@~@~ ايهم تثق فيها ثقة اعلى ~@~@

السلام عليكم ورحمة الله وبركاته

السؤال في الموضوع ده بيعتمد على رايك النهائي في اختيار السيارة التي تثق فيها ثقة اعلى


يعني لو انت بتفكر في عربية جديده
انهي عربية من دول هتختارها ليس لمتطلباتك الشخصية
وانما لو بتختار عربية جيده ومن الأخر تكون ثقتك فيها عالية انها مش هتخذلك مره
او هتخسر فيها مره او اي نوع من الخسائر


وهيا دي الاعتمادية

الأعتمادية هيا السيارة التي تثق فيها ثقة عالية وتعتمد عليها
خلافا لأي متطلبات اخرى كالتميز مثلا او اي شئ اخر


أرجو ان تختار السيارة على اساس الأعتمادية وليس شئ اخر
فالأستفتاء على افضلهم اعتمادية ؟؟؟

انا اعتقد ان اللانسر هى الاعتمادية الاولى فى رايى من كل حاجة هى والتويوتا عشان تقفيل يابانى وكل حاجة لكن معرفش عن البيجو او الميجان اما الصنى فتقفيل مصرى اخاف منها جدا عشان الواحد ممكن يتلككلها ويقرف منها بسرعة لكن اليابانى اعتمادى جدا

Nissan
و بالتبعيه حتبقي رينو :)

بعدين تويوتا :)

أنا ركبت عربيات كتير وكل عربيه بيبقى فيها ميزات وعيوب مهما كانت فالكمال لله وحده
فكل العربيات اللى موجوده فى الإستفتاء ممتازه والمقارنه بينهم صعبه لكن أنا عن نفسى أفضل البيجو

لن نأخذ في الأعتبار مسألة تقفيل يا جماعه
يعني تقفيل النيسان مالناش علاقة به دلوقتي


احنا بنتكلم عن كل ماركه مدى ثقتك فيها اد ايه من حيث الأعتمادية
اي ايهم تعطيك الأحساس بأنها عربية يعتمد عليها ولن تخذلك في اي موقف

يعني من الأخر انهي عربية حمارة شغل زي ما بنقول في السوق

انت بتقارن شركات مش موديلات
انا اخترت التويوتا عشان ليها عربيات كتير اثبتت كفائه زى الكامرى مثلا

اقتباس:

---

المشاركة الأصلية كتبت بواسطة blazer

انت بتقارن شركات مش موديلات
انا اخترت التويوتا عشان ليها عربيات كتير اثبتت كفائه زى الكامرى مثلا

---

لو الشركات يبقي تويوتا بعربيتها الكامري وال 4×4
لو عربيات يبقي النيسان وبعديها اللانسر الشكل القديم

من واقع تجربتى.....

ميتسوبيشى لانسر 99, داخلين على 10 سنين و الحمد الله الحاجات الدورية بتاعتها وخلاص. و عاملة حوالى 222.000+ على العداد.

العربية دى شافت كمية سوء معاملة....

Bulletproof من الأخر :).

اللانسر هى الاعتمادية الاولى

الاعتدادية الاولي بلا منازع بعد تجربة

البيجو

و هي حماره شغل

و كفايه ان عربيتنا مويل 1990 قلبت عداد و عمله دلوقتب 169 الف كيلو يعني مليون و 169 كيلو

بدون عمره او تغير وش سلندر

يبقي اكيد هختارها بدون تفكير حتي ارهن اذا كان في عربية ياباني قدرت تعمل ده

وانا مش ضدد الياباني

انا بعشقة بس احنا بنتكلم عن الاعتمادية

فى مصر كنا نعتبر البيجو السيارة الأكثر اعتمادية فى العالم بعد المرسيدس (أو معها), و لكن أعتقد ان اعتمادية بيجو و مستوى تحمل سيارتها تدهور كثيرا فى الأونة الأخيرة, لكنها مازالت تحافظ على عمرها الطويل,
تويوتا و غيرها من السيارات الأسيوية قد تكون اعتمادية فى السنوات الأولى فقط, ثم تنهار بعد ذلك فهى سيارات قصيرة العمر.
لكن فى النهاية رغم كل شىء بيجو هى الأكثر اعتمادية بين هذه القائمة.
لكن مفيش محرك بنزين ممكن يوصل لمليون كم من غير عمرة أبدا, انا مش عارف الأستاذ نور بتجيب الكلام ده منين, محرك البنزين حتى فى بيجو و مرسيدس عمره الافتراضى لا يتعدى ال300-400 الف كيلو ده بافتراض القيادة الهادئة و الجودة المتناهية فى صنعه.

