الموضوع: نتكلم بصراحه بقي...الواحد يشتري ماركة ايه ف البلد دي

المشاركة الأصلية كتبت بواسطة sha2e

لو عايز تشتري عربيه تقعد معاك فترة طويله يبقى بلاش تشتري دلوقتي
اشتري حاجه استعمال نظيف تمشيك 3 - 4 سنين الجايين من غير ما تبهدلك
كمان 3 - 4 سنين اسعار العربيات هتنخفض جدا جدا وهتكون مقاربه للاسعار العالمية ( الجمارك هتتشال والدعم برضو هيتشال )
التجار والوكلاء عارفين الكلام ده كويس ومشيين بمبدأ "الي نطوله دلوقتي لان الايام دي مش هتتعوض بعد كده"
عايز اقولك ان عربية زي الفيرنا لن تتعدى تكلفتها 45 الف جنية لانها بدون جمارك وبنسبة مكون محلي "ارخص من الكوري" وتجميع بأيدي مصرية " ارخص بكتير من العمالة الكوريه" ومع ذلك شوف تمنها كام

تحياتي

ياباشا انا بسمع الكلام دة من 2007

طب ايه مصدرك ؟

ولما تكلفت الفيرنا تبقي 45 الف جنيه

غبور تفتكر هيبعها ب 50

المشاركة الأصلية كتبت بواسطة ahmad--ezzat

ياباشا انا بسمع الكلام دة من 2007

طب ايه مصدرك ؟

ولما تكلفت الفيرنا تبقي 45 الف جنيه

غبور تفتكر هيبعها ب 50

الاول كان توقعات لكن دلوقتى الوضع اختلف
اولا الدعم : بدأ فعلا تخفيض الدعم وفى ظرف 4-5 سنين الجايين هيكون اتشال بشكل كلي
كده طلعنا من منطقة التوقع والتخمين لواقع التنفيذ الفعلي

ثانيا الجمرك : حضرتك فعليا أكتر من 60% من العربيات المباعه فى مصر حاليا تجميع محلي يعني بدون جمارك ( فيرنا - لانوس - افيو - صني - byd - لوجان"مش تجميع محلي لكن بدون جمارك" - صني )
والعربيات التقفيل الاوربي نزلت جماركها حاليا للنصف وكمان 4-5 سنين هيكون الجمرك عليا "صفر" لاحظ ان ده نفس ميعاد رفع الدعم كليا

الكلام الى فات بقى خلاص فى حيز التنفيذ لو اتكلمنا على التوقعات :

اعتقد فى الفترة الجايا لازم يبقى في قانون لهامش الربح لازم
هعطي لحضرتك مثال العربية الفيرنا ( مش هقولك تكلفتها كام لكن هقولك ارقام واحسبها انت )
فى سنة 2004 نزلت الفيرنا " تقفيل كوري " بسعر 60 الف جنية تقريبا
في سنة 2004 كان سعر الدولار 7 تقريبا (وقتها كان لسه بادئ ينزل بعد ما مكان وصل لـ 7.7)
احسب بقى دلوقتى المفروض يبقى سعرها كام
بعد ما تشيل 40% جمارك قول 30%
العماله بشكل عام بتمثل 20%-30% من سعر المنتج طبعا العماله المصرية أرخص من الكوريه بالنص تقريبا يعنى وفر 10% من السعر فى العمالة
المنتج المحلى الرديئ داخل بنسبة 40% وده ارخص كتير من المستورد وبالتالي هيوفر كتير من تكلفة تصنيع السيارة

مع العلم ان فى 2004 كانت بتتباع بـ 60 الف بمكسب وبمكسب كويس كمان لتعويض الدعايا الى كان عاملها وقتها (كان عامل دعايا ليها قبل نزولها بـ 6 شهور)
احسبها حضرتك كده وقولنا تكلفت العربيه كام

بعد ما تحسبها هاتلي اى بلد فى العالم سواء متقدم او متخلف فيه الجشع والاستهبال فى الاسعار الموجودين فى مصر

المشاركة الأصلية كتبت بواسطة شريف

اية جوار الجمارك دة
طب السنادي لغوا حكاية 4% نخفيض عن الاوروبي للسنادي بس
ابة اللي يضمن ميعملوش كدة السنة الجاية و طظ في اي حاجة هو بعني احنا بنصدر ابة اساسا علشان يتعمل علينا عقوبات؟

الي اعرفوا ان تخفيض الـ 4% بتاع السنادي متلغاش لكن تم تأجيله
بمعنى ان الاتفاقيه ساريه وعلى سنة 2019 هتكون الجمارك صفر
الى اتقال فى تأجيل تطبيق التخفيض السنادي ان السبب كان التعنت الواضح من الاتحاد الاوربي مع الصادرات الزراعية المصريه ورفضهم معظم الصادرات السنادي
فى كلام بيتقال قد يكون حقيقي لكن غير مثبت ان وكلاء وموزعين الياباني والكوري رافضين بشده للاتفاقيه دي والاكتر من كده سمعت ان حتى وكلاء الاوربي الاتفاقيه دي لو استمرت مش فى صالحهم
المؤكد ان الجمارك هيا اكبر ستارة مغطياهم لو اتشالت هينكشفو كلهم وساعتها حضرتك هتقدر تقارن بين الاسعار برة وهنا وتقدر تحاسبه ودي حاجة مش فى صالحهم ابدا

تحياتي