مبروك ومنتظرين ملاحظاتك لاننا ناويين نشترى نفس النوع
ياريت اللى اشترى قريب يا جماعة يقولنا الاسعار ايه الايامدى وبالذات لل 1 كيلو اللى بيشتغل اوتوماتيك لما الكهربا تقطع
ups ده اختراع والله ومريح جدا
انا كنت قريت الموضوع ده قبل كده وفكرت فيه بس مهتمتش قوى بالصدفه قاعد مع واحد صاحبى امبارح
لقيته بيقولى ان معاه توكيل يوبى اس هندى بقول له لو حلو انا عايز واحد لقيته طلع التليفون واتصل بالمكتب
وقال ساعه ويكون راكب طب بكام طيب النظام او البطاريه سابنى ومشى وقال هقابلك بعدين (ابن اللذينه )
المهم اضطريت اروح البيت لقيت مهندس (بيقولى انت مطوسى عليك جامد) فاكك لوحه المفاتيح الموجوده فى الشقه وبيفصل الاحمال
فصل المطبخ والمكيفات خلاهم لوحدهم وحمل الباقى على اليوبى اس بجد جهاز رائع
هو اسمه لومينوس هندى Luminous 900 KVA EECO WATT Inverter
ومعاه بطاريه 150 امبير وترابيزه شكلها شيك البطاريه جواها والجهاز فوقيها وبمجرد مالنور يقطع محسش اصلا بفصل التيار
شغلت عليه 2 شاشه ومروحه 30 بوصه ومروحه مكتب وحوالى 12 لمبه موفره وكمبيوتر كل ده للتجربه مش اكتر لكن فيه تلفزيون عادى 29 بوصه قالى ده هيوقع الجهاز شغلته فعلا الجهاز عمل صفاره كبيره وفصل
وبجد ولا دوشه وازعاج مولد الكهرباء ولا شراء بنزين وزيت
وطبعا السعر لسه معرفش اى حاجه عن سعره
بس حبيت انقل التجربه لاننا كلنا بنعانى من السواد بتاع قطع الكهرباء وبالذات الاطفال الصغيره كرهت حياتها والاجمل ان المراوح بتوكن شغاله ومفيش اى احساس بالانقطاع نهائى
والله انا استفدت من صاحب الموضوع واشتريت جهاز سوكام وبطارية كورى 100 امبير من نفس الشركة
طبعا كان فى شركة انا اول واحد عرفتها فى المنتدى وحطيت لينك لصفحتة على الفيس بس للاسف بعد ما كان بيبيع الليمونس 1350 وصلة 1900 وده كتير جدا يغلى 550 جنية فى الجهاز بعد ما الناس عرفتة
وطبعا بيبيع معاه بطارية مستعملة فرنسى 170امبير كانت بتوصل 1700جنية انتاج سنة 2013 ودى اعتقد كويسة بس برضوا البطارية بعدد مرات الاستعمال يعنى ممكن اللى استعملها يكون استعملها عدد مرات كتير فى فترة قليله
وللامانة انا شفت فيديو بيوضح الفرق بيين اجهزة الانفرتير مكان فى جهاز بيتفوق على السوكام والليمونس
بس احساسى الشخصى الليمونس بيتفوق حاجة بسيطة على السوكام
وطبعا الجهاز لا يقارن بالمولد البنزين
الجهاز انضف واخف ونقلة اسهل بلا عادم وبدراسة جدوى اعتقد تمن الجهاز بعد سنتين اوفر من المولد بمقارنة اسعار الكهربا والبنزين
يا جماعة الانفرتر احسن مليون مرة من المولد علشان سبب واحد بس وهو:
ازاي تقدر تجيب بنزين من البنزينة في جركن،،، اللي عندهم مولد عارفين كويس حجم المشكلة دي
فعلا انا كمان استفدت جدا من الموضوع ده بالذات بس مشكلتى انى مكنتش فاكر اسماء ماركات
اللى افتكرته انه يكون كهرباء آمنه واصلا انا ملحقتش اكمل كلامى ولا استفهم عن اى حاجه
كان هو عمل مكالمه والموضوع انتهى وعرفت ماركه الانفيرتر لما روحت وهو معاه بطاريه 150 امبير كورى تقريبا ماركه استون ومعاها ضمان فى كرتونتها غير ضمان الجهاز سنه والبطاريه تقريبا 6 شهور
بس لى استفسار لو حبيت الغيه يعنى اكون مسافر -- لان انا شايف انه طلع لى سلوك من لوحه مفاتيح الشقه مجمع عليها الاحمال المناسبه للجهاز بحيث يشتغل فورى مع الانقطاع وفعلا الكهرباء قطعت مرتين النهارده ومحستش بيها غير بصفاره البدايه وبتركب السلوك فى فيشه بالجهاز
عادى لو لغيته ووقفته ولا فيه مشكله
تجارب ممتازة و الف شكر لكل المشاركين اللى نقلوا لنا هذه التجارب
يا ترى اسعار الـ ليومونس 900 الان ايه هو و البطارية؟؟؟؟
طب هل ممكن الانفيرتر قدرة 900 فولت يشغل موتور مياه قدرة 1.5 حصان ؟؟
سؤال للاخوة الافاضل
منذ عام اشترين انفرتر من السعوديه قدره 2000 وات حمل مستمر و 4000 وات حمل اقصي لمده 20 ثانيه
لم اكن ادري عن موضوع المديفايد او البيور ساين ويف
و لكن و انا باشتريه البائع جربه علي شنيور 700 وات و لمبه 200 وات
و بعدها انا جربته في السياره و شغلت عليه مكنسه 1400 وات لمدة 15 دقيقه و سشوار للشعر 1500 وات لمده 30 دقيقه (كنت باصلح او باستعدل خبطة في اكصطدام السياره البلاستيك)
فهل كده يكون الانفرتر من النوع البيور ام لا
و للعلم انا شاريه بما يوازي 1500 جنيه
و لو حبيت اشتريله بطاريه ديب سايكل جديده 200 امبير - اين يمكن الحصول عليها بسعر جيد و تكون مضمونه
و هل توجد مفاتيح اوتوماتيك لتشغيله عند انقطاع الكهربا ats , و لا افضل اني اشغله يدوي
أهلا بك
برجاء شرح العنوان بالتفاصيل حتي يمكنني الذهاب اليه
علماً بأن ارقام الهواتف لا تعمل .
