ممكن حد يفيدنى ويحاول معايا تقليل العصبية بدون سبب
عرض للطباعة
ممكن حد يفيدنى ويحاول معايا تقليل العصبية بدون سبب
هي جمله واحده لو فهمتها صح مش هتتعصب تاني
طول ما انت عصبي خسران خسران
حاول تاخد حبوب اوميجا 3
وتمارس رياضية
هتلاقى مودك اتظبط ، ومش هتتصعب
وتذكر انك فى مصر يعنى لو اتعصبت على كل حاجة مش هتخلص
الرياضة مفهومة يا باشا بس ممكن أعرف إيه دور إل omega 3
أوميغا 3 بجانب فوائده للقلب والاوعية الدمويه
بيحسن الحالة النفسية والمزاجية للانسان وبيقلل الاحساس بالإكتئاب
طيب لو انا عندى ضغط عالى هل اخد اوميجا عادى وبجرعة اد اايه لانى بعانى برضو من العصبية ولتوتر بدون سبب
لو بتدخن بطل تدخين لانه العامل الاساسي فالتوتر والعصبية
الاوميجا 3 مفيد للضغط العالى وبيخفضه ، بس ده طبعا مش بديل لأدوية الضغط ، شافاك الله وعافاك
المشكلة ان الواحد بيتعرض لمواقف كتير من ناس معندهاش ذوق بتخليك تغلى و تتعصب و محروق دمك
والدى برضو عندو نفس المشكلة على طول متعصب وسنة 60 سنة وبيدخن كتير والله نفسى اشوف له حل فى موضوع العصبية والتدخين كمان
انا كل شويه ادخل الموضوع اقول ممكن الاقى حاجه جديده لعلاج العصبيه
اخوكم من نفس فصيله العصبيين لكن مش عصبى على طول تلاقينى زى مابيقولوا ملاااااااااااك لكن بمجرد حد وترنى
او عصبنى هما بقى اللى بيحكولى لانى مبعرفش انا بهبب ايه
نجرب الاوميجا
يعنى انا مش لوحدى فى الدوشة دى ياريت لو فى حد متخصص يفيدنا برأى ويكسب فينا ثواب
او حد يكون بيتعالج او يعرف حد بيتعالج يفيدنا
فيه دواء أسمه Kava
دا مكون من نبات مهدئ طبيعي
لا يؤدي إلى الإدمان - ولا يؤثر على المخ
وفعلاً حلو أوي - قرص واحد في اليوم
شافكم الله وعافاكم يا شعب مصر
ياجماعة انا شايف ان الغضب و العصبية من الشيطان أستعذ بالله و حاول تهدى و لما تتعصب قول الله اكبر - الحمدلله- أستغفر الله - لا الله الا الله محمد رسول الله .......اهم شئ تذكر الله و متنسوش قوله تعالى فى كتابه العزيز "الا بِذِكْرِ اللَّهِ تَطْمَئِنُّ الْقُلُوبُ" صدق الله العظيم ، على فكرة انا عصبى جداً بس فكر كدا تتعصب و تقرأ قراءن هتلاقى نفسك هديت ، ربنا يهدينا جميعاً يارب.
غالبا العصبية بتبقي ناتجه من موضوع شخصي صاحب كل رصيد الصبر عندك فأي حاجة في الحياة العامه بتعصبك ....
ممارسة الرياضة بتفرق فارق خيالي دة غير المزايا الصحية ....ونصيحة دور علي اللي مضايقك في حياتك الأول عشان تريح دماغك ....
هاجر
كنت عاوز اسئل. هيا العصبية دي ممكن تكون. عند واحد عايش في قرية سياحية وقاعد في فيلا وعايش في هدوء ... اكيد العصبية بتقل كتيرررر !
طيب ليه لمن نسافر نتفاجئ ان الدول التانية معندهمش كمية العصبية دي كلها ... والاجابة ببساطة انك بتاخود حقك. ... بتاخود حقك كانسان لمن تيجي تنام محدش بيجي يمغص عليك نومتك ويصحيك مفزوع او يشغلك كاسيت. تحت بيتكم او كلاكسات او دق وحفر شنيور في الحيطة. او صوة هبد كورة في الشارع فبتاخد حقك في النوم وبتصحى فريش بعكس واحد نام صحيح بس صاحي جسموا كلوا مكسر. ومهما نام. عمروا ما هيرتاح ابداً وهيفضل عصبي كده على طول .
