فى عداده فما بالك من القديم

اقتباس:

---

المشاركة الأصلية كتبت بواسطة م أحمد

العداد دا حقيقى و لا ملعوب فيه

145 الف كيلو على 33 سنة يعنى 5 الاف كيلو فى السنة ازاى يغير موتور

و لا هو صفر العداد على الموتور الجديد و فى الحالة دى عمر العربية الحقيقى قبل التصفير كام ؟؟؟

انا قريت فى المنتدى ان الجديد بيلعبو فى عداده فما بالك من القديم

---

انا لما لقيت ان الموتور متغير مفكرتش في النقطه دي بصراحة كان اللي يهمني ساعتها حاله الموتور اللي فيها و في الكشف قالولي انه كويس

معلش ياباشا ع التاخير سامحنى بس والله كنت مشغول جدا اسمع ياسيدى هو حكايه الموتور متغير دى مش مشكله عادى اهم حاجه تكون حالته حلوة والزيت يبقى فيه لون الدهب وريحته مش محروقه واهم حاجه ان ورق الموتور يكون جاى تمام ان مكنش الراجل اثبت المتور الجديد ع الرخصه بس معلش سؤال كده هو سيادتك محتاج 3000 سى سى ف ايه احنا زمان كانت معانا 230 ودى 2300 سى سى وكانا بتطلع فرك فبتهيالى اوفر حبتين ال 3000 سى سى ضريبه عاليه واستهلاك عالى سيبك من انها انجكشن برده استهلاكها عالى واكيد مش هتحطلها 80 دى محتاجه 92 انا شايف لو طريقك مافيهوش زحمه يبقى ماشى انما غير كده يبقى حرام خاصه ان سيادتك هتحس بفرق ف البنزين جامد الكليسا اصلا استهلاكها ف البنزين لا شئ اودام دى نرجع لموضوعنا العداد مش مشكله قد ماحاله العربيه اهم
السؤال هنا دى اوتوماتيك ولا مانيول ؟ بالنسبه للسعر فهو كويس لو العربية زيرو مافيهاش خربوش ولا مصروف غير ال10 الاف دوول غير كده يبقى تنزل شويه

اقتباس:

---

المشاركة الأصلية كتبت بواسطة ahmedalaahosny

معلش ياباشا ع التاخير سامحنى بس والله كنت مشغول جدا اسمع ياسيدى هو حكايه الموتور متغير دى مش مشكله عادى اهم حاجه تكون حالته حلوة والزيت يبقى فيه لون الدهب وريحته مش محروقه واهم حاجه ان ورق الموتور يكون جاى تمام ان مكنش الراجل اثبت المتور الجديد ع الرخصه بس معلش سؤال كده هو سيادتك محتاج 3000 سى سى ف ايه احنا زمان كانت معانا 230 ودى 2300 سى سى وكانا بتطلع فرك فبتهيالى اوفر حبتين ال 3000 سى سى ضريبه عاليه واستهلاك عالى سيبك من انها انجكشن برده استهلاكها عالى واكيد مش هتحطلها 80 دى محتاجه 92 انا شايف لو طريقك مافيهوش زحمه يبقى ماشى انما غير كده يبقى حرام خاصه ان سيادتك هتحس بفرق ف البنزين جامد الكليسا اصلا استهلاكها ف البنزين لا شئ اودام دى نرجع لموضوعنا العداد مش مشكله قد ماحاله العربيه اهم
السؤال هنا دى اوتوماتيك ولا مانيول ؟ بالنسبه للسعر فهو كويس لو العربية زيرو مافيهاش خربوش ولا مصروف غير ال10 الاف دوول غير كده يبقى تنزل شويه

---

يا باشا تأخير ايه ده كفاية اهتمامك
العربية se مش معدل و الموتور اتغير من 2800 الي 3000 فالفرق مش كبير مع العلم نهم قالولي ان الموتور ال 3000 الاسود ده احسن كتير من 2800 و اللي عرفته بردوا ان لما موزع البنزين يتغير هيبقي متوسط الاستهلاك 150 كيلو في الصفيحه علي الاقل و انا جايبها عشان السفر و المشاوير الطويله.
بالنسبة لحالة العربية بصراحة الصالون نظيف جدا و الحالة العامه كويسه هي اوتوماتيك - 4 زجاج كهرباء - سنتر- مرايا كهرباء - وحدات رفع - تحكم في ارتفاع الاضاءه الامامية - تكييف.

في حاجه كمان محيراني كنت عايز اسألك عليها يا استاذ احمد ..
انا لما ركبت مرسيدس w123 معدل مع واحد صاحبي حسيتها ناعمة جدا جدا في المطبات و لما بمشي في حتت مكسرة مبحسش باي حاجه
الحاجه اللي لاحظتها لما ركبت w126 ان عفشتها كانت ناشفة حبتين فا انا مش عارف هل ده مثلا طبيعي ولا لما اغير الكورونا والكبالن هتبقي ناعمه ولا الموضوع ليه علاقة بالمساعدين لان صاحبها قالي ان المساعدين اللي فيها هيدرولك الاصلي بتوعها ودول بيخلوا العربية متوطاش حتي لو محمله عدد ؟؟؟؟

معلش اسف الامور اختلطت على بعضها اعزرنى طالما ف ال w126 دوول يادوب يكفوها دى ماشاء الله قطر
مبدايا سعرها حلو جدا كده لو حالتها زى ماحضرتك ذكرت
ثانيا انا شايف انه غلط تحكم على عربية محتاجه مصاريف ف العفشه وتقارنها بعربية حاله عفشتها الى حد كبير كويسه والله اعلم بحيث ان لو فى مسمار ف العفشه مش مربوط حلو هتحس انك مش مرتاح ف الطريق مابالك بان فيها مصروف وعامة احب اطمن سيادتك ان مرسيدس عمرها ماعملت عربية ناشفه ف عافشتها حتى ال glk ال 4×4 فاطمن وبالاخص الفئه s دى قمه الراحه استحاله تكون عافشتها ناشفه الا لو كانت مش مظبوطه وبالاخص انا اقصد الجزء بتاع ان المساعدين ف الضياع والكبالن فاكيد هو ده مربط الفرس