اقتباس المشاركة الأصلية كتبت بواسطة sha2e مشاهدة المشاركة
كمان 4 - 5 سنين هيحصل انخفاض للاسعار لسببين :
الاول : انخفاض الطلب على السيارات لارتفاع تكلفة تشغيلها (وضحت النقطة دي بالتفصيل فى موضوع آخر قبل كده)
الثاني : رفع الجمارك بشكل كامل عن السيارات وده تأثيرة المباشر ان الناس هتفهم وتقدر تحاسب التاجر وتقولة العربيه دلوقتى ليه ازيد من بره بعد ما الجمارك اتشالت

محدش حس بانخفاض فى 3-4 سنين الى فاتوا لسببين :
الاول : الفرق راح في كرش الوكيل والتجار
الثاني : ان المشتري معندوش ثقافة السؤال وحساب التاجر
لو حضرتك جيت تكلم حد دافع 90 الف فى فيرنا ولا لانوس وتقوله خسارة فيها هيقولك هنعمل ايه الله يخرب بيت الجمارك واساسا عربيته معلهاش جمارك اصلا

بخصوص سعر الفيرنا انا عارف ان تكلفتها اقل من 45 الف وعارف اني لو قلت كده محدش هيصدقني لكن لو حضرتك بصيت على مشاركه اتكلمت فيها بالارقام لو حسبتها هتلاقيها رقم قريب جدا من الرقم الى حضرتك ذكرته

بخصوص الدولار : احنا بنتكلم عن سعر العربيات مش عن سعر الدولار زي ما ممكن يطلع ممكن برضو ينزل
هضرب لحضرتك مثال العربيه الى سعرها عالميا 12 الف دولار بتقف على حضرتك حاليا بـ 22 الف دولار كمان 4-5 سنين بعد شيل الجمارك وانخفاض الطلب على السيارات هتقدر تحاسب التاجر وتقوله ليه مش بـ 12 الف دولار زي بره ؟
بغض النظر الدولار بكام ساعتها

بخصوص دخل الجمارك للدولة انا اتكلمت بأرقام فى الموضوع ده في المشاركه السابقة لو ركزت فيها كويس هتكتشف ان جمارك السيارات نسبتها ضيئله جدا جدا بالنسبة للدولة (3 من 1000)
وهيبان ان الهدف الاساسي لها هو استخدامها كغطاء لعدم كشف سرقة الوكلاء والتجار
ياخبر باجماعة
لسه في ناس بتقول العربيات هترخص
ده حصل ازمة اقتصادية في العالم وكانت شركات السيارات العالمية بتدي عربية هدية مع كل عربية تشتريها صدقوني للدرجاتي اما في بلدنا الحبيبة كانت العربيات بتغلى
الخمس سنين هيجروا وربنا يدينا العمر وهتفتكروا كلامي العربيات هتغلى على الاقل 30% وغالبا اكتر والدولار كمان هيزيد

كان نفسي اتفائل زي زميلنا العزيز بس انا واقعي وباقرأ التاريخ كويس احنا خارج هذه المعادلات الاقتصادية

تقبلوا مروري