عرض للطباعة
قدامي عربية 307 موديل 2007 وارد فرنسا ... بفكر اجيبها لكن خايف من البيجو بشكل عام .... انا بركب كوري عامتا طول عمري لكن العربية دي عاجباني وحالتها كويسة
العربية محتاجة صيانة ال60 الف ... يا ترى بتتكلف كام في التوكيل
وياريت لو حد يعرف موقع فيه اسعار قطع الغيار يبقى كويس
هل العربيات الاوروبي الاستيراد مش بتكون كويسة نظرا لاختلاف طبيعة الجو عن اوروبا ؟
تنصحوني اشتريها ولا ابعد عنها خصوصا انها استيراد
انا برضو قدامى وحدة 307sw موديل 2007 ماشية 45 الف كم بس برضو قلقان من البيجو
البيجو مصاريفه اعلي من الكوري لكن كعربيه افضل من اي كوري
انا مش عايز افتي بس مش يبقى تكيفها ضعيف ؟
تكيف البيجو حلو . انا معايه بيجو 307 موديل 2003 فرنسى اصلى برضه ومعايه نوبيرا 2004 . الاتنين مانيوال . وتكيف البيجو احسن ب مراحل من النوبيرا
البيجو بس درجه الحراره التشغيل لو بصيت عليها تخض ولكنها عاديه كده المفروض . العادى بيبقى من 90 ل 100 !