طبعا حضرتك طنشتني في موضوع المشاريع ده :36_1_50[1]:
ماشي ماشي :3_3_102[1]:
انا بقا بما اننا داخلين على موسم عيد الاضحى وكده فجيبت ب35 الف خرفان :120105~352:
وربنا يكرم بقا ونقدر نلم فلوسنا :ask:
عرض للطباعة
سمسار البيض مثلا
بتشتري البيض من المزراع وتحملها علي عربيه نقل لمنطقة تكون مفيهاش مزارع زي برج العرب كدا او اي منطقة تانيه يكون فيها البيض غالي او مفيهاش سماسرة
مش محتاج غير المبلغ اللي هتشتري بيه البض واجرة العربية وشويه لف علي المحلات في كذا منطقة علشان تعرف هتسوق فين
الفراخ شرحه
العلف هتجيبه من شركات العلف وتوديه للمزارع وتدي ارقامك لاصحاب المزارع .. بس دا فقط لو انت من بلد فيها مزارع وفيها ناس هتشغلك
بالتوفيق ان شاء الله
حبيب قلبي اﻻستاذ ابراهيم
اعتذر بشدة اني لسه شايف الموضوع حاﻻ
انا شكلي اللي هتصل بيك واسألك علي مشروع قريبا هههههههه
وانا كده ضمنت خروف العيد هجيبه منين واظن دي فرصة كويسة نعلن هنا عن الموضوع ده للاخوة اﻻعضاء اللي حابب مكان مضمون لخروف العيد يبقي يجيبه من حضرتك انا طبعا هيبقا ليا نسبة للتسويق ههههههه
ربنا يوفقك ان شاء الله
وان شاء الله يوفق اﻻخ الفاضل اﻻستاذ هشام صاحب الموضوع
م. حاتم السباعي
الاستاذ ابراهيم
احلى سلام لكم جميعا
ههههههه ربنا يبارك فيك بس هو مش جامد ولا حاجه هههههههههههه وبردو مش ببعد العين ديه حقيقه فعلا.
شوف هقولك انا.
بالنسبه للمبتدئين( زي حالاتي كده) في المشروع فبيضطر انه يجيب مثلا الخرفان قبلها بست شهور او نحو من ذلك.
ليه بقا لان في هذه الفتره هيقدر يسوق البضاعه ويعرف الناس ان عنده شغل.
فا بالتالي انت هتشتري مش بالوزن هتشتري بالبيعه كده بالتقدير .
ومن شروط الشراء من غير وزن ان الخروف لايزيد عن40 كيلو وخصوصا لو كان برقي( عربي)
وطبعا حضرتك مطالب انك تبيع بالوزن عشان العيد والموسم.
وبالتالي بتعلف الخروف بحيث يزيد وزنه وانت اصلا لو وزنت الخروف( اللي هو اقل من 40 كيلو) هتلاقي نفسك دافع اكتر من سعره.
مثال. خروف 35 كيلو انت شاريه 1400 جنيه ( طبعا شاريه من غير وزن)
وفي الوقت ده( اللي هو قبل العيد بست شهور تقريبا) بيبقا السعر في الغالب ب35 جنيه
35*35 = 1225 ده تمنه في الميزان يبقا انت شاريه باكتر من تمنه ب200 جنيه تقريبا
انت بتعوض ده ازاي بانك تزود وزنه ليصبح مثلا 45 او50( طبعا بتصرف عليه) كيلو وبتعتمد على زيادة السعر كلما اقتربت من العيد لدرجة ان السعر على ما اعتقد الان وصل 40 جنيه للكيلو
بيختلف الوضع بقا من رجل له باع في السوق وله زبون بيعمل ايه بقا
بيجي قبل العيد بشهرين يشتري كميه كبيره باقل من سعر السوق ب1 او 2 جنيه
يفضل عنده الخروف شهرين ممكن يزيد 5 كيلو مثلا اذن هو كسب من الناحيتين من ناحية الوزن وفرق السعر( مع ملاحظة ان بيجيب خروف فوق ال40 كيلو ولا يزيد عن55 كيلو) لانه لو جاب حجم اكبر من كده ممكن يقل وزنه مش يزيد وعلى اقل تقدير لا يزيد ولا ينقص ويبقا بياكله على حسابه فاهم النقطه ديه؟)
فهو بيبقا وصفه اقرب لسمسار منه لعمل مشروع .
والله عمي عنده مزرعه كبيره جدا ممكن 50 فدان تقريبا( هي مزرعة سمك) وطبعا مساحة ارض واسعه حول المياه( بس هي بعيده اوي عني) غرب غرب اسكندريه قريبه من برج العرب..
فمحتاجه واحد يفضل معاهام يراعيهم وطبعا هيحتاج مرتب شهري ففي الغالب مش هيبقا مربح المشروع بالوضع ده
ههههههههههه وفريد كمان اتوقف ومسلم