ســــ z2 ـــــــونى .. عندما تعشق الجمال
السلام عليكم ورحمة الله وبركاتة
http://nileup.com/up/uploads/nilemotors_14051299811.jpg
: تحذيـــــــــــــــر : الموضوع طوووووووووويل حبتين !!
http://nileup.com/up/uploads/nilemotors_14051299812.jpg
_ فهرس الموضوع _
+ فى رثاء الـــــ N8 . + ذكريات نوكياوية حزينة . + اندرويد ومستقبل مشرق . + لمحة سريعة عن Z2 . + انبوكسينج و انطبـــــاع مبدئى . _>5<_ نبدء على بركة الله _>5< _
+ فى رثاء الـــــ N8 . http://nileup.com/up/uploads/nilemotors_14051299813.jpg - صورة للمرحوم فى اخر أيامة -
بعد مرور 1288 يومــــــــا *من الاستخدام الشـــــاق والغير ادمى* اقدر اقــــــول وبكل فخـــــــر أن الـــ N8 ــــ عدة * حمارة شغـــــل * وحتى يومنــــا هذا مازالت شغالة * الحمدلله * وبدون خربوش واحد _فابريكـة_ بس البطارية أوشكت على النفاذ !! _كتر خيرها_ وشكــــــــــــــر خاص لملاكى الــ N8 ـــ الأوائل اللى كانوا بيمدونــا بالسوفت وير والبرامـــج والالعــــاب أول بأول وعلى راسهــم : ashouhdy & Ralliart _ الله يجزيهم كل خير _ ويارب يكونوا بخير بقالى فترة مش بشوفهم ع منتدى زى الأول .
=$= للبيع لأعلى سعر والوسطاء يمتنعون ! =$= موبيل نوكيا ** N8 ** اصلى وحالة نادرة دواخل وخوارج فابريكة ** بحالة المصنع ** ومضربش فية مسمار واستخدام دكتور جراحة وباكياسة وجميع مشتملاتة وفوقية جراب اصلى . =$= كنت بجرب دخلة اعلانية دة لو موبيل متباعش والموبيل اخويا اخدة =$=
+ ذكريات نوكياوية حزينة . http://nileup.com/up/uploads/nilemotors_14051299814.jpg
أول موبيل ليـــا كان 5210 – 6020 – 6600 – 3230 – N70 – N82 – N8 ( وكنت اول مالك ليهم وعلى اياميها كانت موبيلات كلها انبهارات ) يعنى نوكيــــــــــــاوى صميم أباً عن جدّ :D
+ اندرويد ومستقبل مشرق . http://nileup.com/up/uploads/nilemotors_14051299815.jpg
وبعد العشـــــــرة الطويلة دية قررت انقل للأندرويــــد أو ioS وكفاية كدة نوكيـــــا * طالما مش ناويين يطوروا نفسهم * وكل اهتمامهم بالكـــــاميرا فقط دة غير انهم متأخرين حبة فى موضوع السوفت وير *ويندوز فون* ولسة قدامهم شووية عقبال مايبدءوا يستحوذوا ع سوق زى زمان !! .. بدأت لف وبحث عن افضل موبيل (( كـــ هارد & سوفت وير )) فى الماركت ويكون اندرويد أو ioS المهم أنا مش حابب السامسونـــــج * الصراحة * فمكنش قدامى غير سونــــــى _Z_ وايفون _5_ و اتش تى سى _One_ ,, المهم أنا ميــــال اكتر للسونى و نزل تحفة سونى اكسبريـــــا زد وكان معاية فلوســـــة بس لقيت اللى بيقول بطاريتة ضعيفة واللى يقول فيـــــو انجل واللى يقولك صووتـــة ضعيف وشووية ولقيت فودافون عاملة علية عرض ومعاة _ سونى سمارت واتش _ *اغراءات ايفرى ويــر* وبعدين افتكرت عيوبة فقولت استنى شووية مش مشكلة يمكن يحلوا المشاكل دية فى الاصدارات اللى بعدة ,, استنيت والفلوس اتصرفت :3 _**لأنى ماشى بمبدء اصرف مافى الجيب يأتيك مافى الغيب ** _
نزل Z1 وبعديها بــــ 3 شهور أعلنت سونى عن جهازها الجديد Z1 S !! طبعا المفرووض يكونوا عدلوا المشاكل اللى موجودة فى Z1 ولكان لا حياة لمن تنادى كل اللى ربنا قدرهم علية كالأتى : http://nileup.com/up/uploads/nilemotors_14051299816.jpg
_ تقليل حجم الجهاز من 170 G الى 162 G . _ تكبير حجم الذاكرة الداخلية من 16 GB الى 32 GB . _ تغيير اللوجو الخلفى من Sony الى Xperia . _ والجهاز نـــــازل حصرى للــــــ T-Mobile ــــــ .