أيضاً هل يحتاج الي مهندس او فني لتركيب ؟
علماً أيضاً أنني لا أحتاجه سوي لتشغيل ديسك توب بـ شاشة 24 ب.ص
ولاب توب ورتور
تحياتي .
بسم الله مشاء الله على الموضوع الجيد وبه كل الاسئله والاجابه .. بعد اذن الاداره والمسئولين
يشرفنى ان اشارك بهذا الجهاز https://www.facebook.com/pages/%D9%8...?ref=bookmarks
واحب ان اقول انى اول من صنع الجهاز بمصر واول من انتجه فى علبه خشب واول من انتجه بعلبه صاج منذ حوالى عامان واول من عمله اتوماتيك ويتحكم بالشقه بالكامل فى الاحمال الثقيله والفصل عنها اثناء انقطاع التيار الكهربائى مثل الثلاجه والمكيف والغساله والسخان وخلافه وتشغيل الاحمال الخفيفه مثل النور والتليفزيون والمراوح وخلاط المطبخ العادى وجميع الاجهزه الطبيه مثل السونار والمناظير والعمليات وخلافه .
وجميع اجهزتى بداخلها بطاريه عربيه جافه 70 امبير و80 و90 ولى اكثر من ثلاث اعوام على هذا الحال ونسبة تلف البطاريات 1 او 2 بالميه يعنى البطاريات شغاله بنسبة ميه بالميه اهم حاجه يكون الشحن قائم بعمله لان المشاكل كلها التى قابلتنى بسبب الشاحن فقط وتغلبنا عليها والحمدلله والان لا يوجد مشاكل والحمدلله لان الجميع فهم الاموضوع ..
يتبقى السعر و السعر والحمدلله مناسب جدا وقليل كثير عن الاجهزه الموجوده بالسوق ويكفى ان هذا الجهاز مصرى والحمد لله
ولكم الاسعار
الجهاز الاول 700 وات ببطاريه 70 امبير بالتركيب اتوماتيك مع ضمان سنه ب 1700 جنيه ويستطيع هذا الجهاز ان يشغل التليفزيون الكبير 135 وات والرسيفر 40 وات والمروحه 80 وات واربع لمبات او خمسه هذا كله لمدة ساعتان ..
ولو ببطاريه 80 او 90 يكون المده اطول والزياده فقط 50 جنيه يعنى 1750 وهذا الجهاز يكفى شقه....
والجهاز الثانى من حيث القوة فى الخرج والمده حيث يخرج 1000وات وبداخله عدد 2 بطاريه فئة 70 امبير
وسعره ببطاريه وحده 2350 وسعره ب2 بطاريه 2850 وممكن تشغيل الشنيور وماتور المياه اقل من واحد حصان..
والجهاز الثالث1500وات بنفس مواصفات الجهاز الثانى ويزيد سعره 200 جنيه فقط..
اما الجهاز الرابع العملاق فهوه 3000 وات ويسع بداخله 3 بطاريات فئة 90 امبير يكفى لعماره ستة شقه
وسعره بدون البطاريات 3100 جنيه وبالبطاريات الثلاثه 90 امبير جافه 4850 جنيه مع التركيب والتعامل مع جميع الشقق عن طريق سكينة فصل و تحويل .
مع الضمان لمدة عام كامل على جميع الاجهزه والبطاريات.
وجميع الاجهزه المزكوره لا تشغل الثلاجه وما يعادلها حيث ان الموجه مربعه وليست موجه جيبيه كامله بيور .
................
اما الاجهزه التى تشغل الثلاجه والتكيف فلا تقل عن 5000 وات وتكون بيور يعنى موجه كامله .
والسعر 9500 جنيه مع التركيب وبدون بطاريات
فتحديد البطاريات يكون حسب الاجهزه المراد تشغيلها والمده المطلوبه وبناء عليه نحدد كام بطاريه ..
وانا تحت امركم فى اى استفسار. 01008102054 فوزى النجار