النهارده بعت عربيتي فيكترا 96 الشكل الجديد اشتريتها ب 47و5 وبعتها بواحد واربعين والسبب التكييف وكهربه العربيه معاناه لا تنتهي ومصاريف غير عاديه حقيقي الاوبل بلاعه فلوس يلا ربنا يسامحها بس احلي حاجه في الاوبل منتداكم الجميل:crying2:
عرض للطباعة
النهارده بعت عربيتي فيكترا 96 الشكل الجديد اشتريتها ب 47و5 وبعتها بواحد واربعين والسبب التكييف وكهربه العربيه معاناه لا تنتهي ومصاريف غير عاديه حقيقي الاوبل بلاعه فلوس يلا ربنا يسامحها بس احلي حاجه في الاوبل منتداكم الجميل:crying2:
ربنا يعوضك ومعلش عربيه داخله على 18 سنه استخدام اكيد خيرها راح والحمد لله انك خرجت منها على خير العربيات المتهانه ممكن تصرف تمنها تصليح
ههههههههههههه الاوبل اللى معايا فكترا اية 1996
اشتريتها 1/4/2008 بـ 53000 جنية
و صرفت عليا بعدها حوالى 17000 فى ست سنين
و فى الاخر دخلتها فى هيوانداى اكسيل 1997
و كل اللى يعرف يقولى انت اللى كسبان
بس اللي مستغربله اني حاسس اني مش هعرف اركب حاجه زي الاوبل تاني
الكومنتات مضحكة جدآآآ :)
ههههههههههههههههههههههههه ههه:Copy of new:
الف مبروك ياباشا انك خلصت منها هم و انزاح ، اللى بيجرب يركب الالمانى صعب يعرف يركب صينى اوكورى بس دور هتلاقى فى حاجات كويس عند التويوتا و الجولف و الفورد و إيبزا و البولو و الباسات و الجيتا فى حاجات كتير اوووى و كله على حسب اماكنيات حضرتك و رمضان كريم.
بص الاوبل لو حاله نظيفه مفيش حاجه زيها وسابقه فئتها السعريه فى المستعمل بكتيييييييييييييييييييييي ييييييييييييييييييييييييي يييييييييير اوى بس حاله ثم حاله ثم حاله بالذات الكهرباء بتاعتها
زي واحد اعرفه كان معاه واحده موديل 97 كانت مجنّناه في مشكلة السخونية, كل اسبوع عند الميكانكي لحد ما باعها ع العيب بتاعها بخسارة.
وسبحان الله كل اللي بيتكلم عنها يقولك الماني وصفقة رابحة وكلام فارغ بصراحة. اعطال الاوبل مقرفة حتى في الموديلات الجديدة 2007 وانت طالع.
هات بيجو 405.
بالله عليكم علشان الموضوع ميزدش عن حد وكل الى مش عارف يفتى ويمكن عمره ما شاف اوبل غير فى الطريق واخره ركبها مع واحد صحبه وخلاص الاوبل زى ما قولنا حاااااله ولو اخدت حاله كويسه هتاخد عربيه فوق الممتازه مش هتحتاج غير سيرفيسها بس لسنين طويله خلاصه الكلام
ما هو طبيعي عربية من سنة 97 يعني 17 سنة تعطل لو صاحبها مش مهتم بيها و ده الاكيد إن اللي باع العربية لصاحبك مكانش محافظ عليها
و اكيد إنها في الوقت ده في حاجات باظت و عايزة تتغير و طبعا الصنايعية الفتايين مش هيقولوا عليها فبالتالي هتعطل و هتبهدل صاحبها او إذا مكانش بيوديها لمركز خدمة معتمد او حتي ميكانيكي متخصص للعربية+عدم الكشف وقت الشراء
انتوا مسحتوا بالعربيه الارض كده ليه ؟؟؟ فى الاول وفى الاخر العربيه ملهاش ذنب الذنب
:fdsa:المشكله كل اللي بيعيب في العربيه دلوقت لما كانت معاه كان بيوصف في جمالها
مبروك
اللي انا متأكد منه ان اي حد معاه اوبل سليمه صعب جدا يفكر يبيعها وبالتالي معظم الاوبل المعروض للبيع حالته سيئه فبالتالي هيبقي فيه فرق كبير في الرأي بين واحد معاه عربيه سليمه محافظ عليها وحاسس بجمالها وبين واحد اشتري عربيه مليانه عيوب وعلي فكره انك تشتري اوبل سليمه ده صعب جدا
ربنا يعوضك بالاحسن منها
معلش والله سؤال عادى جدااا ً هو ليه حضرتك بترفع موضوع عدى عليه شهر ونص مع ان مفهوش حاجة مهمة تستاهل الرفع ؟
بجد بجد اعتقداى الراسخ ان الفيكترا عربيه مش فى نفس مستوى الاسترا و ظلمت الاوبل فى مصر .. العربيه كلها مشاكل من كمبيوتر لتكييف لكهرباء لسخونه مرعبه .. إنما الاسترا شبه التويوتا اعتماديه جدا جدا و ماسكه نفسها جامد بصراحه .. انا معايا واحد صاحبى كل لما اقابله يقول لى انه كان عند الميكانيكى يالكهربائى ..تحس انه عايش معاهم