حل بوابة الاوبترا الشهيرة

**totymulder** · 12-07-2014 04:29 PM

ياشباب.
انا معايا اوبترا 2005
وكانت شغالة زي الفل وفجأة بقت بتبطل وسااعات تبطل مع التكييف..
انا روحت اشتريت بوابة تانية استيراد (شيفروليه او نوبيرا 1 ) الاتنين واحد.. بحوالي 500 جنيه..

شغلت العربية تمام لمدة 3 شهور ونفس القصة رجعت تاني..

فا واحد صاحبي حصلت معاه نفس المشكلة وقال لي انه نزل سوفت وير للبوابة بـ50 جنيه وبقت زي الفل بعد ما كان ها يبيع العربية..
انا كمان روحت لحد نزل لي سوف ويير للعربية بـ 50 جنيه وفعلا العربية رجعت لوضعها
ما شاء الله.. ولا بتبطل ولا مع التكييف وكأني جبت بوابة زيرو (رغم اني كنت بافكر في ده وسعرها في التوكيل 2500)

فا من الاخر نزل سوفت وير للبوابة عند حد بيفهم وانسى المشكلة دي

وبالمناسبة بلاش تنضف البوابة ولا تخلي حد يحاول ينضفها باي حاجة لان ده بيبوظها..

ياريت الاوبتراوية يستفيدوا :)

**amrelsaqqa** · 12-07-2014 04:55 PM

مبروك ياباشا ..

بس انا ملاحظ اسعار استيراد وتوكيل الاوبترا فلكية جدا جدا جدا وبعد ده كله يقولك الكوري عملي ورخيص

عربية زميلى اوبترا 2006 عمال يصرف عليها دم قلبه وبصراحة انا مصدوم بجد من الاسعار اللى بسمعها والاقيه عمال يجيب حاجات استيراد وبميات والحجة ايه ان الاستيراد غالى ان الجديد كله مضروب وان التوكيل غالى جدا جدا وبرضه مشكوك فيه !

بالنسبة لموضوع ظبط السوفتوير ده ياباشا بيتعمل عند اي حد ؟
وهل بيحل المشكلة بتاعت انك تحس ان الدواسة كأنها بتتسحب من تحت رجلك وترجع تانى ع السلانسيه ؟

**Amir .** · 12-07-2014 05:05 PM

عملت السوفت وير عند مين

**totymulder** · 12-07-2014 05:20 PM

انا عملت السوفت وير خارج القاهرة والاسكندرية..
وعلى فكرة مش قصة كبيرة ولا حاجة..
والاهم من اني عملتها فين..
هو اننا عرفنا المشكلة وعلاجها..
عند مين مش مهم.. المهم انك تبقى متأكد ان ده هو السبب الرئيسي لمشاكل تبطيل الاوبترا وخاصة مع التكييف..
لان اللي عملهالي حد كان شغال ميكانيكي بره ومعاه كمبيوتر اعطار زي اللاب توب وعملهالي واحنا واقفين في 5 دقايق..
وانا جربت الموضوع ده مرتين بنفسي في عربيتين ..

روح عند اي حد عنده كمبيوتر اعطال وقول له عاوز اعمل ريستارت سوفت وير للبوابة وبدون اي لعب تاني

..
وان شاء الله المشكلة تتحل.

**totymulder** · 12-07-2014 05:28 PM

المشاركة الأصلية كتبت بواسطة amrelsaqqa

مبروك ياباشا ..

بس انا ملاحظ اسعار استيراد وتوكيل الاوبترا فلكية جدا جدا جدا وبعد ده كله يقولك الكوري عملي ورخيص

عربية زميلى اوبترا 2006 عمال يصرف عليها دم قلبه وبصراحة انا مصدوم بجد من الاسعار اللى بسمعها والاقيه عمال يجيب حاجات استيراد وبميات والحجة ايه ان الاستيراد غالى ان الجديد كله مضروب وان التوكيل غالى جدا جدا وبرضه مشكوك فيه !

بالنسبة لموضوع ظبط السوفتوير ده ياباشا بيتعمل عند اي حد ؟
وهل بيحل المشكلة بتاعت انك تحس ان الدواسة كأنها بتتسحب من تحت رجلك وترجع تانى ع السلانسيه ؟

اولا الوبترا الـ 2006 عربية محترمة واكيد عشان بقالها كتير فاصاحبها ما اهتمش بيها .. لكن اعتبر انك بتعمل لها طقم سيرفس كامل عشان تحس بيها وقد ايه هي ثابته واتقل من الجديدة..

ثانيا: قطع غيار الوبتار ارخص من حاجات كتييييييير تانية بالمقارنة..
وبعدين مش كل حاجة تنفع تبقى استيراد..
يعني مثلا المساعدين الجديد احسن من المستعمل
اما بالنسبة لمشكلة الدواسة فلو تقصد انه السحب بيتأثر بالبوابة فده طبعا بدون شك.. لكن صوت الموتور بيعلى ونسبة الاوكسجين الداخل للموتور ما بتبقاش مظبوطة.

