السلام عليكم يا رجالة
وكل عام وحضراتكم بخير
عايز اشتري عربية مستعكلة ومحتار مابين فولكس جيتا و باسات من بعد 2006وهوندا سيفيك 2007 2008
عايز حضراتكم تساعدوني من حيث مين الافضل من ناحية السعر عند البيع مرة اخرة Resale value
و تكلفة اصلاح والصيانة running cost
والاهم من كده رنج الاسعار وانا بشتري في حدود كام
السيفيك طبعا
ليه السيفيك مش الباسات ؟؟؟
سيفيك وانت مغمض
معلش يا رجالة ليه السيفيك
يعني ممكن تقولولي الاسباب
وكمان متنسوش تعرفوني 2007 ولا 2008 و رنج السعر
الاكثر ملائمه للطرق المصريه هيه الباسات
عايز تعرف يعني ايه فرامل اركب باسات
عايز تعرف يعني ايه ثباتتتتتتت اركب باسات
يعيبها نسارع بطئ حتي سرعه 80 كم واحتياجها ااي بنزين 95 لاعلي اداء
Sent from my SM-N900 using Forum Runner
يا اخويا العزيز اشكرك علي الرد
لكن 95 لأ لأ لأ :)
وبكده تبقي باسات طلعت برة السباق بتاعنا :)
انا لو منك اصبر شويه واجى على نفسى واغير حساباتى كلها واجيب بيجو 508 ولاتقولى بقى باسات ولاسيفك ومن جميع النواحى ركوبه فخامه وشياكه قطع غيار حلوة ومتوفرة و بنزين 92 ماشى عاوز تضرب بى ام ومرسيدس حط 95 يعنى ب اختصار كده ماشى وكده ماشى وعلشان تفكر تغير وتفكر فى عربيه تانيه ابقى قابلنى بعد 15 سنه ؟ اما تقولى بقى باسات وبطىء تسارع وبنزين 95 وقطع غيار نار واعاده بيع بخسارة طبعاا ما انصحكش ؟ السيفك جميله جداا بس ضيقه جداا من الداخل وقطع غيار نااااااااااااااااار وواطيه عن الارض جدااا وعموماا بقت قديمه البيجو يكسسسسسسسسسسسسسسسسسب
ياصديقي العزيز الميزانية من 80.000 الي 100.000 و بيجو 508 دونت ميكس :)
>>>>>>
والله انا الفولكس والهوندا عاجبني
بس اللي معرفوش هو مين فيهم صيانتها واصلاحها ارخص؟
ومين اللي قطع غيارها متوافرة اكتر ؟
و مين اللي بتحتفظ بسعرها أكثر عند البيع؟
ده غير بقي رنج الاسعار مش قادر افهمه خالص !!
واحد يقول سعر والتاني يزود 20 علي السعر
محتاج اعرف الاسعار كام
فولكس جيتا طبعا ... كفايه صاجها
السيفك واطيه جدا ... واكتر عربيات السيفك اللي بشوفها بيكون الرفرف من تحت ضايع
الجيتا برضو بتحك بس احسن من السيفك
لو سمحت يا صديقي
عايز اعرف اسعار الجيتا 2006 2007 كام
و تقيلة في عند بيعها ولا لأ
و صيانتها غالية ولا لأ؟
وتوافر قطع الغيار ؟
اقتباس:
المشاركة الأصلية كتبت بواسطة ahmad mb amg
2006 حالة كويّسة وكيلومتر قليل وصياناتها في التوكيل: من 80 ل 85 الف.
مش تقيلة في البيع لان الموديل ده بالذات مفيهوش مشاكل الفتيس المعروفة عن الجيتا والناس بتدوّر عليه.
بالنسبة للصيانة لو في التوكيل هتبقى غالية, لكن العربية ليها مراكز صيانة متخصصة برّه كتير ف مش هتغلب ان شاء الله.
يارب شكرا يا صديقي
جزاكم الله كل خير