استفسار عن بيع العربيه تحت حظر البيع

السلام عليكم ورحمة الله وبركاته
انا معايا عربيه لانوس 2012 شاريها بقرض سياره وعليها حظر بيع- انا دفعت 30 قسط وباقى عليها 30 قسط.
لظروف السفر اخر الشهر انا نويت ان شاء الله ابيع العربيه لواحد قريبى هيدينى مبلغ كاش ويكمل الـ 30 قسط الباقيين للبنك.
انا مسافر سفر طويل وعشان كده عايز اخلص كل الاجراءات عشان ميتحطش هو فى مشاكل وانا مش هنا
عايز اعرف الاجراءات ازاى للتعامل مع البنك وشركة التأمين والمرور بدون اى مشاكل علما بان

**التعامل مع شركة التأمين هيكون فى الامور الاتيه
- تجديد الوثيقه نهاية كل سنه
- تقديم اخطار حادث (فى حالة الحادث لا قدر الله)
- استلام شيك التعويض (فى حالة الحادث لا قدر الله)

**التعامل مع البنك هيكون فى الامور الاتيه
- دفع الاقساط الشهريه (واعتقد دى سهله هو هيودع القسط فى حسابى وخلاص)
- تجديد الرخصه (تسليم وثيقة التأمين واستلام جواب المرور)
- صرف شيك التعويض (فى حالة الحادث لا قدر الله)

** التعامل مع المرور فى الامور الآتيه
- تجديد الرخصه والذى منه (شهادة بيانات - شهادة مخالفات - الخ)

اعتذر عن الاطاله وارجو التوضيح من ذوى الخبره