ماذا تفعل لو كنت مكانى ؟

السلام عليكم
انا كان معاي عربية ماتريكس مانيوال , وواحد عرض عليا يشتريها منى وانا مكنتش عارضه للبيع
المهم أنا قولته سعر غالى علشان ميزعلش ( 70 ألف ) , المهم لاقيته وافق على السعر , وبالفعل تم البيع يوم 05/05/2014 , وكنا كتبين شرط جزائى 20 ألف جنية , فى حالة رجوع السيارة خلال أسبوع من تاريخ الشراء يعنى يوم 12/05/2014 , والمهم النهاردة يوم 12/07/2014 , بعتلى 2 جيرانا علشان يرجع العربية وعاوزين ينزلوا الشرط الجزائى الى 10 الاف حتية , فأنا قولتلهم الكلام دة لو أنا أصلاً موافق على أنى أرجع العربية , ولو هرجع مش هتنازل عن الـ 20 الف , والمهم لو رجعت العربية هتوقف عليا بـ 50 ألف حنية , بس لو وافقت على الرجوع , هندخل فة حوارات بتاعة الشرط الجزائى , المهم أنا رفضت الموضوع نهائى والناس قالتلى دة حقك .
المهم رأيكوا أية فى الموضوع دة
ملحوظة /
أنا لو أخذت ال20 ألف مش هبقى مرتاح , مش هعرف أصرفهم على أولادى لانى متعبتش فيهم

العقد شريعه المتعاقدين

هو لعب عيال طبعا مترجعش العربية دى بقالها معاه اكتر من شهرين

طيب وحضرتك مسألتش هو عايز يرجع العربية ليه اصلا

سألت ,,, قالى هو عاوز يرجعها وخلاص , بدون ما ندخل فى تفاصيل

لية عاوز يرجها ممكن يكون خربها و عاوز يخلص منها

ــــــــــــــــــــ

لا طبعاً هو أستهلكها فى الشهرين دى اووى ، بلاش ترجعها طبعاً ده إتفاق رجالة مفهوش هزار و لا رجوع فيه يعنى انت لو حد غريب و باع له العربية كان هيجيبه منين ، كبر دماغك و ماترجعهاش .

انا كنت مكانك بالفعل وكنت عامل موضوع هنا ورفضت رجوع العربيه طالما مافهاش عيب كبير بس خد بالك كلمه عاوز يرجعها وخلاص ويخسر فلوس كمان دا معناه انه عمل بالعربيه مصيبه اوعي تفكر في موضوع الرجوع اصلا

طب لو هوه مش فارق معاه الخساره ميعرضها للبيع لاي حد .. والمتريكس عربيه تتباع بسهوله

شهرين مدة طويلة

المهم

بتقول إنك بعتهاله بسعر غالي
غالي بنسبة كام عن سعر السوق ؟
وهل هو جاهل بحال السوق وبالتالي إشترى منك ؟

اكيد عمل حاجه في العربيه حاجه وعاوز يرجعها ولو مش عاوزها يبيعها وخلاص هيا شغلانه يعني

بنسبة كبيرة جداااااااا
اذا كان المشترى اشترى العربية بتوكيل من حضرتك وليس بعقد مسجل
فاعتقد ان المشترى عمل مصيبة بالعربية وعاوز يرجعهالك علشان يخلص من المصيبة دى اعتمادا على السيارة مازالت يإسم حضرتك اذا كان البيع بتوكيل
نصيحة / مترجعش السيارة ابدا تحت اى ظرف ومحدش عارف هو عمل اية بالعربية فى الشهرين دول

ياباشا هو مش مأجر العربية علشان يرجعها
وبعدين هو مش عايز يقول سبب رجوع العربية
سيبك منه

حضرتك متوافقش تحت اى ظرف من الظروف ولا لو ب 30 الف فى مؤكد سبب غريب هو مش عايزها يبعها لحدتانى براحتة

لو رجعها هيخسر 20 الف ولو بعها هيخسر اقل من 20 الف يبقى العقل و المنطق بيقولو انه يبيعها

طالما مش عايز يقول عايز يرجعها ليه
فللأسف كدا هنظن فيه ظن سيئ وفعلا ممكن يكون عمل بيها مصيبة عياذا بالله
معقول يرضى يخسر ٢٠ الف بسهولة كدا في شهرين بس
ده لو لقدر الله عمل بيها حادث جامد جدا بالمبلغ ده يقدر يرجعها عروسة

بصراحة أنا فكرت كتير جداً , وبعد أراء كل الزملاء
انا قررت مرجعش العربية
لأنى لو وافقن ارجعها , هيرجع بعد شوية يطالبنى بالشرط الجزائى
وشغل دة رزق عيالى , ويخلى ناس تكلمنى وكش هاخلص
أنتوا معاكول حق

اقتباس:

---

المشاركة الأصلية كتبت بواسطة mohamed_e36

طب لو هوه مش فارق معاه الخساره ميعرضها للبيع لاي حد .. والمتريكس عربيه تتباع بسهوله