**ahmedelrayan** · 12-07-2014 06:24 PM

المشاركة الأصلية كتبت بواسطة totymulder

ياشباب.
انا معايا اوبترا 2005
وكانت شغالة زي الفل وفجأة بقت بتبطل وسااعات تبطل مع التكييف..
انا روحت اشتريت بوابة تانية استيراد (شيفروليه او نوبيرا 1 ) الاتنين واحد.. بحوالي 500 جنيه..

شغلت العربية تمام لمدة 3 شهور ونفس القصة رجعت تاني..

فا واحد صاحبي حصلت معاه نفس المشكلة وقال لي انه نزل سوفت وير للبوابة بـ50 جنيه وبقت زي الفل بعد ما كان ها يبيع العربية..
انا كمان روحت لحد نزل لي سوف ويير للعربية بـ 50 جنيه وفعلا العربية رجعت لوضعها :copy of new:
ما شاء الله.. ولا بتبطل ولا مع التكييف وكأني جبت بوابة زيرو (رغم اني كنت بافكر في ده وسعرها في التوكيل 2500)

فا من الاخر نزل سوفت وير للبوابة عند حد بيفهم وانسى المشكلة دي

وبالمناسبة بلاش تنضف البوابة ولا تخلي حد يحاول ينضفها باي حاجة لان ده بيبوظها..

ياريت الاوبتراوية يستفيدوا :)

كلام حضرتك سليم بس مش فى كل الاحوال وعلى فكرة انا لما كان معايا الاوبترا حصلتلى مشكلو البوابة دى وطلعت بيها على الحرفيين عند واحد مشهور جدا هناك وعملها فعلا ولحد لما بعت العربية معملتش معايا اى حاجة المشكلة بقى عندنا اننا اتعودنا ننظف البوابة وانا شايف ان فعلا مهم جدا تنظيف البوابة لكن بوابة الاوبترا عدوة للنظافة وتنظيفها ممكن يبوظها فعلا وبالتالى مهما عملت سوفت وير مش هيكون ليه اى فايدة وبالتالى محتاج تغيرها وعلى فكرة حتى لو حد جاب بوابة استيراد او جديدة لازم تدخل على الكمبيوتر عشان يظبطها مع العربية

**aboOmar123** · 16-07-2014 12:38 AM

معلش استأذنك تقولنا مكان الي روحتله حتى لو خارج القاهره واسكندريه... انا معنديش مانع اروحلو لاني تعبت من مشكلة البوابه

**ahmedelrayan** · 16-07-2014 10:49 PM

المشاركة الأصلية كتبت بواسطة aboomar123

معلش استأذنك تقولنا مكان الي روحتله حتى لو خارج القاهره واسكندريه... انا معنديش مانع اروحلو لاني تعبت من مشكلة البوابه

بص يا باشا لو حضرتك عايز تريح نفسك من موضوع البوابة ده فى حلين الحل الاول حضرتك تروح لحد يكون كويس جدا جدا ويظبط البوابة كمبيوتر لو متحلتش هات البوابة جديدة وهى حوالى ب1300جنيه وفى زميل لينا هنا فى المنتدى وصفت له واحد صاحبى شغال فى توكيل منصور وعنده ورشة برة وكانت عنده برده نفس مشكلة البوابة وجبها جديدة والمشكلة اتحلت وممكن يجبها استيراد وهتكون على ضمانته وهتكون حوالى ب650جنيه

**semsem_zozo** · 17-07-2014 05:10 AM

المشاركة الأصلية كتبت بواسطة ahmedelrayan

بص يا باشا لو حضرتك عايز تريح نفسك من موضوع البوابة ده فى حلين الحل الاول حضرتك تروح لحد يكون كويس جدا جدا ويظبط البوابة كمبيوتر لو متحلتش هات البوابة جديدة وهى حوالى ب1300جنيه وفى زميل لينا هنا فى المنتدى وصفت له واحد صاحبى شغال فى توكيل منصور وعنده ورشة برة وكانت عنده برده نفس مشكلة البوابة وجبها جديدة والمشكلة اتحلت وممكن يجبها استيراد وهتكون على ضمانته وهتكون حوالى ب650جنيه

طيب بالله عليك رقم صحبك وعنوانه ايه انا والله هبيع العربيه بسبب كده ولو قدامك مشترى واخسر ف العربية وربنا انا موافق

**ahmedelrayan** · 17-07-2014 02:31 PM

المشاركة الأصلية كتبت بواسطة semsem_zozo

طيب بالله عليك رقم صحبك وعنوانه ايه انا والله هبيع العربيه بسبب كده ولو قدامك مشترى واخسر ف العربية وربنا انا موافق

بعتلك كل حاجة على الخاص يا باشا

الموضوع: حل بوابة الاوبترا الشهيرة

LinkBack

أدوات الموضوع

عرض

-

-

-

المواضيع المتشابهه

شاهدو كيف تم التقاط هذه الصورة الشهيرة ..؟؟!!

نقاوة الشهيرة بكايداهم اتخبطت يا منز

نقاوة الشهيرة بكيداهم اتخبطت يا رجالة

التفسير المنطقى للمكالمة الشهيرة

قصيدة الأصمعي الشهيرة

الكلمات الدلالية لهذا الموضوع

المفضلات

المفضلات

ضوابط المشاركة