محتاج خبرتكم في هذا الموضوع

**Mohamed A S** · 12-07-2014 03:12 PM

السلام عليكم
كل عام وانتم بخير

اللي عنده تجربة في موضوع زي دا يا ريت يفيدني .. احنا بيتنا قيدم انا واخواتي فهنجيب مقاول يهد ويبني عمارة وسيتم تقسيم عدد الشق بيننا وبين المقاول .. يعني مش هندفع للمقاول حاجه .. فهل يا ترى نكتب عقد مشاركة والا تنازل وناخد عقود بالشقق بتاعتنا والا ايه انسب اشكال العقود التي يتم كتابتها بيننا وبين المقاول علشان نحفظ حقنا واذا كان فيه اجراءات قانونية أخرى تحفظ حقوقنا يا ريت تفيدوني بيها.
ولكم جزيل الشكر

**hesham fawzy h** · 12-07-2014 03:18 PM

موضوع مهم

متابع

**د.محمود صلاح** · 12-07-2014 03:19 PM

اعتقد الافضل التوجه لمحامي لكتابة عقد يضمن حقوكم وفيه كل الشروط واضحة وصريحة

**بحار** · 12-07-2014 03:29 PM

خد بالك . خدبالك . خدبالك : عندنا مقاول عمل عقد مشاركه زى ده وطلع رخصة 7 ادوار . الدور على شقتين وكان لاصحاب البيت نصف عدد الشقق دى وبعدين قسم كل شقه بجدار طوب قبل التشطيب يبقى عندنا 28 شقه قدم على عداد كهرباء لكل شقة وأول مالعددات ركبت شال الفواصل يبقى رجعنا 14 شقه وسلم اصحاب البيت الاساسيين 7 شقق ..وأصحى للى جاى ........
بنى 7 ادوار اضافيه على شقتين و ( العددات موجوده ) وبييييع يامعلم ... واصحاب البيت اتصدمو .. يهديك يرضيك البناء ده مخالف ..مالكوش دعوه .. طب لينا النصف ..لااااااااء بيننا عقد ولكم 7 شقق بس .. اياك اياك تقع الوقعه دى .. ويبقى معاك فى كل خطواتك محامى وبعد المحامى تاخد الورق من وراه لمحامى تانى وتتأكد كويس ..

**احمد فهمى** · 12-07-2014 03:45 PM

الموضوع جه خطير ومعظم المقاولين نصابين للآسف وممكن يعمل عقد معاك ويركنك جنبو لا تعرف تكمل ولا تخرج منو هتحتاج محامى يعمل عقد وشروط وغرامة تأخير صارمه وفسخ عقد فى حالة التأخر وتعمل رسم اوﻵ للعماره وتحدد الوحدات بالمساحات بعدها ويتم ارفاقها بالعقد عشان ميحصلش تلاعب واخد مساحه من حقك وغيرو ولا تثق فى احد اي ان كان حتى المحامى بعد ما يخلص اللعقد خدو وروح لمحامى تانى يراجعو

**بحار** · 12-07-2014 03:55 PM

المشاركة الأصلية كتبت بواسطة hesham fawzy h

فكرة صايعة من المقاول

بس انت برنس يا بحار على الرد

انت خليت الراجل يشك فى المقاول
ويشك فى المحامى

ودى حاجة كويسة جدااا على فكرة علشان انا بحب مبدأ الشك

ممنوع إستخدام اللون الأحمر حيث أنه مخصص للمداخلات الإدارية
م ب 3

والله ياهشام باشا الناس للأسف خلت الواحد يمشى يكلم نفسه ويشك فى صوابع ايده .. ومافيهاش حاجه نلف ونسأل وندور ونتعب شويه مش مشكله .. أحسن مانندم وقت لاينفع الندم ..

**abd_el_7amid** · 12-07-2014 04:24 PM

هديك الخلاصة.. عشان انا لسه عامل نفس الموضوع بس على قطعة ارض
هابعتلك العقد على الخاص.. وبرده تابع مع محامى مختص بالعقارات
العقد هيبقى من الاخر .. انا قعدت شهر عقبال مارسيت عليه

**amr011111** · 12-07-2014 10:36 PM

النصيحه الهندسيه بقى
خلى اللى يصمم المبنى يصمم قواعده واعمدته انها تشيل مثلا الـ 7 أدوار اللى هيتبنى عليها المبنى فقط
انما لو هتسيب كل حاجه للمقاول فممكن يصمم القواعد انها تشيل اكتر من دور وبعد كده هيزود الادوار
وطبعاً المقاول ولا بيصمم ولا بيهبب

الموضوع: محتاج خبرتكم في هذا الموضوع

LinkBack

أدوات الموضوع

عرض

محتاج خبرتكم في هذا الموضوع - انشر الموضوع فى :

-

-

-

المواضيع المتشابهه

محتاج خبرتكم يا هيونداوية

محتاج خبرتكم

محتاج خبرتكم

محتاج خبرتكم

محتاج كل خبرتكم لان الموضوع مهم بالنسبة ليا

الكلمات الدلالية لهذا الموضوع

المفضلات

المفضلات

ضوابط المشاركة