الموضوع: سوناتا 2015 هتتوفر بمحرك 1.6 تيربو

المشاركة الأصلية كتبت بواسطة lanos2004

ضربه معلم

كله دلوقتي بيبص علي التوفير

المشاركة الأصلية كتبت بواسطة Hosam_Optrawy

لا ياكبير

دا من مميزات مواتير الهيونداى التربو انها شغاله عادى مع 92 بدون اى مشاكل لا تسقيف ولا غيره , بس مابتاخدش كامل قوة الموتور طبعا

الكلام دا في الموتور ال 2000 بتاع الجينيسيس كوبيه والسوناتا 2011-2014 , وال 1600 اللى نزل في الفيلوستر من سنه او سنتين وفى الغالب السوناتا الجديده هتبقى نفس الموتور

أخيرا انا ماتوقعش نشوفها في مصر لأن لحد دلوقتى ال 1600 تربو هاتبقى حصريا لأمريكا وبتتقفل هناك

انا علي حد علمي العكس
ان المواتير التيربو عندهم لازم لها ال 95 و ده سبب عدم نزول المحركات دي مصر
و السيراتو الكوب كانت اول عربيه هتنزل بيه المفروض

المهم انا راجعت الفيديو و الراجل قال 1.6 TDI يعني المفروض ديزل
بس بعدين قال gasoline فانا مش عارف هي ديزل و لا بنزين اصلا

عموما غبور مش هيغلب و لو نزلت 1.6 و تمشي بال 92 هنشوفها

المشاركة الأصلية كتبت بواسطة omaranes77

مشكور يا باشا علي النقل
بس موتور الاوكتافيا 1.4 tsi
250 نيوتن 140 حصان
والهيوانداي 177 حصان 250 نيوتن
فعلا ما اعظمك يا اسكودا

بس هو الحق يقال انا مش متاكد من الرقم ده
الفيديو قال 195 باوند فانا حولتها علي جوجل جابت 250 تقريبا

المشاركة الأصلية كتبت بواسطة hossam_elwani

ايه الى عملوها فى شكلها ده من الداخل هو احنا بنتقدم ولا بنتأخر !!!!!!!!!!!!

ده ال DNA الجديد بتاع الماركه و اللي ابتدي بالجنسيس

المشاركة الأصلية كتبت بواسطة Mohamedjetta

فعلا هي مش منتشره في الامارات بس برضو اخدت سوقها وضربت حبتين علي الالتيما و الكامري
وفيه كيا اوبتيما برضو ساعدت في ضرب الكامري و الالتيما

هي اكيد باعت هي و الاوبتما
بس still ميجوش حاجه جنب الكامري تحديدا

المشاركة الأصلية كتبت بواسطة minicooper20

تسلم يا شريف بيه
السونتا دى من سنتين كنت فى السعوديه ب ٦٧ الف ريال
كان حاجز الشركات عليها ل ٨ شهور قدام
انهاردا بتعدى ١٠٠ الف
عربيه فاشله
لاكن وكيلها قوى جدا هنا و ده المديها انتشار و قوه
و الناغى و عبد الطيف جميل و الجبر شغالين ضرب فى بعض
اما نيسان فا هى فى تراجع رهيب
لو نزلت مصر فى رنج ال ٢٥٠ الف فا هى هتكون افضل من كل منافسين الفءه دى نظرا للاعتماديه الرهيبه
الهربيه دى انا فاحتها ١٢٠ الف كيلو فى سنه و شهرين
كانت بتعمل فى اليوم ١٥٠٠ كيلو و كانت بتفضل بال ٣ ايام دايره
اما نقطه البنزين
فا هيونداى الشركه الوحيده الى لو حطيط فى عربيتها بتزين ٩٠ و هو توين تربو مش هتقولك لا

العفو يا باشا
و هيونداي بقت معروفه بالاعتماديه و مبقتش زي الاول
و عموما التطور ده مش ببلاش و بمقابل حلو عشان كده بتشوف اسعار خزعبليه
و هنروح بعيد ليه
انا شفت و ركبت الجنسيس الجديده في الكويت
هايله و قويه و مليانه اوبشنز و انبهارات بس بسعر ال 520
فوقت الجد الواحد هيفكر كتير قبل ما يجيبها بصراحه

المشاركة الأصلية كتبت بواسطة S O P H O S

حاجة جميلة
تسلم عالموضوع يا غالي ّ

العفو يا باشا