طيب برضوا ايه السبب غير النوم للدول التانية ليه. معندهومش عصبية واحنا حتى الاطفال عصبيين ... وقلتلكم انتا هناك بتاخود حقك. كمان في الحياة. بمعنى. انتا مش محتاج تقلق على عربيتك مثلاً وانتا في الشارع او في البيت والي يخبطها يخبطها ليه لان اي حد يخبطها ولا يجرحها بمنتهى البساطة. هترفع السماعه تكلم المرور. يجو يعاينوا الحادث. ويحكموا ويغرموا. المخطئ تمن التصليح وبيدفع غصب عنوا .
انتا حتى وانتا عايش مش محتاج انك تقلق لانك هتاخود حقك لو اي بلطجي او واد قليل الادب حب يقل ادبوا عليك. فبمنتهى البساطة هتتصل على البوليس يجي يشد الواد ده من قفاه فكده انتا خدت حقك تالت ومتلت ومش محتاج تقلق من اي حاجة فبالتالي هتتعصب ليه .
@@@@@@@@
طيب نقطة كمان ... علشان ابين لكم انتا عصبي ليه عاوزك انتا وهو وهيا. تغمضوا عنيكم. دققتين. كدهوو ... عارفين اليوجااا. اهو خلونا نلعب يوجا. غمضو عنيكم كدهو شوية وقلي سامع أيه. ركز كويس في الأصوات المحيطة بيك وقلي سامع أيه ... أقولك أنا سامع أيه. ... هقولك حاضر ((. أنتا. سامع حضرتك صوت كلب بيهو هو ... وسامع صوت عشرين كلاكس عربية او شكمان موتسيكل او حتى صوت حاجة زي الاتوبيس او التريلة ماشية بس بعيده شوية ... سامع صوت بط وز ومعيز اذا ليك جار مربيهم فوق سطح بيتهم ... سامع صوت بياع روبابكياااااا بمكيرفوناتوا السخيفة. وسامع بتاع التين الشوكي وهو بيجعر زي الحيوان وبيقول حلالالالالالالالالالالاوة يا تيييييييييييييين. ... سامع صوت بتاع غزل البنات وهو بيزمر بزمرتوا الغلسه المفزعة. سامع وسامع وسامع ... وياسلام لوفي بياع خضار ولا محل سمك جمبيك وطول ماهو فاتح مشغل كاسيت بصوت عالي او بينده بمنتهى الغباء وهو بيقول. الي يصلي على النبي يكسب ... وكل ددددددده ومش عاوز تكون عصبي . أحمد ربك يا باشا انك لسه عايش (( دي عيشة تقصر العمرررررررر )) قولي أنهي جهاز عصبي في الدنيا لبني أدم يستحمل. الي بيشوفوا والي بيسمعوا المواطن المصري .
ومتقوليش اتعودنا على الدوشة ... مفيش إنسان بيتعود على الدوشة ... لان كل صوت. الودن بتسمعها اي صوت. بتبعت اشارة بسرعه عبر الاعصاب للمخ. والمخ يترجمها ويا أما يتجاهلها يا أما تتفاعل مع الصوت ... فتصور اعصابك شغاله ليل نهار. تحليل في اصواااااااااااااات . وزي ما بنقول بالبلدي كده. (( إنتا قاعد على أعصابك )). لذلك حضرتك المجتمع مريض مش إنتا.... وتحياتي
على كدة الواحد لو حب يريح دماغه يحط سدادات اذن زي بتاعه الطيارات دي
بس في الحالة دي هيسمع ضربات قلبه، او هيسمع اصوات من معدته خصوصا لو كان واكل حاجة بتعمل غازات .ههههه
فعلا والله، الدوشة ورانا ورانا في كل حته ودي سبب التوتر والنرفزة اللي احنا عايشنهم
حل العصبية بأيدك
ودايما تبقي عارف انك انت خسارن صحتك
وان الي قدامك مش بيخسر شئ
لما تتعب خد نفس عميق واكتم 5 ولا 10 ثواني وطلعه بهدووووووووووووووء
اعملها 3 مرات حتبقى هاي وزي الفل وهيا ديه الدماغ الطبيعيه
وعليك بالاستغفار بيهدي وروح الصيدليه بيبقى فيه حبوب مهدئه خدلك حبايه مره في اليوم بتجيب نتيجه زي الفل
موضوع مفيد