السلام عليكم
انا ركبت تكيف 3 حصان lg نيو بلازما
من شوية والناس مشيو الى ركبو بعد التجربة
بس الماية نزلة من الخرطوم بغزااارة
مش نقط كدا زى اى تكيف ياترى اية السبب؟؟
عرض للطباعة
السلام عليكم
انا ركبت تكيف 3 حصان lg نيو بلازما
من شوية والناس مشيو الى ركبو بعد التجربة
بس الماية نزلة من الخرطوم بغزااارة
مش نقط كدا زى اى تكيف ياترى اية السبب؟؟
عادي جدا ده من شدة الحر .. انا ساكن في الرابع ومنزل الخرطوم بتاع التكييف على الشارع ورابطه في الشجرة عايز اقولك ان انا اللي باسقي الشجرة دي من ماية التكييف
ونصيحة بالنسبة لضبط درجة الحرارة انا باعمله على 25 او 26 اول ما اشغله وبعدين لما الجو يسقع ويبتدي الوتوماتيك يفصل اضبطه على 27 بيبقى كده الجو كويس بالنسبة لجسم الانسان
وربنا يبارك لك فيه
شكرا يا استاذ محمد طمنتنى والله خفت ليكون مش متركب كويس
لا شكر على واجب ... وانا تحت امرك في أي سؤال
بعد اذنك هقولك على كام نصيحة كده عشان يعيش معاك :
1- الفلاتر لازم تتنظف باستمرار مثلا كل اسبوعين : بشوية مايه واريال وسفنجة تغسل بيها - اوعي تعمل بفرشاة عشان البلاستيك بتاع الفلتر ميتقطعش
2- زجاج الشبابيك يكون مغلق تماما وباب الغرفة يكون مغلق ولو في الصالة مثلا وفي طرقة تقفل الطرقة ولو بستاره
3- يبقة في ستاير كويسة على الشبابيك تمنع الشمس عشان حرارة الشمس هتخلي الشقة سخنة وهتخلي التكييف يشتغل بمجهود جامد عشان يقاوم الحرارة دي
4- السبرنتينة بتاعة التكييف (الصندوق اللي بره الشباك) لازم يتنظف بالبلاور (وده انت ممكن تشتريه وتعمله مش لازم فني)
5- اهم حاجة لما النور يقطع افصل الكهرباء عنه : لأن ممكن التيار ييجي عالي لا قدر الله يحرق اي قطعة فيه (وده حصل معايا) ..... ودي نصيحة لاي جهاز تاني في الشقة مش التكييف بس
نصائح تانية عشان تاخد بالك من آداء التكييف نفسه :
1- مش كل ما ييجي فني تكييف يقولك اشوفلك الفريون ، لان قياس الفريون عبارة عن تفريغ للفريون على جهاز بيقيس مستواه فكل مرة هتقيسه هيسرب كمية فريون محترمة وبعد شوية تحتاج تملاه ... انا عندي 5 حصان ومليته كله ب 400 جنيه لان الكواتشة نشفت واتاكلت فسربته
2- تتأكد من عدم تسريب الفريون ازاي : سفنجه فيها شوية صابون وتدعك بيها صمام الفريون (اللي في الصندوق اللي في خارج الشباك) وبعدين تستنى شوية لو لقيت في فقاقيع بتزيد اعرف ان في تسريب والمفروض انه متبرشم اصلا
3- التكييف مش بيسقع وشغال مروحة بس : لازم تكلم الفني بسرعة وهتكون المشكلة إما الفريون اتسرب وخلص او في قطعة فيه ممكن تكون اتحرقت وعايزه تتغير
ارجو مكونش طولت عليك .. وربنا يكفيك شره ويعطيك خيره
انا عندي 5 حصان لو شغلته كل يوم حوالي 10 ساعات مثلا ممكن يوصل ل 200 جنيه في الشهر بس دي اسعار الصيف اللي فات مش عارف الصيف ده الاسعار هتبقى ايه
بس ده رقم تقريبي لان كشاف النور ساعات اصلا بيكتب اي حاجة مش الاستهلاك الفعلي فممكن ادفع المبلغ ده اربع شهور ورا بعض مع اني استخدمته شهرين بس مثلا .. ولما سألت استهبل وقال لي :"اصل احنا بنقسم الاستهلاك على كذا شهر عشان ما تدفعش مبلغ كبير مرة واحدة ومتخشش في شريحة أعلى "
يا عيني على الحنية :beeangel:
شوفت قلبو عليا ازاي :Copy of new:
بخصوص المياه ديه عادي
عشان المياه بتتكثف و بتتصرف بره و تفهم من كده ان الجو حر و الرطوبه نسبتها عاليه
محدش عندة فكرة طيب عن الأسعار السنة عاملة ازاي مكيف سبليت 1.5 حصان سعرة بيدا من كام ؟
الكلام ده بجد؟
انا عندي تكييفين واحد 5 حصان كاريير
وواحد شارب 2.25 لما بفتح واحد منهم بالكتير اوي نص ساعة بخاف من الفاتورة العالية وادخل في شرائج تانية توديني في داهية
ممكن تاكيد علي المعلموة بتاعة حضرتك انتا بتشغله فعلا 10 ساعات تكييف 5 حصان وبتدفع فعلا 200 جنيه بس؟