تجربتي مع مستشفي مبرة العصافره غرب فى ولاده بنتي
الاستقبال كان شبه مقبول
الدكتور الي قال تعالو المستشفي الساعه 8 و نص و المستشفي قالت تعالو 8 و نص جه الساعه 11 قبل ما يجي بشويه لقيت واحد ببلطو دخل الغرفه و جاي يشكف قلت له ثواني انت مين ؟ قالي انا الدكتور فلان اخصائي "تحس انه معدي على قهوه فقرر يشرب حاجه" الجهاز الي كان معاه بايظ راح جاب واحد غيره و جه تاني المهم مفهمناش ايه الوضع و لا هو بيعمل ايه .
المهم دخلت العمليات و طلعت الدكتور الى عمل العمليه مشوفناش وشه بعدها و لا قبلها اساسا و لا جه يسئل على الحاله بتاعته و لا اخدنا منه اي معلومات عن الحاله .
التمريض زفت ترن الجرس كتير محدش يرد عليك و يكون المحلول قرب يخلص تفتح الباب تلاقيهم واقفين يرغو مع بعض و انت ولع فى نفسك لزم تروح تجيب حد من ايده و تيجي و الانيل انهم مش فاهمين اي حاجه و لا عندهم معلومات غير انهم معاويج .
الدكتور كان سايب روشته ادويه جبتها و لما بلغ الممرضات بالتليفون اننا نمشي كان كل الادويه زي ما هي تقريبا فبسئل طيب و الادويه دي نعمل فيها ايه مش المفروض نعرف حنستخدمها ازاي قالت الممرضه بكل بساطه ممكن ترجعهم للصيدليه .
الحسابات انيل و انيل و كانو مغالطين فى الحساب اساسا بجانب اني دافع فلوس مش عارف بتاعت ايه
بعديها بيومين اتصل بي حد من المتابعه عشان يعرف رائي فى الخدمه اشتكيت له من الي حصل راح قافل السكه فى وشي و تحس ان حد بتاع طرشي الي بيتكلم مش حد بتاع متابعه عملاء فى مستشفي خاصه
اول كشف دكتور النسا اتاخر ساعتين فى العمليه اتاخر 3 ساعات دكتور الاطفال اتاخر ساعه و نص
غير اساسا موظفين الحجز و الاستقبال و السخافه الي فيها
المفروض متابعة البنت يوم السبت اتصلت الجمعه و قلت مش حقدر اجي السبت و حجزت بالفعل الاحد رحت النهارده للموظفه قالت لى معادك كان امبارح شرحت لها الى حصل قالت لى مش انا الي رديت عليك ساعتها كنت عايز اقلع الى فى رجلي و اديها بيه و قلت لها حضرتك انا بتعامل مع كيان مش معاك و ميهمنيش مين الي رد على التليفون و عطاني المعلومه دي ؛ قالت لى لزم كشف طلعت لها الكارنيه قالت لي روح صوره و تعالي صورت الكارنيه و رحت لها قالت لي مش حينفع الكارنيه لزم تدفع تمن كشف كامل . قمه الغباء و مش عارفين بينيلو ايه اساسا
بجانب اننا خرجنا من المستفشي كده مش عارفين حنعمل ايه و لا فى غرز حتتفك و لا ايه الي حيحصل و لا فى متاعبه و لا لا . اتصلت بالدكتور الى عمل العمليه عشان اسئله قالي المفروض كان حد بلغك بميعاد المتابعه و الي حيتعمل و كده .
من الاخر منصحش اي بني ادم بيحترم نفسه انه يروح مبره العصافره خالص
المستشفى زحمه بغباء و ديقه جداا كراس بتاعت اطفال عشان يقعدو عليها سخافه فى المعمله تحس انك جاي تشحت مش جاي تدفع فلوس
المفضلات