---

انا مع الراى ده بس مترجعش العربيه من غير ما نظلم حد الله اعلم ايه اللى تم فى الشهرين وبعدين هومش عاوز يقول على اى تفاصيل او يدى سبب مقنع :T_thum1[1]:

لو البيع كان فيه غبن مبالغ فيه
يبقى يحق له شرعاً ترجيع العربية بدون الشرط الجزائي

ـ

انا مش مؤيد لفكرة بيع عربية وارجعها تاني

اقتباس:

---

المشاركة الأصلية كتبت بواسطة ahmed1981

لو البيع كان فيه غبن مبالغ فيه
يبقى يحق له شرعاً ترجيع العربية بدون الشرط الجزائي

ـ

---

استاذى الفاضل
البيع عرض وطلب , والسعر اللى أنا عرضته 70 الف جنية
وهو اللى كان بيتحايل عليا علشان يشترى العربية
يبقى ازاى يرجع العربية بدون الشرط الجزائى
واقدر تقولى أنا استفدت أية ؟
لو لو مأجرة بـ 150 جنية فى اليوم
كانت دلوقتى عاملت
حوالى 12 ألف جنية

لو باعها طبيعي هتجيب اكتر من 50 الف
هو واضح انه عمل مصيبه فيها
ما ترجعهاش

اقتباس:

---

المشاركة الأصلية كتبت بواسطة أبو يوسف

استاذى الفاضل
البيع عرض وطلب , والسعر اللى أنا عرضته 70 الف جنية
وهو اللى كان بيتحايل عليا علشان يشترى العربية
يبقى ازاى يرجع العربية بدون الشرط الجزائى
واقدر تقولى أنا استفدت أية ؟
لو لو مأجرة بـ 150 جنية فى اليوم
كانت دلوقتى عاملت
حوالى 12 ألف جنية

---

ردي سهل خالص
أقوله تاني :ـ

لو البيع فيه غبن شديد وهو وقتها جاهل بسعر السوق
يحق له ترجيع السلعة بدون شرط جزائي
دي مسألة فقهيه

الغبن معناه شراء سلعة بسعر أكبر من ثمنها الحقيقي بقيمة مبالغ فيها جداً والمشتري يجهل السعر الحقيقي

لكن لو البيع عادي وبدون غبن
فمسألة قبول الترجيع مسألة ترجع ليك إنت فقط
توافق أو ترفض محدش يقدر يجبرك
طالما العقد بينص على كده

ـ

اقتباس:

---

المشاركة الأصلية كتبت بواسطة ahmed1981

ردي سهل خالص
أقوله تاني :ـ

لو البيع فيه غبن شديد وهو وقتها جاهل بسعر السوق
يحق له ترجيع السلعة بدون شرط جزائي
دي مسألة فقهيه

الغبن معناه شراء سلعة بسعر أكبر من ثمنها الحقيقي بقيمة مبالغ فيها جداً والمشتري يجهل السعر الحقيقي

لكن لو البيع عادي وبدون غبن
فمسألة قبول الترجيع مسألة ترجع ليك إنت فقط
توافق أو ترفض محدش يقدر يجبرك
طالما العقد بينص على كده

ـ

---

العقد شريعة المتعاقدين ( صح )
المؤمنون عند شروطهوم ( صح )
طيب حضرتك شايف أن ( الغبن ) يقدر مثلاً بمبلغ قداية زيادة عن سعر السوق 10 ألاف مثلاً
ولا أكتر ولا أقل

اقتباس:

---

المشاركة الأصلية كتبت بواسطة أبو يوسف

العقد شريعة المتعاقدين ( صح )
المؤمنون عند شروطهوم ( صح )
طيب حضرتك شايف أن ( الغبن ) يقدر مثلاً بمبلغ قداية زيادة عن سعر السوق 10 ألاف مثلاً
ولا أكتر ولا أقل

---

ما يسمى بالغبن الفاحش هو ما إختلف فيه في مسألة رد السلعة

سؤالك الأخير عن الغبن
نتفق الأول على شرط وهو جهل المشتري بسعر السوق وقت الشراء
لو تحقق هذا الشرط
وقتها نسأل
متى يكون هناك غبن ؟ أو إذا زاد السعر عن سعر السوق بنسبة كام يصبح في البيع غبن ؟
والسؤال الثاني
إذا وقع غبن بالفعل. هل ترجيع السلعة يكون واجباً أم مستحباً ؟
إجابة هذه الأسئله عايزه عالم بالفقه
حاول تسأله

ـ

خﻻص انت بعت والبيعان بالخيار مالم يتفرقا

ولو حيفسخ بسبب عطل او ضرر كان من اﻻول وليس بعد شهرين

حلوة لو كل واحد اشترى حاجة ورجعها بعد شهرين !

ماترجعش وانتهى

اوعا ترجع العربية

يا عم ما يعرضها للبيع هوا لازم يعني يرجعهالك
وبعدين فين استهلاك الشهرين