ما هى اجراءات تسجيل سيارة مستعملة بأسمى ؟ #####

**hesham fawzy h** · 13-07-2014 05:58 AM

سبحانك اللهم وبحمدك ، أشهد أن لا إله إلا أنت أستغفرك وأتوب إليك

عند شراء سياره مستعملة .. ما هو الفرق بين التسجييييل فى الشهر العقارى و العقد الى بيجى من المكتبات..

وايهما افضل . ممكن حد يقولى الاجراءات المفروض عملها بالتفصيييييل ..

و شكرااا

**rompo10** · 13-07-2014 06:39 AM

لازم تشتري العربيه بتوكيل بيع سياره أو عقد مسجل من الشهر العقارى دا لازم أما العقد الإبتدائي دا حاجه صوري ليه لازمه في حاله وفاه أي من الطرفين لأن توكيل البيع بيتلغي بوفاة أي من الطرفين انت لازم يبقي معاك توكيل أو عقد مسجل وعقد بيع ابتدائي

**أحمد جودة** · 13-07-2014 08:24 AM

الخلاصة وعلشان تضمن حقك وعلشان بالاخص الايام دي ربنا اللى يعلم بيها

لما تشتري عربية لازم تعمل الاتي

أهم شيئ أتأكد ان العربية بأـسم اللى بتشتري منه يعني الرخصة بأسمة ومفيش توكيل أو أكتر ((( يعني مش واحد بايع لواحد وهكذا )))

تروح تسجل العربية فى الشهر العقاري وتاخد العقد وتروح ع المرور وتنقل ملكية معلش حتي لو الموضوع مكلف لازم تعمل كدة وتنقل الملكية بأسمك وبتعمل حاجة اسمها استعلام أمني فى مباحث المرور ((( علشان تعرف لو العربية دي مطلوبة فى قضايا جنائية أو مبلغ بسرقتها )))

أسف للاطالة بس علشان تضمن حقك لازم تعمل كدة

تقبل تحياتي