_ باقى المواصغات كما هية بس يتقوق الــ Z1 ـــ عن الــ Z1S ـــ فى ترددات الــ 4G ــــ أعلى .** تعديلات فطسانة ! بس اتوقع أنهم ميقدروش ينزلوا التعديلات بالسرعة دية علشان ميحرقوش الــــ Z1 ـــــ
وفقولت مبدهاش واستنى نزوول الـــــ Z2 ! مع أنى كنت مقلق من سعرة المهم الجهاز نزل وقولت ع بركة بس تراجعت للأسف لأن أول دفعة بتنزل بيكون وارد فيها بعض المشاكل وطبعا بيتفادوها فى النسخ اللى بعدها واستنيت وماشاء الله أول دفعة نزلت واتشفتت وتانى دفعة نزلت بعديها بشهر ونص !! .. ماشاء الله على سونى مش بتضيع وقت فى اقل من 6 شهور بتنزل موبيل جديد !! وأنا بشترى شوفت صور مسربة للـــ Z3 ع Xperia BloG وكنت * هتنقط الصراحة بس قوولت مبدهاش ومش هستنى تانى * شايفها * سياسة فاشلة *
واخيـــــرا رسيت على Z2 .... http://nileup.com/up/uploads/nilemotors_14051299817.jpg
+ لمحة سريعة عن Z2 .يتيح لنا تاريخ Walkman فهم احتياجاتك الصوتية أكثر من أي شخص آخر. ولا توجدطريقة مع تقنيات Clear Audio – مثلClear Stereo وClear Bass وClear Phase –اكتشف مهندسو الصوت في Sony كيفية تقليل التشويش، واستعادة التوازن والوضوح فى الموسيقى الخاصة بك. يعمل هاتف أندرويد الذكي لديك على استخدام إعدادات أفضل جودة صوت ممكنة. لذا، ستستمتع حقًا بسماع صوت في المنتهى الوضوح، والدقة..
شغّل الألعاب على هاتفك PlayStation®Certified http://nileup.com/up/uploads/nilemotors_14051311911.jpg صوت استريو لا يصدق، تحقق من ذلك. ورسوم ثلاثية الأبعاد خلابة، إنها نعم ذلك بالفعل. دعم أكثر من لاعب، إنه لأمر مؤكد. مع أفضل هاتف ذكي، ستحصل على أفضل تجربة تشغيل لعب يمكن تصورها
يتمتع بمتانة كاملة IP55/IP58 http://nileup.com/up/uploads/nilemotors_14051311912.jpg
مع هاتف Xperia Z2 المقاوم للماء، يمكنك التقاط الصور بأفضل كاميرا جوال أثناء السباحة في الماء العذب لمدة تصل إلى 30 دقيقة.
