تجربتك مع الست الريسه :)

**amr011111** · 13-07-2014 03:21 PM

السلام عليكم ورحمة الله وبركاته

الموضوع ده لكل حد قابل فى وظيفه له ريس فى شغله

والريس ده كان

واحده ست ( يا حفيييظ )

انا بناشد كل موظف وموظفه منكم انه يحكى تجربته مع الست الريسه

لان تعاطفك واحده مش كفايه

لان الست الريسه عموماً ( إلا من رحم ربى ) مش بتمشى بدماغها ولكنها بتمشى فى شغلها بعاطفتها وكأنها داخله قصه حب جديده

فتلاقى الموظف الحبوب اللطيف بيبقى حلو وكويس والموظف الملتزم بس مش بتاع مجاملات بيبقى مش كويس وبياخد شغل كتير

وطبعاً القاعده الوظيفية معروفه

"انك تشتغل كتير تغلط كتير تاخد جزاء - تشتغل قليل متغلطش خالص تاخد مكافأه"

**بحار** · 13-07-2014 04:32 PM

انا ماتعرضتش للموقف ده لانى صاحب عمل خاص ..ولكن تعاملت مع سيدات بتكون مختصه بالتعامل معى من طرف شركتها وكانت المشكلة فى ناحية تانيه غير اللى حضرتك بتتكلم فيها ..
وهيا ان الواحد بيحاسب فى كلامه وبيراعى حاجات ملهاش دعوة بالعمل ويخاف كلمه او تصرف يتفهم غلط ..
بعكس الراجل مافيش معاه الحسابات دى كلها !!

**ahmedalaahosny** · 13-07-2014 04:42 PM

متابع

**S O P H O S** · 13-07-2014 05:31 PM

مقبلتش كده بصراحة
بس اعتقد مش هستحمل
ان تقيم شغلي يبقي بالعاطفة مش بالعمل

**samyyousef** · 13-07-2014 05:47 PM

الامر يختلف حسب طبيعة العمل...في الحكومة و القطاع العام...شئ...و في القطاع الخاص شيئ تاني
ففي القطاع الخاص المكسب و الخسارة هو اللي بيحدد طبيعة المعاملة

**elhelwany188** · 14-07-2014 02:07 PM

السلام عليكم ورحمة الله وبركاته ....
فكرتنى اول ما تعينت كانت الريسة بتاعتى واحدة ست وكانت رئيستى لمدة ثلاث سنوات كاملة بس الحمد لله كنت فى البلاك ليست لان اول مرة قابلتها مدت ايدها علشان تسلم عليا قولتلها مبسلمش على ستات ومن ساعتها لحد ما طلعت معاش مشفتهاش غير ثلاث او اربع مرات فقط لاغير وباقى المرات كنت بقابل السكرتير الخاص بتاعها ....

**amr011111** · 14-07-2014 02:13 PM

المشاركة الأصلية كتبت بواسطة elhelwany188

السلام عليكم ورحمة الله وبركاته ....
فكرتنى اول ما تعينت كانت الريسة بتاعتى واحدة ست وكانت رئيستى لمدة ثلاث سنوات كاملة بس الحمد لله كنت فى البلاك ليست لان اول مرة قابلتها مدت ايدها علشان تسلم عليا قولتلها مبسلمش على ستات ومن ساعتها لحد ما طلعت معاش مشفتهاش غير ثلاث او اربع مرات فقط لاغير وباقى المرات كنت بقابل السكرتير الخاص بتاعها ....

هوه ده اللى انا اقصده وانا بقول انها بتفكر بعاطفتها مش بدماغها

اقصد انها مش بتحكم دماغها فى الامور ومعندهاش ثوابت فى الاداره ولكن كل حسب المزاج.

**friendship7897** · 14-07-2014 02:15 PM

الريسة الست مش حلوة للموظف أو الموظفة
أنا شخصياً مابحبش ريستي تكون ست أبداً
وبنواسي زميلاتنا إذا كانت مديرتهم وحدة ست

**amr011111** · 14-07-2014 02:22 PM

المشاركة الأصلية كتبت بواسطة friendship7897

الريسة الست مش حلوة للموظف أو الموظفة
أنا شخصياً مابحبش ريستي تكون ست أبداً
وبنواسي زميلاتنا إذا كانت مديرتهم وحدة ست

وشهد شاهد من أهلها

**OMAR11112010** · 14-07-2014 02:40 PM

فكرتني بزمان
كانت اول ريسة ليا في الشغل واحدة ست وكانت بتعامل الناس مش علي حسب شغله لا علي حسب هو بيتكلم معاها كتير بيسال عليها لسانه حلو يعني واللي شايف شغله وفي حاله زي انا كدا كان في القايمة السودا
جت في يوم طلبت مننا نعمل شغل ناس غايبة وبتدلع وانا رفضت وغيري رفض بس للاسف انا اللي اتعاقبت لوحدي والباقي لا دا عشان انا في حالي وحقاني ولساني مش حلو معاها وهي كانت غير عادلة في التعامل مع الموظفين من حيث الترقيات وخلافه

الموضوع: تجربتك مع الست الريسه :)

LinkBack

أدوات الموضوع

عرض

تجربتك مع الست الريسه :) - انشر الموضوع فى :

-

-

-

-

المواضيع المتشابهه

بالنسبه لموضوع مفيش جمال فى مصر (الست مش بالجمال الست بالروح والانوثه)

تجربتك مع المطبات

قالوا عن الست

الست

الهدايا الست

الكلمات الدلالية لهذا الموضوع

المفضلات

المفضلات

ضوابط المشاركة