الموضوع: .::لكل ملاك امبريزا 2008 مانوال - Manual T. - عامل معاكو ايه الفتيس ؟؟؟

انا كل شويه باعمل مقارنة بينها و بين 2005 .. الجديدة رغم ان شكلها من الأمام عادى على الطريق
لكن يمكن حجم العربية هو اللى فعلا ضخم .. أكبر من 2005 و 2007 خاصة الطول .
-
لكن من جوه فعلا سوبارو تفوقت على نفسها .. وتقدر تقول ان العربية فيها سنة فخامة فعلا
يمكن المساحة فى الكراسى الأمامية أضيق ( من الأجناب ) لان تقفيل الباب عريض حبتين عن 2005
والكونسول الاوسط عريض وكمان فرامل اليد جنب الفتيس .. بحس انها لازقة فى رجلى ..
-
لكن فعلا وضعية القيادة أحسن من 2005 ...
-
الفتيس أول ما سوقته ما كانش عايز يجيب مارشيدير :( وقعدت احاول و أعافر لحد ما جبت أول مارشيدير :( .. قالوا فى التوكيل ان العربية لسه فى الأول بتبقى كده . وفعلا كل مرة أسهل فى المارشيدير من اللى قبلها .. لكن لسه مش 100% برضه فى تعشيق المارشيدير .. واضح انهم معرفوش يعدلو المشكلة دى من 2005 :( ..
-
لكن عموما فرق الأداء مش بالكبير قوى عن 2005 .. لكن صوتها أهدى كمان عن 2005
وحاسس ان العفشة راسية على الطريق .. يمكن علشان لسه جديدة ..
-
لكن الموكد ان الفرق الأكبر بينها وبين 2005 هو العربية من جوه ..
-
-
-الله يبارك فيكم جميعا .. وفعلا Ahmad Hassan الحمدلله جبت نفس اللون بتاعك .. ولاخاب من استشار :)

ربنا يباركلك فيها يا رب
ان شاء الله مش هتندم

الف مبروك يا احمد باشا,
ربنا يحفظهالك و يحفظك
اقرأ المعوذتين كل يوم وانت نازل بيها ان شاء الله
انت كده نفس اللون بتاعي انا كمان بس انا 2007

والله العربية الامبريزا بكل موديلاتها ملفتة للنظر والعيون :( وكل مرة بروح لصيانة بلاقى ناس
معاها العربية لسه زيرو و اتخبطت وهى واقفة وكده و كله بيقول العين العين والحسد ..
-
ربنا يسترها معانا كلنا فى المنتدى يارب ويبعد عنا الحسد .. والله من الحاجات اللى عجبتنى فى الامبريزا الجديدة ان شكلها مش مبالغ فيه من بره ..زى 2005 و 2007 ..وأتأكدت من ده النهاردة وأنا برخص .. واحد بيقول اللى معاه دى اللانسر الجديدة ؟!؟! قالوه لأ دى الالنترا 2009 :)
-
وربنا يبارك فيكم جميعا .. وبجد بقى لازم نتقابل فى يوم ..

المشاركة الأصلية كتبت بواسطة ahmad7610

..وأتأكدت من ده النهاردة وأنا برخص .. واحد بيقول اللى معاه دى اللانسر الجديدة ؟!؟! قالوه لأ دى الالنترا 2009 :)
-
..

وانا برخص برضه جه واحد قاللي ايه دي و سال عنها و كده

و من كام يوم والله جه واحد اعرفه اول مره يشوف العربيه و سألني سؤال غريب قوي,
قاللي هو انهي احسن ( الفيرنا ولا السوبارو؟؟ ) هو معاه فيرنا,,
فقولتلوا هو بصراحه المقارنه صعبه عشان دي فئه و دي فئه...

فقاللي ( اه اه منا عارف طبعا ان في فرق بين الكوري و الصيني!!!! ):D:D:D:D

المشاركة الأصلية كتبت بواسطة mosso

وانا برخص برضه جه واحد قاللي ايه دي و سال عنها و كده

و من كام يوم والله جه واحد اعرفه اول مره يشوف العربيه و سألني سؤال غريب قوي,
قاللي هو انهي احسن ( الفيرنا ولا السوبارو؟؟ ) هو معاه فيرنا,,
فقولتلوا هو بصراحه المقارنه صعبه عشان دي فئه و دي فئه...

فقاللي ( اه اه منا عارف طبعا ان في فرق بين الكوري و الصيني!!!! ):D:D:D:D

عادي.. انا فيه ناس كتير شايفه انها صيني... و ناس تانيه بتفهم شايفه انها الماني.. ده غير واحد صاحبي الوحيد اللي عارف انها (أمريكاني) :)

عشان كده بقه,
عرفتوا ليه الموقع بتاعها subaruglobal.com مش subarujapan.com,,,
عشان هي عربيه multinational :D:D:D

المشاركة الأصلية كتبت بواسطة Ahmed Hassan

عادي.. انا فيه ناس كتير شايفه انها صيني... و ناس تانيه بتفهم شايفه انها الماني.. ده غير واحد صاحبي الوحيد اللي عارف انها (أمريكاني) :)

-
فعلا اللى كان بيرفع البصمة بص فى الموتور .. وقعد يقر :( ويقوللى دى فيها 2 مروحة . دى موتورها ألمانى صح !؟
واللى جه يكتب فى الورق كتب سوبارو إبيزا :( وصلحناها فى اخر لحظة ...
-
عمار سوبارو ..:)