ضمان بيجو من اللف إلى الياء
السلام عليكم و رحمة الله و بركاته
كل عام و المسلمين جميعا بخير
و تقبل الله منا و منكم صالح الأعمال و بلغنا و إياكم ليلة القدر..قولوا آمين
إن شاء الله الموضوع ده يبقى مرجع لكل ملاك بيجو في ما يخص الضمان
اعرف ما لك و ما عليك عشان تاخد حقك بالكامل و في نفس الوقت متطلبش حاجة متستحقهاش
كتيب الضمان ده يعتبر عقد بينك و بين الشركة
و الضمان بيمثل 10% من قيمة العربية يعني مبلغ مش هين و حرام إنه يضيع عليك أو متحققش منه اكبر فايدة
أولا:
أول شرط في الضمان هو الإلتزام بجدول الصيانة الموضح بالضمان
الضمان ساري من تاريخ التسليم الفعلي للسيارة للزبون (و في الواقع بيبقى تاريخ الترخيص)
http://nileup.com/up/uploads/nilemotors_14052674181.jpg
و هتلاحظ الختم و تاريخ الضمان في الصفحة الأولى
ثانياً:
الضمان يشمل
عيوب الصناعة
توقف نتيجة عطل
كفالة للطلاء
كفالة ضد الصدا
http://nileup.com/up/uploads/nilemotors_14051991403.jpg
ثالثاً:
- الكفالة لمدة 3 سنوات أو 60 ألف كيلو أيهما اقرب ما لم يذكر غير ذلك (ال301 مذكور في الصفحة الأولى 100 ألف)
- تتكفل بيجو بتصليح القطع أو إستبدالها مجانا بعد نظر المندوب في تعطلها
- تتكفل بيجو بتكاليف تصليح السيارة في مكانها أو قطرها لمسافة لا تزيد عن 100 كيلو في حال توقفها بسبب عطل (و دي نقطة إيجابية جدا لو إلتزموا بها)
ملاحظات: إستبدال القطعة بقطعة جديدة لا يمدد كفالة القطعة الجديدة (يعني مثلا في حالة التيل الأمامي لل301 لو أتغير في الضمان أول مرة القطعة الجديدة ملهاش ضمان و هتغيرها على حسابك حتى لو خلص في 2000 كيلو بس)
القطعة المستبدلة في الضمان تصبح ملك بيجو
http://nileup.com/up/uploads/nilemotors_14051991415.jpg
كفاية كده و لا نقول كمان؟؟