+ انبوكسينج و انطبـــــاع مبدئى . http://nileup.com/up/uploads/nilemotors_14051311913.jpg
طبعا انطباع مبدئى وتجريبى برضة لأنى لسة بستكشفة وبنسبالى أول طلعة للأندرويد ,, للوهلة الأولى مسكت والنظر للجهاز بتخطف الانفاس كالعادة سونى ابدعت ,, وبالنسبة للخامات فلا حدث ولاحرج ,, الإطار مصنوع قطعة واحدة من الألومنيوم والجانبين الامامى والخلفى من الزجاج المقاوم للخدش والكسر (( دراجون تريل )). http://nileup.com/up/uploads/nilemotors_14051311914.jpg
وسرعة فى التصفح والالعاب والبرامج بدون تهنيج ولا بطء عن الاداء اتحدث ياسادة ! ولو هقارنـــــة بالــ N8 ــــ هتبقى مقارنـــة ظالمة بس نقدر نقــــول اكنــــى كنت راكب MD Coupe GDi 148 Hp ومرة واحدة ربنا كرمنـــى بــــ RS7 560 Hp (اوعدنى يارب) .
وطبعا عيوبة ( مفيش حاجة كاملة والكمال *لله* وحدة )
الواجهة الامامية / الخلفية (الزجاج) :
شاكك الصراحة أنهم يتجرحوا او يتخدشوا بمرور الوقت _ وبالتالى هيحتاج عناية واهتمام فائق _ ولازملة جراب وسكرين بروتكتور .
ضد الماء العذب فقط ! طبعـــا الموبيل ضد المية وتقدر تستخدمة تحت المية لمسافة 1:50 متر ولمدة 30 دقيقة طبعا ميزة حلوة ودائما الحلو ميكملش متقدرش تستخدمة فى البحر ! :/ يعنى (حمام السباحة أو البانيـــــو) _ ايهمـــــا اقرب وأغوط ؟! _
سخونية عالية عند تصوير فيديو 4k *Ultra HD* لمدة طويلة : (( 2160*3840 )) حركة غبية من سونى كان مفروض يعلوا البروسيسور ويزودوا كرت الميمورى الخارجى أو يبقوا محددين مدة التصوير لتفادى المشكلة وطبعا حلها تزود كارت الميمورى ومتصورش فترة طويلة بـــ4K والجهاز بيدعم كروت خارجية لغاية 128 GB . وعلى قد أن تصويرها تحفة على قد أن تصوير كليب لمدة 3 دقائق سوف يكلفك 1 GB من كارتك الميمورى !! عمــــــر البطارية : قعدت يوم واحد بالعافية وملعبتش علية ولا مرة يدوبك كام فيديو ع فيس بوك و واتس أب وتصوير ثابت وفيديو ع كام ابديت ودعبست فية شووية ودمتم ! مع العلم أنى مقلل اضاءة الشاشة للاخر ومشغلة ع وضع ستامينا !
- مش عارف البطارية بايظة ولا هية كل السمارت فون كدة ؟! -
ولو ظهر حاجة تانى هتابع معاكوا فى الموضوع دهوة !
الغزالى أحب اشكــــــر ابن ولد الحج غزالى عين أعيان نزلة القناطر الخيريـــة . - هريتــــــة استفسارات واسئلة عن الــ Z1 -
ahmedmohamed7 وخالص تحيـــــانى وتشكوراتى للــ أحمد بية كنت بسئلة عن الفاتورة الضريبية وأماكن بيع الدولـــى والراجل ماقصر , أدانى اسم المحل وعنوانة ورقم موبيلة وكان ناقص يقولى لابسين يونى فورم أى ف المحـــــل .
سؤال بقى هنـــــا ! هل فية برامج بتقلل وبتحافظ ع اداء البطارية ؟ هل فية برامج بتقيس درجة حرارة الجهاز ؟ يأريت اسمع ارائكـــوا لأنى أول مرة اشيل اندرويد والوسوســة اشتغلت عندى من موضوع البطارية دة !:fdsa:
فى انتظار تعليقاتكم ولو فية أى استفسار أنا موجــــــــود ! الأعضاء الافاضل اللى بتشاهد الموضوع وتمشى اتبرع بالايكاية ولا كومنتاية .. قبل مانهى يأريت تلمولى من بعضكوا وتجبولى جراب وسكرين بروتكتور *ينوبكوا ثواب* _جميع الحقوق محفوظة_ http://nileup.com/up/uploads/nilemotors_14051311915.jpg
فى رعاية الله .