يا باشا لو حضرتك مش مصدق ممكن تيجي تتفرج علي العربية

و الموتور فابريكة بكل حاجة بتاعته

الموتور متفتحش خالص و ممكن الله واعلم الرجل القبلينا كان مغير طابلوه ولا لا

بس احنا واخدين العربية و هو صاحب والدي و قالي العربية قالبه عداد

بيجو
تيوتا
ميتسوبيشى
نيسان
رينو

بيجو الاولي في الاختيارات دي بلا منازع

اقتباس:

---

المشاركة الأصلية كتبت بواسطة blazer

انت بتقارن شركات مش موديلات
انا اخترت التويوتا عشان ليها عربيات كتير اثبتت كفائه زى الكامرى مثلا

---

بالنسبة لإعتمادية الكامرى بالذات ممكن حضرتك تشوف اللينك دا و إنت حتعرف مدى إعتكماديتها فى الخارج
http://www.carsurvey.org/reviews/toyota/camry/2006/
و حتلاقى إن معظم الناس بتشتكى منها

بالنسبة للإستفتاء
أنا شايف إن تويوتا إعتماديتها ممتازة فى العربيات الصغيرة مثل الياريس و الإيجو و الكرولا الشكل القديم
لكن فى العربيات الكبيرة و المليئة بالحساسات و التكنولوجيا إعتماديتها مش عالية و دا من كلام الناس بالخارج
لكن رأى الشخصى أنا إخترت رينو لتجربتى لها لمدة 3 سنوات و إثبتت كفاءة و إعتمادية ممتازة معايا فى فئة العربيات العائلية الصغيرة إللى فيها أوبشنز عالى و حساسات كثيرة
لكن لو على السيارات إللى بدون الاوبشنز و الحاساسات يبقى تويوتا

لكن لو عامة و فى الشركات إللى خارج القائمة حيبقى هوندا


بس هو ليه التقييم على الشركات دول فقط ؟

انا من دول بثق جدا فى الرينو بجد عربية محترمة لأقصى درجة

مش حتكلم كفاية الأمان بتاعها و انها واخدة جوائز كتيير و عاملة مبيعات هايلة ( فى الخارج طبعا ) و بصراحة فى مصر اتظلمت جامد مع انها محترمة جدا جدا جدا

تويوتا طبعا
وبعدها نيسان ثم متسوبيشى

انا مرتاح الي بيجو لكن صوت اتويوتا

التويوتا لأن تمنها فيها مش هاخسر كتير لو بعت

يا جماعة انا شايف ان معزم الاراء كلوا مهتم بأعاده البيع للسيارة
و طبعاً العمر الافتراضي للمحرك ( و طبعاً دي حاجة مهمة )
و لكن احنا عمرنا ما بنتكلم علي مواصفات الامان للسيارة و كان مصر بسم الله ما شاء الله مفيهاش حوادث طرق خالص خالص بلد الامن علي الطرق
دا تقريباً بمعدل كل ساعة في حادثة علي الطرق المصرية (اللهم ما احفظنا و احفظ طريقنا ) حتي بداخل المدن احنا عندا الكورنيش في الاسكندرية ماركة مسجلة في الحوداث و لا كانه طريق العربيات بتمشي عليه علي 120 و 130 و نسبة عربيات رهيبة بتكون داخله في الجزيرة و عربيات داخله في العواميد و الخ الخ
انا شايف ان السيارة الي مفروض انها تكون اعتمادية بالنسبة للمصرين في المجموعة الي موجوده امامنا هي الرينو الميجان لانها اكتر عربية تحتوي علي مواصفات امان فاعلية 6airbags -ABS&EBD و غير عوامل الامان الكثيرة ضد السرقة و خلافه
و لكن الشعب المصري عايز عربية تعيش العمر كل و قطع غيار رخيصة جداً و التوكيل يكون علي مستوي عالي جداً و في نفس الوقت الخدمة رخيصة و لكن لا نفكر تمام في الامان لنا و احنا بداخل السيارة و هي علي الطريق

ملخص الكلام : الرينو ميجان احسن عربية اعتمادية من ناحية الموتور و مواصفات الامن في المجموعة المطروحة و هذا لايمنع ان المركات الاخري ماركات محترما جداً و لايمكن ان احد يقول غير ذلك و لكن انا رأي برده من ناحية مواصفات الامان داخل السيارة و السعر المعقول للسلعة .........
و اسف للاطالة عليكم

التويوتا تتجاب علشان اسمها اصلا

تويوتا طبعا

تويوتا طبعا
اكثر اعتماديه

لعدم وجود الهوندا العظيمة فى الأستطلاع اخترت التويوتا

كل العربيات دي اعتمادية
و مفيش واحدة تفرق عن الثانية من ناحية الاعتمادية

إنما فيه فروق تانية بين كل ماركة و التانية حسب كل سوق
يعني السوق المصري
التويوتا الأكثر رواجا لسهولة البيع و اعادة البيع ووجود قطع الغيار
في حين مثلا تويوتا ..... غير متواجدة في السوق الانجليزي بهذه الكمية هنا في مصر
و سنجد أنها هناك سيارة عادية جدا جدا جدا

لذلك أرى أن هذه السيارات كلها اعتمادية من ناحية قلة الأعطال و جودة الخدمة المقدمة من السيارة لصاحبها
و كله حسب اعتناء صاحب السيارة بها

و حيران أعطي صوتي لمين ؟؟؟؟؟؟؟؟؟؟
دعوني أفكر !!!!