مشكلة لمبة زيت فيكترا c

**doda16eg** · 12-07-2014 03:19 PM

مساء الخير

لو سمحتم يا جماعة عندى مشكلة ومش لاقيلها حل ... لما بكون ماشى بسرعة واهدى فجأة علشان مطب او خلافه لمبة زيت لونها احمر فى اخر التابلوه على الشمال بتنور ولما بعدى المطب وازود بنزين بتطفى الحوار ده اتكرر كتير بعد تغيير الزيت ... انا حطيت زيت wolf تخليقى ومعاه فلتر GM اكتشفت بعد كده انه مضروب وتم تغير الفلتر مرة اخرى بماركة WIx عند الطنانى طفت اللمبة يومين ورجعت تانى ... !!!
علما بان العربية موديل 2007 مانيوال عاملة 101000 كيلو
وفى نفس الوقت بحس ان العربية تقيلة مش بتسحب كويس مع انى مغير فلتر بنزين وبوجيهات وكاتينة وسير عمومى من اسبوع
ارجو المساعة من اصحاب الخبرة
وشكرا

**askar** · 12-07-2014 04:18 PM

ضبط مستوى الزيت بعد الفلتر الجديد, احتمالك الافضل هوا الزيت ناقص
و أسوأ الأحوال ان الموتور فيه حاجه لا قدر الله

**Abdo Taha** · 12-07-2014 11:17 PM

احتمال ان الزيت مش كويس او طرمبة الزيت فيها حاجة و الله اعلم او ممكن يكون ناقص روح غير لشيل و خلي بالك كده خطر و العربية دي عايزة زيوت محترمة زي شل و كاسترول و فيسكو و كثافته تكون مظبوطه ، يا ريت تبص على مستوى الزيت و اللزوجة عشان موضوع الزيت ده خطر جدا على العربية خصوصا ان الموتور ده حرارته عاليه

**احمد فهمى** · 12-07-2014 11:36 PM

معلش بس ممكن تجرب اللي هقولك عليه هتنزل الزيت وتحط شيل الاصفر 5 الاف وخلي بالك من مستوي الزيت .. المواتير بعد ال100 الف يفضل تبعد عن التخليقي

**Abdo Taha** · 13-07-2014 01:10 AM

المشاركة الأصلية كتبت بواسطة احمد فهمى

معلش بس ممكن تجرب اللي هقولك عليه هتنزل الزيت وتحط شيل الاصفر 5 الاف وخلي بالك من مستوي الزيت .. المواتير بعد ال100 الف يفضل تبعد عن التخليقي

ليه بلاش بعد ال 100 الف تخليقي ، انا بحط الشل الالترا و كويس جدا و عربيتي عاملة 137 الف

**احمد فهمى** · 13-07-2014 03:47 AM

ببساطه خلوص البساتم اكيد قل وده طبيعي بالتالي كل ما خف الزيت كل ما فقد وظيفتو فى حالة المواتير القديمه وهو هيشتغل معاك بس عمر المتور هيقل يفضل زيت عادي ويتغير كل 4 الاف

**moody_687** · 13-07-2014 09:09 PM

المشاركة الأصلية كتبت بواسطة احمد فهمى

ببساطه خلوص البساتم اكيد قل وده طبيعي بالتالي كل ما خف الزيت كل ما فقد وظيفتو فى حالة المواتير القديمه وهو هيشتغل معاك بس عمر المتور هيقل يفضل زيت عادي ويتغير كل 4 الاف

يعني اى حد ماتوره معدي 100 الف ك يستخدم زيت موبيل xhp 5000 kilo او اى زيت تاني 5000 الاف كيلو ؟؟
وسؤال تانى معلش انا بحط زيت موبيل وان ع طول وعداد عربيت 166 الف ك دلوقتي ايه الضرر اللي هحس بيه فالعربية ؟؟؟

**احمد فهمى** · 13-07-2014 09:23 PM

المشاركة الأصلية كتبت بواسطة moody_687

يعني اى حد ماتوره معدي 100 الف ك يستخدم زيت موبيل xhp 5000 kilo او اى زيت تاني 5000 الاف كيلو ؟؟
وسؤال تانى معلش انا بحط زيت موبيل وان ع طول وعداد عربيت 166 الف ك دلوقتي ايه الضرر اللي هحس بيه فالعربية ؟؟؟

مش هتحس بضرر بس التأكل بيزيد وعمر العمره بيقرب والموضوع له علاقه بالاستخدام لكن فى المتوسط العربيات اللى بتعدى 100 الف يفضل زيت عضوى وده اتقل فبيعوض اي تأكل بسبب العمر اكيد مفيش متور بيعيش مدى الحياه ولام فى يوم من الايام يغير بساتم وممكن تحط زيت تخليقى عادي بس لو ظهر عندك اعراض مماثله غير نوع الزيت العوامل بتختلف من واحد للتانى بس بيفضل بعد ال100 الف يبقى زيت عضوي

-

الموضوع: مشكلة لمبة زيت فيكترا c

LinkBack

أدوات الموضوع

عرض

مشكلة لمبة زيت فيكترا c - انشر الموضوع فى :

-

-

-

-

-

-

المواضيع المتشابهه

لمبة الموتور و رعشة فيكترا سي

لمبة لمبة البطارية منورة على طول فيكترا ايه 2000 سى سى

سؤال بخصوص لمبة التشيك فيكترا 94

مشكلة فى لمبة ال srs

مشكلة لدى فى لمبة الابواب

الكلمات الدلالية لهذا الموضوع

المفضلات

المفضلات

ضوابط المشاركة